هذا بدوي فاهم غلط و بدوي داج

هذي قصيدة الشاعر بدوي فااااهم :

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
معيبد و عايض و يوسف و حجاج=أطيبهم اللي ما يسد بمكانه
عايض تغير و ابن شلاح ما داج=و معيبد و حجاج ما من تكانة
و الكل منهم ناهجٍ له بمنهاج=و الصدق واضح و اللعانة لعانة
يا جعلهم فدوة مشاعر و ريتاج=اللي يحفظن العهد و الأمانة
و اليوم يا خاتم نبى نهد الأبراج=ما عاد فيها يا ابن حاضر ميانة
تعال جنبي و أنت فاهم ما يحتاج=اكرب حزام الحرب و الدرب عانه
و ما فيه غير الكي و الميسم علاج=و من ينطق لسانه قطعنا لسانه
[/poem]

و هذي قصيدة الشاعر عايض :

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ليت بدوي ماحط الأثمد مع الزاج=ولا أشر على درب الخطر في بنانه
مير القراده ماخذه فيه معراج=منها رضع وهو بسن الحضانه
إبليس هياله عن الناس مخراج=ماكنه إلا واحدا من إخوانه
ماودي احطه على الدرب مسهاج=لكن ترنح فيه عنتر زمانه
مشاعر وريتاج يزهاهن التاج=وإلا أنت يزهى جنبه الخيزرانه
طير الفلاح ارتاح في كف هرباج=وروس الشواهيق العوالي طمانه
يحسب جناحينه جناحين ميراج=وجاب المطمه بآخر ازعيتمانه
طاح القناع ولا على الوجه كوماج=وان كان صح العلم هذا ضمانه
اللي بشط النيل ماله بهداج =هداج معطان الغنم في اوزانه
الريح عاتي تصطفق فيه الامواج=ولاعند قبطان السفينه حصانه
كل انتحاري قلبه اسود من الصاج=إسمه مصارع موت في عنفوانه
واللي بسور الصين ياقوم سوفاج=يشوف من بكين صحراء الكنانه
يبي يشوف اطويق بالليل من ثاج=لو مامعه مثقال غير الذهانه
لو ان صيته شاع مع كل هراج=يقدر يجيبه ورع في طرطعانه
[/poem]

أسعد الله أوقاتكم بكل خير ، طبعا لا بد أن ادلي بدلوي و أترككم مع القصيدة بلا مقدمات هههههه

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هذا بدوي فاهم غلط و بدوي داج=ما شال همه شاعرٍ له مكانة
بليد قلب يسبب لنفسه إحراج=و الا الذكي دايم لسانه حصانه
يا ما و يا ما قلت له حج يا حاج=ما ودي اشوفك ضعيف الديانة
لكن يقوده للزلل سلك ديباج=و لا يترك الخاين طريق الخيانة
و الضعف بالمعنى سبب ضعف الإنتاج=كلٍ يجي معناه حسب اتزانه
و الشاعر اللي يكتب البيت منعاج=ما للقصيد اللي يسويه خانة
لا جمّع ألفاظ الخطأ فرد و أزواج=و ابليس وسوس له و زاد امتحانه
يبى يجيه اللي للأخصام فلّاج=ذرب الكلام اللي بعقله رزانة
يسنعه و يدله الدرب لا ماج=و يتوّبه عن ميلته بمشيانه
و بيتٍ تقوله (شمس) بالعرف وهّاج=يسوى بدوي فاهم و يهدم كيانه
فلانة أم الذوق و فلان هلباج=يا الله لعل فلان فدوة فلانة
و الله لو تمكيج قصيدك بمكياج=ما يختفي قبحه و لون العفانة
و ان صرت عين اعرف ترى فوقك احجاج=سبحان من علّا على العين شانه
و خاتم ما يمشي لك على كل مدراج=ما هو حصانٍ لك بكفك عنانه
خاتم كما الحر النداوي ليا راج=ما يلتفت لأصوات يا ليل دانه
[/poem]

بيض الله وجهك صح السانك
يابو شعبان بدوي فاهم راح مراح الوضح النعام هههههههههههه

و ان صرت عين اعرف ترى فوقك احجاج*****سبحـان مـن عـلّا عـلـى العـيـن شـانـه


ابو شعبان صح الله السانك ملايين

ماقصرت كفيت ووفيت

صار ابدوي شاره الله يعينه ولاكن ترى له هجمات مرتده وخطيره

ازكى تحيه

صحة الالسن جميعااا
مداعباات راائعه
لله دركم
تقديري

معيبد الرشيدي

عزالله اوفيت وكفيت قصيده جزله
وهالبيتين عن قصيده كامله وضحن

يـا مـا و يـا مـا قلـت لــه حــج يــا حــاج--مـــا ودي اشــوفــك ضـعـيــف الـديـانــة
لـكــن يـقــوده لـلـزلـل ســلــك ديــبــاج--و لا يـتــرك الـخـايـن طــريــق الـخـيـانـة

وصح السانك وسلم بنانك
ابيات جزله من راس جزل

بدوي فاااهم باقي للمشوار مسافه
ثلاث قصائد مرصعه بالجزاله صحت السنتكم

تحيييييييياتي

اقتباس:
المشاركة الأصلية كتبت بواسطة معيبد الرشيدي


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
و بيتٍ تقوله (شمس) بالعرف وهّاج=يسوى بدوي فاهم و يهدم كيانه
فلانة أم الذوق و فلان هلباج=يا الله لعل فلان فدوة فلانة
[/poem]

اسعد الله مساكم بكل خير

ابن مدعث صح لسانك وبيض الله وجهك ، جزل ماتكتب الا جزل

ابو شعبان
صح لسان بدوي فاهم
وصح لسانك
وصح لساني ههههههه
والدعوى كلها من باب المداعبة لا من باب الجدية
والقلوب خالية من الضغاين وكلها بيض لاتحمل نقطة واحدة من السواد بإذن الله
تقبل مروري المتواضع وفائق إحترامي وجل تقديري
الله يحفظك