آخاف احگي ولآ يوصل شعوري مثل...((ما حسهـ

اشتقت لك ..! ياللي بخفّاقي تجوب
ومن غبت ..! شوقي ما سلا عنك وغفا ..!*


طالت بك الغيبة // ولو صدري رحوب
يضيق كله ..! ويتعكر ما صفا ..!*


الهم ..! يجبرني ليا حان الغروب
أميل للماضي ..! وجرحي ما شفا ..!


يا صاحبي وجه الفرح فيني شحوب ..!
وش عاد لو حزني ملاني وأكتفا*


عرضتني نار الجفا وحر الهبوب
وأنا ألتمس من وصلك الدافي دفا ..!*


وعنيت ساقي في مسافات ودروب
يالغايب اللي من غيابه ما لفا ..!*


كل ما شعرت بحزني وقلبي يذوب ..!
من حبك اللي في عيوني ما خفا*


أتوب ..! لكن خافقي عيّا يتوب ..!
كل ما ذكرتك زلْ عن الصبر وهفا ..!*


يا صاحبي واللي بقى ..! كلمة تنوب ..!
عن صادق أحساسي وعن كل الوفا*


لو القلوب تحسّ في بعض القلوب ..!
ما ذاب قلبي بين ( كفّين الجفا ) ..!