كتابات حكيم على جدران الزمان

مااخترت حظي ولا انت بكبرك اخترتك

الحـظ قسمـه . وفيـك الله عنـانـي

ما احد ( ن ) جبرني ولا الايام جابرتك

بالحـب مافيـه واحـد يجبـر الثانـي

الوصل شعره وهي بالوجـه عاذرتـك

في قطعها كل يوميـن ( ن ) تحدانـي

بذكرك كـان خانـت فيـك ذاكرتـك

من قبل لاتروح في دربـك وتنسانـي

نسيـت سـود الليالـي يـوم بعثرتـك

لمّيتـك وويـن مـا طالعـت تلقانـي

مكسور خاطر وانا جيتـك وجبرتـك

من دافع الحب جيـت ودافـع انسانـي

خليت لـك قيمـه وشلتـك وقدرتـك

قاسمتك الهم واحزانـك هـي احزانـي

صغير قدر وحشمتـك ليـن كبرتـك

عزيت شانـك وخليتـه مثـل شانـي

ماكنت اصدق علي هالحـال آخرتـك

من عقب ما كنت في حلمـك تمنانـي

نفذ وعودك بهجرك واقطـع شعرتـك

درب ( ن ) معه جيت عنك بعيد وداني

ما انت بخساره ولا الايـام ذاخرتـك

ولا اذكر حدا والديني فيـك وصانـي