فخامة ذوق لا أكثر #

يوم شفت الكون كنه في غيابك شبه خالي
صحت في وجه الزمان وقلت فيك وقلت فيك

ضاقت وساع الفجوج بعيني وزاد انشغالي
وين رحت؟ وليه رحت؟ ولا متى وأنا أحتريك

كنت أدور في عيون الناس إجابات لسؤالي
يمكن أعرف وين رحت ؟ وليه رحت ؟ وكيف أجيك؟

كننت أقول لكل شارع ما وطتك اقدام غالي؟
من كثر ما كنت ابي قربك وابي دربك وأبيك

كنت عنك اسأل نسيم الصبح لا مر متعالي
ما حمل يمي على دربه جواب من يديك

والسما والغيم يوم انه بعد طاهر وعالي
وانشد الليل إن ذكرت اسود جديل مكتسيك

وامتلا صدري عتب وأنت السبب في ما جرالي
ومن بعد هول التعب جيت اشتكيلك أشتكيك

تدري انك كل عشقي وان غيرك ما طرالي
وانك بقلبي لحالك وان ما لك به شريك

وان قلبي لو تفجر بالعتب وقت انفعالي
زاعل منك وغيابك ما يزعلني عليك