شرح لجميع اسلحة الصيد مع ذخيرتها _ بقلمي _ حصري

الخرازه





من اهم انواع بنادق الصيد الخرازه

وهي بندق قويه مره .. لذالك سميت خرازه رصاصها صغير اصغر من المسدس وتسوق بعيد وممكن ياصل مداها الخطر الى اكثر من كيلو



وهي منتشره بانواع مختلفه كانت تجي ام حبه وهالحين اللي معروف منها ومشهور ام خمس البرنو وفيه انواع اخرى احسنها الالماني ام سبعطعش فشقه وانا ما اعرف كل انواعها




وكان فيه نوع الماني قديم طرازه 66 و67 يقولون هو افضل نوع نزل يعني اللي عنده الطراز يحتفظ به ولا هو لاقي احسن منه لانه ما يتغير قوة رميه ولا تتغير ميزانيته بس هالطراز مقطوع من زمان



سعر البرنو ياصل فوق 2500 والتشيكي العادي ممكن 1700



لها ميزات زينه كثيره منها

- تسوق بعيد ..يعني ركب عليها دربيل اصلي وانس موضوع البعد

- ما ترجف زي الشوزل وصوتها عادي زي ساكتون الهوا

-خفيف وزنها وتقدر ترمي بها بيد وحده

- رصاصها متوفر مره ورخيص الدسته ب 30 او اقل

-فيها امان






والخرازه تصلح لصيد الفردي يعني تصيد طير واحد منفرد الحاله وتقول ما يحتاج رمي بالشوزل



و صيد الضبان الخرازه مثاليه لانها تقتله على طول وما يمدبه ينحاش ويدخل جحره ويموت فيه خاصه اذا استخدمت الرصاص المتفجر ورميت الضب مع راسه


وصيد الارانب

والوبر


وغيرهن من الطيور والحيوانات




بعض انواع رصاص الخرازه

- رصاص ستينجر رصاص لونه فضي وراسه نحاسي وهو قوي ومتفجر

- رصاص كنكورد لونه ذهبي ورئسه رصاصي غامق ويوجد داخل رأس الرصاصه مسمار يشبه لشكل رأس السمكه تقريبا وهذا النوع ممتاز جدا

- رصاص رمنقتون نوع متاز بس مدري هو في السوق والا لا

- رصاص ابو ارنب النحاسي الرأس نوع قوي

-رصاص ابو ارنب اسود الرأس نوع ليس قوي بدرجه كبيره الخرازه .

- رصاص الليزر من افضل الانواع واقواها ايضا

-اما هالنوع فهو من اقوى ان لم يكن الاقوى في كل الانواع في العالم

واسمه AGUILA



وهذي التي في الصورة من النوع المتفجر وسرعتها 1750 قدم/ثانيه
وفيه منها نوعين المتفجر والعادي (المصمت)


وهناك انواع اخرى كثيره ومختلفه



مشكلة الخرازه في الوزنيه ...صعب وزنها وتزم من الهواء لانك ترمي هدف من بعيد والرصاصه خفيفه

وانتبهو يا اخوان عند حمل الخرازه بالسياره لان الواحد يحطها في شجه وهو جالس بالمرتبه يقالك مولمها للرمي المستعجل ..بس ممكن من اي مطب والا هزه بالسياره تسبب طلق الرصاصه والنتيجه اذا اصابت الجسم قاتله 100 % وفيه حوادث قد صارت بسبب هالشي..يعني وانت شايل البندق خل الفوهه تطلع برا القزازه او اقل شي ماهي متوجهه لمك او لم اي شخص

ايضا هناك ملاحظه على الصيد بالخرازه والا بالشوزن في النخيل تراهن يعدمن قلوب النخل والخوافي يعني تصيد لك صفارى وتقتل نخله وتوذي المسلمين في حلالهم

لذالك لا تستخدم الخرازه والشوزل في الصيد بالنخييل علشان ما تسبب ضرر واذى لغيرك





[/QUOTE][/QUOTE]