أحمد الشامري وحجاج المهيمزي

أحمد الشامري
استلم استلم
تقول العرب حجاج شاعر وبيطار=وانا اقول كل انسان عقله دليله
لو الشامري يصبح من عيال عمار=لقيناك يا حجاج شيخ القبيلة



حجاج
وازيـدك عليهـا لـه مكـانـه ومـقـدار=وبعض البشـر بيـن العـرب عزتيلـه
عن العز والشيخان تبعدك الاقدار=وانا اسجد شكر لله في كـل ليلـه



أحمد
يا حجاج يابن مدله يديك والنار=عسى الله يخليك لمن تعدل ميلة
عن الذنب تب والله رحيم وغفار=وما طاح من غيرك لعلك تشيلة



حجاج
خصيمك نهار المعركه يحمي الدار=لـو انـه لحـالـه دون جيـشـه وخيـلـه
على امرين ابخيرك بالحال واختار=تبى الصلح والا القبضه المستحيله



أحمد
سقى الله وصلك سلسبيل ومدرار=وروى بك كبود من زمنها عليلة*
انا اخترت وصلك وانت فارس وسحار=تحط القصيرة قدم عيني طويلة



حجاج
مصيبه ليامن طحت بأثول وطـرار=ولاتربطـك مـن بينـه ايــا فصيـلـه
الا يالعبيد اللي تطيعون الاحرار=تعفـو تحـت ظـل البيـوت الظليـلـه



أحمد
ظواميك يا هداج ورد وصدار=وكلن على تيماك يومي شليلة
تبينا نروح يمين وألا تبى يسار=تفاخر بك أمك ناقضات الجديلة



حجاج
مقامي رفعته عنك يالنقص والعار=ولا احــب اقـــدم للهزيـلــه هـزيـلـه
ليامـن سقانـا الله همـال الامـطـار=تجنب عن الوادي ومظـراب سيلـه

صح لسان الشاعرين احمد وحجاج ومشكور احمد على نقل المحاورة وتنسيقها

صح السان الشاعرين بض الله وجيهكم طاروق ناري

يالشامري عزى الله انك شيخ وانا الشيخ ابو هباش ولا يهون حجاج

مقامي رفعته عنك يالنقص والعار=ولا احــب اقـــدم للهزيـلــه هـزيـلـه

كفو كفو ياحجاج صح لسانك وبيض الله وجهك

اشهدبالله انك شاعر وانا مطوع الشعار

مشكوووووور والله يعطيك الف عافيه

صحت ألسنتكم ... ملااايين ..

تفاخر بك أمك ناقضات الجديلة

.... للأمانة مافهمت .. كيف التؤظيف
بهذا الشطر ..
وأكيد هذا الأمر راجع لقصر إلمامي بذلك ..

.. الشاعر : حجاح

رااائع بماتعنيه الكلمه ..
وخاص بالنقض ..
أهنئك بذلك

أحترامي