أبدت لنا الأيام ما كان خافي

السلام عليكم و رحمة الله و بركاته

أسعد الله مساء الجميع بكل خير و سرور .

أعتذر منكم لقلة تواجدي في الأيام السابقة ، و الغياب ربما يكون للعودة بالجديد الذي أتمنى أن يرضي أذواقكم الراقية .

هذه قصيدة للشاعر صاحب السمو الملكي الأمير / خالد الفيصل حفظه الله ، و قد جاريتها أنا و العديد من الشعراء و تم نشر المجاراة في مجلة اليمامة العدد 2274 قبل أقل من شهر .

[poem=font="simplified arabic,6,black,bold,normal" bkcolor="sandybrown" bkimage="" border="groove,4,gray" type=2 line=0 align=center use=ex num="0,black""]
أبدت لنا الأيام ما كان خافي=و كل مدفونٍ على سطحها طف
و طاح اللثام و ما عرفناه كافي=و كل عينٍ بالعجب جفنها رف
وليت يا طيفٍ ختلنا و طافي=سرى على الغافين بالليل و التف
أنعم من الحية على رجل حافي=و أروغ من السايل على راحة الكف
ظلٍ لغيره في ربوع الفيافي=عارض عجاجٍ مر من غادي و هف
الشر واجد لكن الخير ضافي=و العاقبة للي عن الساقطة عف
و ما دام راس الناس شهمٍ سنافي=و شعبه رفيع الراس صفٍ ورى صف
حنا لها حتى تعود عوافي=و أرض الكنانة كل شرٍ بها كف
[/poem]

الشاعر الأمير / خالد الفيصل

----------------------------------------------------

[poem=font="simplified arabic,6,black,bold,normal" bkcolor="sandybrown" bkimage="" border="groove,4,gray" type=2 line=0 align=center use=ex num="0,black""]
قريت قافٍ من خيار القوافي=نظم الأمير اللي بنظمه لنا شف
يا أمير لو بانت نفوس الضعافي=كتب التخاذل ما لها عندنا رف
حنا لنا مبدا و فعلٍ يشافي=ما واحدٍ منا عن اللازمة لف
و اللي يجي في نية الشر لافي=نركز له الحربة و نضرب له الدف
لا بان نور الحق ما هو بطافي=يا مشعل نار الفتن بالخفا طف
من دون شرع الله نسل الرهافي=و دون الوطن نرخص بالأعمار و نصف
عجٍ يمر و يصبح الجو صافي=و الشر و المكروه يذهب و ينكف
في ظل أبو متعب عساه متعافي=أمن و رخا و بشارة الخير تنزف
[/poem]

الشاعر / معيبد الرشيدي

مشكورويعطيك الله العافيه

صح السانك شاعرنا معيبد وصح السان الامير خالد

قصايد في قمة الروعه والجمال

لك تحياتي

صح الله السانك اخوي معيبد
وصح السان الامير خالد

صح السانك شاعرنا معيبد وصح السان الامير خالد

قصايد في قمة الروعه والجمال

تقديري

صح السان الشاعر الامير خالد الفيصل وصح السان شاعرنا المتألق معيبد الرشيدي

ابيات رائعه تقيمي وتقديري

ملكه جانسي
مفلح المهيمزي
فهد بركة
ريتاج
النجلا


صحت أبدانكم و أشكركم على مروركم العطر .