كل عام وأنت بخير وأيامك بخير

. كل عام وانت بخير وايامك بخير**********
**********لايابعدهم كلهم ياغناتي
انت بحياتي شي ثاني عن الغير**********
**********تقدر تقول : اجمل حدث في حياتي
انت الفرح انت الوفا والتباشير**********
**********انت امنيه لا والله كل امنياتي
دايم افكر لو خسرتك وش يصير**********
**********وقول دايم جعل قبله وفاتي
من قبل اعرفك ماحسبت المخاسير**********
**********واليوم شفني ماخسرتك واحاتي
اذا افترقنا بطلبك مطلب صغير**********
**********لاتزورني بين النعاس ومباتي
اخاف لاجوني طيوفك مسايير**********
**********قلطهم قلبي تعشوا مماتي
ماقلت لك طبع الوجيه المسافير**********
**********ماتغيب وان غابت ليالي وتاتي
يعني اذا بتغيب من غير تفكيير**********
**********ترجع قبل لا ينكسر لك ثباتي
ولا اخذني معك من وين ماتسير**********
**********مدامك الدرب الطويل بجهاتي
لو نفترض اني وصلت السما طير**********
**********احوم حومة حر والريح عاتي
المشكله اني بلياك ماطير**********
**********لانك جناحي للمطير ونجاتي
الطيحه منك تترك اسنين تأثير**********
**********من قال لك ماراح تشمت عداتي
لا والله الا طيحة الدلو في البير**********
**********ياكبرها منك الملم شتاتي
وص انت قلبك يذكر الحب بالخير**********
**********ولا انا والله لقضب وصاتي
امانتك .. في داخلك شوفني غير**********
**********وامانتي .. لقربك قرب ذاتي
من كثر ماخانت غلاك التعابير**********
**********معاك احس اصدق كلامي سكاتي
لكن تعال وخل عنك المعاذير**********
**********شفني شسوي وسو عقبي سواتي
ارفع يديك لمن يرد المقادير**********
**********وردد ورايه ماتقوله شفاتي
كل عام وانت بخير وايامك بخير**********
**********وانا معاك اعيش باقي حياتي
ثامر شبيب الدقباسي .

.
.
.



احساس ممتع شعوور لايوصف ،،





/

شموسه عوافي ع الذوق حبيبتي اختيار ولا اروووع،،
دمتي لغاليك وباحسن حال يارب’’

ذوق×ابداع


شمس سجلي إعجابي بين طيات صفحتك



تحياتي

الله يعطيك العافيه وسلمت يداك

مشكوره على نقل هذه الرائعه

انتقاء جميل يدل على ذائقتك الشعريه
صح الله لسان شاعرها مليون
وسلمت الانامل الناقله مليار

الغاليه بنت الرجال.......

الاجمل وجودك الرائع.......

واختيارج الاروع

مع حبي وتقديري غاليتي