زمان العجايب!!!!

جربت في الدنيا تجاريب شايب
وعرفت عدواني وميزت الاصحاب

وعرفت طبع الناس مخطي وصايب*
ومانيب بخبل تخدعه ضحكة الناب

جنبت أنا العالم وبعض القرايب
البعض منهم قربهم عقرب وداب

لو كان تعطيهم عيونك وهايب
ماينفعونك جودهم عند الأجناب
*
ناسٍ يعادونك بليا سبايب
حط الحواجز دونهم وأغلق الباب

الا لمن جالك مع الوقت تايب
فاصفح وربك للمخاليق تواب

واللي تكبر عنك شد الركايب
جنب طريقه وأحقره كنه ذباب

ومن لايسد اللازمه في النوايب
وقت الرخا تقول ابو زيد وذياب

بعض البشر قلبه من الحقد عايب
لافيه طب وقلبه اسود من غراب
*
عنده نجاحك من كبار المصايب
واذا سمع مدحك من الغيظ ينصاب

لولا الحيا سالت دموعه سكايب
مسكين من نار الحسد ماكل تراب

اللي يذمك كلما صرت غايب
وان جيت قدم لك تراحيب واعجاب

كبه ترى مثله مع الناس خايب
عادات ابو وجهين يكذب ويغتاب

لو تغرقه بالطيب ماهوب طايب
ولاتنخدع في مثل شرواه لو طاب

طيبه وخيره للمره والنسايب
ولاتنشده عن والدينه والاقراب

لاهوب رجال يفك النشايب
والاهوب بنتٍ تنقش الكف بخضاب

وين الله يجيب المطر والسحايب
والناس صارت بين حاسد وكذاب
*
كثيرهم تفرغوا للطلايب
مابينهم قامت عداوات واحزاب
*
وتبقى للحقيقه يا زمان العجايب
الروس روس لو يغارون ( الاذناااب)#

الله الله
صح السان شاعرها
ما أجملها من كلمات روعه بئكمل القصيده
كلماتها تحمل الحكم الرائعه التي ياسعد من قراها وفهم معانيها
قصيد تفك النشايب حقيقه
لا اروع من القصيده الا الجوري بطرحها المتئلق دام ابداعك
ودمتي بحفض الرحمن لا حرمنا منك ولامن جديدك
تحياتي لكـ00000

اسعدني مروك الرائع
فتقبل تحياتي

اسعدني مروك الرائع
فتقبل تحياتي

الجوري

سلمت أناملك على هذا النقل المميز و صح لسان شاعرها .

تحياتي لك .

شكرا لمرورك ودمت بأطيب حال ...

[{ الجوووري}]

صح لسانك ومشكور اخوي وتحياتي للجميع وتقبل مروري...