الجرووح اللي عجز عنها الطبيب.....!!!

.. ..

استفزّتني مواقـــف زادت الخفّــــاق ريبــــه
.........ولّـعت في وردة احلامــي وبأوراقـــي لهيب
.
حطّـمتني لين صار الجرح أقـوى من طبيبـه
.........لعنبــو جد الجروح اللي عجـز عنها الطبيب
.
أمست الدنيـــا بعيني مرحلــه جــداً عصيبـه
.........يا تكــون أو لا تكــون ويا تصيب ويا تخيب
.
بين رميات الظنون وطعنة الظــلم الرهيبــه
.........تسكت الأصوات ما به غير صوتك ياالنحيب
.
لــو تحس بغربتك في ديرتك ماهـي مصيبـه
.........المصيبه لو تحس انّك وسط روحــك غريب
.
قلت آآه وصرخت الآهات بأعماقـــي صعيبه
.........ما دريت انّه عذابـــي صار لي حظ ونصيب
.
ما دريت انّ القصيـــده أجمل وأوفــــا حبيبه
.........والقلم لا صار يكتب مرهف احساسـي حبيب
.
انتظــر يا قلب وأصبر والزمان الله حسيبــه
.........يمكن ارماح البعيد ارحم من أحضان القريب


.. ممار راق لي ..


ارق التـ ح ــايا

صح لسانك
أمست الدنيـــا بعيني مرحلــه جــداً عصيبـه
.........يا تكــون أو لا تكــون ويا تصيب ويا تخيب

أنتقاء بقمة الروعه
كاعادتك الثعلبي
تسلم لنا هالذائقه الراقيه ..

احترامي لكِ
بدوي فااااهم

العود
لاهنت ع المرور العطر

بدوي
شاكر لك ع المرور الجميل ولاهنت

ما دريت انّ القصيـــده أجمل وأوفــــا حبيبه
.........والقلم لا صار يكتب مرهف احساسـي حبيب


اكتفي هنا شكرا سعود

الزعيتري
لاهنت ع المرور العذب والعطر
وعسى الله لايحرمنا من هالطله الجميله