صالح عوض الاسيحم

يا حبيب الروح ما النفس طماعة = مير شكلك ما طلع بالبشر نوعة
ناعم(ن) جسمك تقل عود نعناعة = شجرت(ن) في شاطي النيل مزروعة
يفتخر في طلع الاشجار زراعة = لين كبرت واثمر الورد بفروعة
لو يشوفك شايبن فوق مركاعة = مع صواديف الدهر صابة روعة
رابح الشاري وخسران بياعة = درت(ن) من جملة البيض مربوعة
وعذاب القلب وقلت أسناعة =واوجودي وجد من صكتة لوعة
الغرير اللي يدله برضاعة = لو بكى محد(ن) عرف ويش موضوعة

مل قلب(ن) كل مقبل سواد الليل جاة = هاجس(ن) مع ظلمت الليل دايم مبتلية
من غروب الشمس حتى يناداء لصلاة = كن في قلبي فريق(ن) و يلعبة بلية
ما يبرد خافق القلب ويروي ضماة = كود مسراح(ن)مع الصبح قلبي منتوية
فوق جيب(ن) يطوي الخط لامنة عطاة = المسافة تنطويلة وقلبي يهتوية
طور اليابان شكلة وطور مستواة = ماورد مثلة ولا أضن يوجد له شبية
l
قبل أشوفك يا هوى البال بلغت بخبرك = ليتني صديت يومنهم لي وصفوك
يوم تشرلي بعينك وتكشف عن نحرك = وش هدفك الله حسيبي على اللي دلعوك
مع جمالك ضارين للعانة من صغرك = ياعسى ذنبك ولومك على اللي طبعوك
عاري(ن)من حد ما طاك لامفرق شعرك = تجرح شعور المخاليق ما عندك سلوك
يوم حاولت أغتيالي وقتلي من ومرك = سقتني للموت سوق الذبيحة نعنبوك
ياحبيبي كان ربي على الخوة ومرك = أشلحك من فوق جيب(ن) يصابحبك تبوك
قبل يعلن بختطافك وينشر عن خبرك = في جهاز الكنبيوتر وهم قد خرجوك
ليا تحرك قام يشر جهازة خذ حذرك = مثل وصف كروز وصفة وسرعة كوما هوك