ِِ مقــهى البـوح الشـعري ..،، تفضل أرتشف قهوتك ..ِِ.

‏​فكر بعقلك لاتغمض جفونك
وأخذ النصيحه جعل ربي يخليك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
لاشفت ناسٍ باللقى يمدحونك
أعرف ترى هرج القفا مايسليك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
من يمدحك قدام عينك يخونك
ومن يمدحك بقفاك بالقلب شاريك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
أحرص على اللي ضاق صدره بدونك
وأترك صديقٍ بالسعه دوم باغيك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
بعض الصداقه للمصالح يبونك
وأليا خذا المطلوب ماعاد يبغيك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
عليك في ربع السعد ينفعونك
لو واحدٍ منهم عن الناس يغنيك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
لاصحت ضايق! رددو لك ياعونك
ولاغبت عنهم أرسلوا من يناديك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
يرتاح لاشاف الفرح في عيونك
ويضيق لاشاف الحزن في حكاويك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
أحدٍ على سر الصداقه يصونك
وأحدٍ على سر الصداقه حكى فيك
♡⌣.͡،͡-͡ ˇ⌣.͡،͡-͡ ˇ♡⌣.͡،͡-͡ ˇ
ربع الرخا لاضقت صعبه يجونك
وربع الشدايد واحدٍ بس يكفيك.