قصيدة بن حويط ومتحف اللوفر

حنا عيال حويط يالنشمي احنا
........... كم شيخ قوم ٍ قد كسرنـا كراعـه

اسأل شمال الدار لاتهت عنـا
.......... وشمر ووايل مع قبايـل قضاعـه

حتى التاريخ العالمي ماجهلنـا
............ ياكم مؤرخ فعلنـا كيـف راعـه

ولمتحف اللوفر تصدق وصلنا
............ صوره لشيخ ٍماجهلتـه البراعـه

الشيخ اخو عليا بطل كان منا
........... رمز الكرامه والشرف والشجاعه

يوم الزمان الشين جلنا وطلنا
.......... يوم ان قليل المجد تقصر ذراعـه

لوغيّر التاريخ غصب حصلنا
.............. عالمجد غصب ٍعن ردي البضاعه

ياجاهـل التاريـخ لاتمتحنـا
.............. تاريخنا معروف ماهـو صناعـه

كم واحد لاضاق يزبن وطنـا
............ دخيلنـا دونـه رجـال سباعـه

والله محـلا طيبنـا لافعلنـا
............ ريف الضعافا في زمان المجاعـه

ومن عزنا ماقد سرقنا وخنـا
............. وعهودنا ماهي بسـوق المباعـه

ودون الركايب كم وقفنا وجلنا
............ وياكم صبي دونها العمـر باعـه

حنا كما شمس على الكون حنا
.............. اسأل رجاجيل الشرف والشجاعه



م ن ق و ل