مسااااجله شعريه ) حروووف وابيااات

يامسافـره مــع جـنـاح الطـيـر
حسبـي علـى الطيـر مـن هـدّه

ضـفّــك جـنـاحـه وعـيّــن خـيــر
وحــبــال الأشـــــواق مـمــتــدّه

يابـنـت .. مـــا للـسـفـر تـبـريـر
خــــص ٍ لــيـــا طــالـــت الــمـــدّه

انـتــي تـقـولـيـن جــــدّه غــيــر
وانتـي بعـد غـيـر عــن جــدّه ؟

جيتـي بحـرهـا وجــاك مغـيـر
مـشـتـال مـوجــه عــلــى يــــدّه

الــمـــوج ودّه يــضــمّــك مـــيـــر
الــــــبــــــحــــــر .. ودّه ولا ودّه

يـانـفـحـة الـشــيــح والـنــويّــر
ســــداح بــــاح الـجـفــا ســــدّه

وش خـانـة الشـعـر والتعبـيـر
أبــنــي لــــك الـبـيــت وأهــــدّه

دايم وطيفك ضحـى واعصيـر
يـــشـــنّ هــجــمـــات مـــرتــــدّه

واليا عرض لي عكست السير
وسيلّـت دمعـي عـلـى خــدّه ‍ !

اليـاس يقضـى علـى التفكـيـر
وافـــزع ورا الـصـبـر وارتــــدّه

وانـــــادي الـحــلــم للـتـفـسـيـر
ولازلـــت .. ولا زالـــت الــشــدّه

مـن يـوم كنتـي وكنـت صغيـر
نضـحـك عـلـى العـمـر ونـعـدّه

والـيـا حـصـل بينـنـا تقـصـيـر
نـصــدّ .. ولا تـبـطـي الــصــدّه

لـيـن ابـتـدا الشـيـب والتوقـيـر
وعـلاقــتــي مــعـــك مــشــتــدّه

محـبّـه .. وحشـمـه .. وتـقـديـر
ويـضـدنــا الــحـــظ ونــضـــدّه

منـتـي عـلـى مـوجـة التغيـيـر
يـابــنــت الأجـــــواد مــحــتــدّه

ويـا اللـي تقولـيـن جــدّه غـيـر
انـتـي بـعــد غـيــر عـــن جـــدّه

((( هـ )))