شعيب قدر ......ل شاعر علي خلف

لقد مريت ذات يوم في شعيب حول منطقة حائل ياقال له شعيب قدر مسمى على جبل حول الشعيب وهو الواقع جنوب جبال سلمى او بالصح جنوب هجرة يقال لها السبعان فتعجبة بهذا الشعيب والجبل وقلت هذي القصيده وارجو ان تحوز على رضاكم

يأبو سعد هلت أدموعي وصديت
~~~~~~~~~~~وقامت تسابق دمعتي فوق خدي
حاولت أهدي خافقي لاكن أزريت
~~~~~~~~~~~من شوف عيني بيح القلب سدي
دارٍ سكنت أبها وفيها تربيت
~~~~~~~~~~وميراثنا فيها ومنباع مجدي
ياقدر لو تحكي عن للي تبنيت
~~~~~~~~~~~~تعد وقتٍ ماضيٍ ما يردي
وقتٍ مضالي فيك ياليت مقفيت
~~~~~~~~~~لاكن ظروف الوقت ياقدر ضدي
الوقت ماهو دائمٍ لو تمنيت
~~~~~~~~~~مادام لبو زيد ولا أبو جدي
فرق جماعه بشجاعه لهم صيت
~~~~~~~~~~وقفاتهم ضد المعادين حدي
جماعةٍ يأبو سعد تبني البيت
~~~~~~~~~~في قفر قدم البدو يمه تشدي
أنا ذهبت ورحت عن قدر وقفيت
~~~~~~~~~~وحدرت لديارٍ ولا هو بيدي
أمرٍ من الله كاتبه يوم أنا جيت
~~~~~~~~~~~ولا لك عن المكتوب شيءٍ يردي


مع تحيات ::علي خلف الرشيدي

هالحين القصيده لك والا منقوله والا انت غيرت اسمك وش السالفه بالضبط ههههههه

عموما صح السان الشاعر /علي خلف

ازكى تحيه

صح السان الشاعر علي خلف
حكيم الزمان
تسلم على النقل
دمت ودام عطاؤك
تقدبري

صح الله السان الشاعر
يامفلح ابوه ماهو خلف وسمه مش علي

جماعةٍ يأبو سعد تبني البيت
~~~~~~~~~~في قفر قدم البدو يمه تشدي
صح السانك ياعلي
أكيد أنهم مهيمزات هههههه

المشاركة الأصلية كتبت بواسطة فهدبركه المهيمزي

صح الله السان الشاعر
يامفلح ابوه ماهو خلف وسمه مش علي

اعرفه ي ابو فيصل واعرف عده وجده ههههههه

هاذي غشمره ع ماقيل هههههه

حاولت اهدي خافقي لاكن ازريت
من شوف عيني بيح القلب سدي
صح لسانك علي خلف