قصيدة تشبه النسيان

اقتباس:
المشاركة الأصلية كتبت بواسطة شامخ الشامخ

السلام عليكم ورحمة الله وبركاته ..

اهدي لكم هذه القصيدة و اخص بالإهداء الشاعر المبدع والنقي محمد بن مدعث

السلام عليكم ورحمة الله وبركاته

[poem=font="simplified arabic,5,darkblue,bold,normal" bkcolor="transparent" bkimage="" border="groove,3,red" type=0 line=0 align=center use=ex num="0,black""]

غنى لي البارح .. حضور انسان = اقرب من الدنيا وما فيها
بعد الغياب المرّ .. والتحنان = من قاصيّ الضيقة ودانيها
جت مهرة ٍ .. تتصدر الميدان = كم عاسف ٍ ما اقبل حراويها
ماكان احد معها .. ولا اذكر كان = احداً .. وصل حروة هقاويها
نور الصباح مع احمر الرمان = بـ اقبالها .. شمسه يصحيها
و"صوت المسافة" .. جنّد الفرسان = عن نظرة العين لـ خطاويها
اسمع ينادي نبضها .. واحيان = بين اضلعي .. نبض ٍ يناديها
شوف وشجر .. لكن بدون اغصان = وعذر العمى .. دهشة لـ غاليها
مالت مثل عصفور .. والجنحان = لو شفت ريش ٍ .. قلت اسميها
لو كنت احسّ اوقوفها طغيان = تجلس مثل "طفلة" .. واحاكيها
قالت سلام .. ان كان حنا اخوان = قلت الرقاب .. ولا مباديها
اخوان .. كل الناس .. والعدوان = "معنى الأخوة" .. ما يصافيها
دار الحديث .. ولـ القصيد اشجان = تقبل على السيرة .. وداعيها
ومرتّ قصيدة .. تشبه "النسيان" = لو تنتهي .. تنسى وتحييها
تغريدها .. بـ الفكر لـ الأوزان = وترنيمها .. شارد معانيها
قالت "مع الحيرة" .. رسن وعنان = بأحروفك .. ألمسها .. واعانيها
قلت القصائد .. لـ الفكر "ديوان " = و "البوح" .. له راحة قوافيها
طبع المعاني .. تختفي و تبان = بين البيوت .. وبين اهاليها
شف ّ في حضورك .. لـ "الزمان ازمان" = كم نختصر كلمة .. ونسريها
وكم فضفض الشاعر ..ستر واعلان = وكم مات كبته .. في تماديها
وشفني .. "دروب البوح" .. لـ "الكتمان" = و "بوحي" .. قصايد .. كبتها فيها
ماودي اكتب زلتي لـ لسان = واقرأ "خطاي" .. بعين معميها
من شافني مخطي .. وجاء زعلان = بأزعل رضاي .. بـ حق مخطيها
شاعرك .. جيله يجهله .. للآن = ومع "غربته .. غربة" يداريها
قالت .. عزفت "حروف منها" الحان = لـ "احلام معزوفة" .. بـ اغانيها
قلت "الشعور .. احساس" بالخسران = و "سكة طويلة ".. مدت ّ ايديها
انا الفضاء .. لو مرنيّ زعلان= ترضيه الأرض .. وصمت ناسيها
قالت على "منفى .. رسى" سكان = وين اصبح "المرسى .. وبانيها"
قلت "البحر .. منفى" به المرجان = يرسى بـ " يد ٍ .. كفّ " صافيها
وانا البحر .. لو صار لي سندان = ما اطرق منه "دره" .. ولا ابيها
قالت غريبة .. "غربة الانسان" = بأحساسها .. وغموض تاليها
قلت "الغريب" .. اللي بناها اوطان = ونبضه .. "عزف تقسيم" اراضيها
"عرش القصيد" ..لشاعرك نيشان = تركع على بيده ..مبانيها
قالت !! حزينة "لوعة الحرمان "= هزت "مشاعر .. نبض" قاريها
قلت الحزين .. اللي نزفها احزان = و"حلم الورق" .. يحضن تهاديها
ما اشقى ورى "المانشيت .. والعنوان " = و "اوراق مقطوفة" لـ ساعيها
ذنب القصايد .. لو ربّت بأنسان = غيرك .. ربى به .. ما يعريها
قالت ألم .. "لوحة بدون ألوان" = اشعر بـ غربتها .. و اواسيها
قلت "الألم .. في كفة" الميزان = بروازها .. يرجح معاليها
"سر المشاعر" .. سوره الجثمان = وموت المشاعر .. من يعزيها
قالت بداية.. "رحلة النسيان" = تقتل "نهاية .. سور" امانيها
قلت النهاية .. تشبه البركان = بـ بدايته .. موت ٍ يحييها
ودام القصيد .. يصافحك ولهان = ضَمّ القصائد عن مآسيها
ومن ذكرياتك .. غنيّ " النسيان" =بأذكرك .. نسيان اغانيها
تبسمت .. واشعر .. "حزن نيسان" = "نيسانكـ" .. "النسمة" .. تخاويها
وترحل .. تشيل من الضجيج.. اوزان = ترخص له الدنيا .. وفانيها
و"صمت المسافة" .. مد ّ له جنحان = ومديت له .. نظرة معنيها
اشوفنا .. "عبرة" .. فقدنا اعيان = من يجمع "الدمعة .. بـ عينيها"

[/poem]

وسلامتكم ..
حرر بـ تاريخ ويوم .. من الذكريات ..
ملاحظة : الكلمات ما بين الأقواس عبارة عن "عناوين" قصائد اخرى سبق وقمت بنشرها .
اخوكم ابو نايف

صح السانك قصيده شامخه مثل مأنت شامخ


وتحمل من المعاني الشي الكثير وأن لم يخب ضني بتفسير معانيها توافق الرائي بالمقصود بيني وبينك

وسجل أعجابي بمادونته

وتقبل خالص الود والتقدير