بكر يباء الفزعه قبل قص الارقاب

هذي القصيدة قلتها في أجتماع منطقة تبوك لجمع دية بكر الرشيدي و رفاقة

بسم الذي نــــزل تبارك و الاحزاب

بسمه قبل بــــدع القوافي بدينا

و من بعد ذكـــــره ياقلم خط بكتاب

قافاً مـــــثل عقد الجواهر ثمينا

شاعر نقيت من أعذب الشعر ماطاب

أنقى الجــزل و الهزل يحرم علينا

قافاٍ عن النقاد يحشـــــــــم و لا يعاب

قــــــــــافاً ينومسنا اليا من حكينا

بكر ينادينا و لا عنه مجــــــــــــــناب

و يبغــــــــاء رجالاً بالمواقف تبينا

و هذا هو الموقف و للحـــــــق طلاب

و أنتــــــــم هل الوقفه علي اليمينا

و أنتم هل الوقفه و عكفان الاشــــناب

و أنتــم هل النخوة و حصناً حصينا

دون الرفيق صحيح ماني بكـــــــذاب

و تشــــهد على ماقول غبر السنينا

بني رشيد موردت كل من هــــــــاب

ربعــــــــي هل الوقفات في كل حينا

حنا ذراء المضهود بالشلف و أحراب

ســــــــــتر العذاراء بالنهار الرزينا

بفعالنا يشهد لنا أصحاب وأجنــــــاب

و لا هـــــــي غريبة فزعت الغانمينا

تكفون اكررها بلا عـــــــد و احساب

تكفــــــــــون فزعتكم و فعلاً سمينا

فعلاً يجملنا و حــــــــــــنا له أصحاب

يــــــــرويه راوي ينشـــــــره كاتبينا

سبعة عشر مليون لا تغلـــــــق الباب

دونه و تجــــــــــرح قلب عذراً حزينا

ادموعها مثل الهماليل سكـــــــــــــاب

تنطــر مــــــــتى يطلق سراح السجينا

و يالله يامجري هبوب الهـواء الهاب

يــــــارب نـرجـــــــــــو فزعتك يامعينا

و تفزع لعيناً تنتظر شــــــــوف غياب

مــــــن دونهم حـــــــبل الرجاء فيه لينا

لا كن بالفزعه و في بــــــــذل الاسباب

تكــــــــبر تهــــــــــون و حلها في يدينا

لا يمر موضوعه تقل عـــــــــنه أغياب

و اليـــــــا نشـــــــــــــــدنا واحداً مادرينا

وش عذرنا ياقوم و الفعــــــــــل ماثاب

الناس مـــــــــاهـــــــــو وقــــتها عاذرينا

و بكـــــــــــر ينادينا قبل قص الارقاب

و أن كــــــان مــــــا غـــــــثناه عيباً علينا

شعر / عايد الرشيدي

الاخ الشاعر عايد اديهم بن مدعث

صح السانك على هذه القيده الجزله

المعبره عن الشعورالصادقه والفزعه

والاهي غريبه عليك

وصح السانك مددبلى عدد

اخوك سهل نافع

اسئل الله العلي القدير ان يعجل بالفرج لبكر ورفاقه وكل مسلم
صح الله لسانك أخوي نجم تبوك

تقديري

عايد اديهم

صح السانك قصيده جزله ومعبره

ذات احاسيس ومشاعر صادقه

لاعدمناك

صح الله السانك واعتلى شانك
قصيده جزله من راس جزل

بارك الله فيك وكان اداءك لها له انفعال وانصات من الحضور

سأل الله العلي العظيم ان يعتق رقابهم
وصح السانك يابن مدعث وبيض الله وجهك
ابيات جزله من راس جزل بلا شك

تحيييياتي