والله احترت لين عرفتها

بســــــم الله الرحمن الرحيم

مساكم الله بالخير جميعــآ ....

تبون الصراحه والله من الصبح وانا ادور على قصة هالبيت ....

وادي الرمه من دمع عيني يسيلي
وراع الحليفه يسقي الحب من ماه .

بس لقيت ردود مالها اخر .....المهم قالو ان اللي قالها واحد عويمري وقالو انه عبد وقالو وقالو وقالو ....

بس لقيت القصه هالمره غير .. لكن والله مدري عن صحتها المهم انها قصه زينه واعجبتني وحبيت انكم تقرونها معــــــــي

ويامنتدى المهامزه تراي نقلتها حسب الكتابه الموجوده ...



صاحبة هذه الأبيات هي زوجة رجل يقال له ( البجادي ) يقولون كفانا شر مايقولون أنه

كان له أربع زوجات , إحداهن بنت عمه , وكان عنده عبد ( مملوك ) وكان هذا العبد يقوم

بواجبات إكرام الضيوف الذين يلفون على عمه , وكان عمه يأمن جانبه , فيدعه يدخل إلى

البيت ليحضر الطعام أو التمر للضيوف الموجودين وهو ( البجادي ) جالس عند الضيوف بالمجلس

والعبد ما يتأخر يدخل للبيت مثل البرق ويطلع زي مادخل , وفي يوم من الأيام دخل العبد ملعون

الجدف للبيت يجيب له حاجه , ويوم رجع لعمه والا على ثوبه صفار ( بلاله ) من اللي يحطن الحريم

على شعرهن , سكت عمه ماقال شي , ويوم هذا وهو يقوم ويدخل يم حريمه يبي يشوف منهي

الملعونة اللي بلالته على صدر العبد , ويوم شاف الاربع الا كلهن حاطاتن على روسهن من هالتبن

وهو يبلش !! مايدري أيهن , وهو ينكس يم الكور قال يافلان قال سم ياأمي قال ولِّم

الركاب نبي نروح أنا واياك نقنص باكر قال الكور أبشر , ويوم اصبحوا وهم يركبون وينهجون

وهو يبعد به عمه عن الديار , ويوم هذا قال يافلان يعدي للعبد , وصنيفر ماعنده الا سم ياأمي

قال عمه : ولم القهوة وأنا أبي أغفي لي شوين وليا خلصت أقعدن أتقهوا , وهو يتنيوم والكور

الخبيث يقوم يحوف المعاميل وهي تطري عليه مرة عمه عشقته قال :

سقـوى سقـى الله رُبْـع دار البـجـاديمـــــن مـدلــهــم تــالـــي الـلــيــل هـــمَّـــال

حيـث ان فيهـا الغـرو زيــن المـقـاديراعــــي خـلاخـيــل وشـنـفـيــن وهـــــلال

وقـذيــلــة شـــقـــرا بــوســطــه تـــشـــاديزهر الربيع ليـا انجلـت عنـه الأطـلال

عصر الخميس اسقيت زهر الفواديمـــن مـبـسـم راعــيــه مــاهــوب زعّــــال

كـــــل نــهـــار الـعــيــد بـــجـــح وبــــــاديعــلــى مـظـنــة خــاطــره طــيّــب الــفــال

وأنــــا تـكـســر عـبـرتــي فـــــي فـــــواديمـــــا كــنـــي ألا واحـــــد حـــــط بــحــبــال

والأبيات أطول من ذلك , المهم سمعه عمه ودري ان العبد عاشقن حدا حريمه من قولته ( رُبْـع دار البجادي )

يعني ( مادام ان حريم الدار أربع فرُبعهن يعني حداهن ) يقولون وهو يقوم ويذبح العبد , ويركب الذلول

وينكس لحريمه وعلمهن انه ارسل العبد يم له ناس بمحلن بعيد وانه يبي يبطي والله يعينهن على أشغالهن

ياما يجي صنقور , وياخذ له ايام يهوجس وهو يفطن ياهاك العجوز من الربوع اللي حولهم من شويرات ابليس

وهو يروح يمه قال يامره السالفة هلون وهلون وش الدبره ؟!! قالت : الأمر هين , حط كل مره من حريمك بله محل

بعيد عن خوياته وعطه رحى وحب وخله تطحنه وتسمع لهن ترك تبي تعرفه , سوا اللي هي قالت له

ويجي عند مرته الكبيرة ياوالله تغني بأبوه واخوانه وعمامه قال : أشوى اللي ماهي انتي , وهو يروح

للثانية يتسمع له ياوله تغني وماهي يم العبد ولا حوله , رح للثالثة وتسمع له يامار مثل اللي قبله رح

للصغيرة بنت عمه , يامار وش يسمع , تقول :

يـا شِـنْ بصنـدوق الحـشـا لــه زفـيـريلو هو على جمر الغضا فـاح وأطفـاه

الـعـبــد ويــــش مـريّـضــه بالـمـسـيـر ِكـــنّـــه يــتــلّـــه واحـــــــد مـــــــن مــقــفـــاه

عــلــيــه شـلّـقــنــا ثـــيـــاب الــحــريـــر ِوشوك الهصير بروس الأقدام ناطـاه

يـفــوح مـــن جـيـبـه ســــواة الــذريــر ِعنـدي وكــل لــه مــع الـنـاس مشـهـاه

واد الرمـه مـن مـوق عينـي يسـيـر ِوراع الحليـفـة فـجّـر الــزرع مــن مـــاه

وأشـــوف رخـــة تجـتـلـد فـــي ضـمـيـريوعـصـيـفــره قــامـــت تـــلـــوج الـمـهــبــاه

خانت ضميري ما صبر عن عشيريخـانـت ضمـيـري خـونـة الـدلـو لـرشـاه

صــبــرت صــبــر مــــا قــــواه الـبـعـيــريوأخفـيـت ســـد مـــا حـــد قـبـلـي أخـفــاه

ولــه قذلـتـن تـشــدي جـنــاح الـغـويـريوأنـــا أشـهــد انـهــا عـلــة الـكـبـد ودواه

والأبيات أطول من ذلك كما سمعت .

المهم دري البجادي انه هي عشيقة الصنخ ويقولون انه طلقه وارسله لأهله , وناس يقولون أنه ذبحه

والحكي واجد , وانقطعت ببطن الذيب ماهي ببطني .))

يـفــوح مـــن جـيـبـه ســــواة الــذريــر ِعنـدي وكــل لــه مــع الـنـاس مشـهـاه

هههههههههههههههههههههههههههههههههههههههههههههههههه

هب يالعبد انه مروضها

الله يعطيك العافية يالنداوي ومشكوووور عالقصة

تقبل مروري

هههههههههههههههه
بسرااااااحه مافهمت شي الاانها تحب الرجال اللي كان يشتغل عندها اللي هو العبد وبس..
والباقي شوي الكلام صعب ههههههههههههه......




يمـــــ دروبي ـــــك..

هههههههههههههههههاي
وانا مثلك يمك دروبي مافهمت ابيات القصيد
احسها اشوي صعبة
تحياتي لك النداوي

اقتباس:
المشاركة الأصلية كتبت بواسطة نويعم المهيمزي
يـفــوح مـــن جـيـبـه ســــواة الــذريــر ِعنـدي وكــل لــه مــع الـنـاس مشـهـاه

هههههههههههههههههههههههههههههههههههههههههههههههههه

هب يالعبد انه مروضها

الله يعطيك العافية يالنداوي ومشكوووور عالقصة

تقبل مروري



هلا وغلا فيك اخوي ( نويعم )

اشوى انك فهمتها ههههههههههه

خفت انه يكون الكلام صعب شوي

بعدين لاتستهين بالعبد.. تراهم عندهم مقدرات غير ههههههههههه

يعطيك العافيه


دمت بخيــــــــــــــــــر


اخوك\النداوي

اقتباس:
المشاركة الأصلية كتبت بواسطة يمك دروبي
هههههههههههههههه
بسرااااااحه مافهمت شي الاانها تحب الرجال اللي كان يشتغل عندها اللي هو العبد وبس..
والباقي شوي الكلام صعب ههههههههههههه......




يمـــــ دروبي ـــــك..





هلا فيك اختي (يمك دروبي)

شكر لكي على المرور الجميل

بس والله (بسراحه) بروح بكره ادخل برنامج الوافي بس ماهو E ابدور وافي بدوي هههههههههههههههه لانه شوي صعب ....
دمــت كما تحبين



اخوك\النداوي

اقتباس:
المشاركة الأصلية كتبت بواسطة همس المشاعر
هههههههههههههههههاي
وانا مثلك يمك دروبي مافهمت ابيات القصيد
احسها اشوي صعبة
تحياتي لك النداوي



هلا ومرحبا اختي ( همس المشاعر)

طيب طيب ولاتزعلين خلاص صممت اركبه على الجهاز وحطه توقيع لي علشان تفسرون كلام الطعوس اللي مثلي..

ههههههههههههههههههه

دمـتي كما تحبين


اخوك \النداوي