يالله تعدّيهـا علـى خيـر وتصيـب

يالله تعدّيهـا علـى خيـر وتصيـب
مــن حدّنـي أكتـب خمالـه وعيبـه
*
يبغى الصّراحه مابها شـك أو ريـب
باقولهـا والنـاس كـــــــــــلٍ وطيـبـه
*
الحـــر ماينـفــــع بلـيّـا مخالـــــــيـب
والعقـل للرجّـال زيـنـــــــــه وهيـبـه
*
والسّالفـــــــه ماهـي بلحيـة مواجيـب
كــــــــــلٍ علـى طبعـه يجيبـه حليبـه
*
بعض المنابـت بالمـــراجـل عذاريـب
وبعض المنابـت للمــــراجـل خصيبـه
*
رجـــــــلٍ يبـي طاريـه عنـد الأشانيـب
ورجلٍ يبـي طــــــــاريـه عنـد الحبيبـه
*
ورجــــلٍ يـــــودّي بالسواليـف ويجيـب
ورجــــــــــــــلٍ سواليفـه لفعلـه تجيـبـه
*
ورجلٍ يغض الطّرف عن جارة صحيب
ورجلٍ عيونه فـــــــــي محـارم صحيبـه
*
ورجلٍ تســــد بغيبتـه يومـــــــــه أيغيـب
ورجــــــــلٍ ولا تقــــــــدر تسـد أمغيـبـه
*
ورجل يغيب ويفقـــــدونه هــــــل الطيـب
ورجـــــلٍ ليامن غــــــاب ماحـدٍ دري بـه
*
ورجـــــلٍ تشوف بخــــــوّته لـك مكاسيـب
ورجـــــلٍ تشـــــــــوف بخوّتـه لـك غليبـه
*
ورجـــــلٍ إذا أخطى يــــرى نفسه مصيـب
ورجـــــلٍ إذا إخطــــــــى يراهـــا مصيبـه
*
قلــــــت الصّراحــــــه مابها شـك أو ريـب
كـــــــلٍ علـــــى طبعـه يجيبـه حليبــــــــــه
*
إشـــــــره وشرّه كــــــــان تبغـى المواجيـب
عـــــط حق تاخـذ حــــــق مابـــــه معيبـــــه

*
الحـــر ماينـفــــع بلـيّـا مخالـــــــيـب
والعقـل للرجّـال زيـنـــــــــه وهيـبـه



تسلم اصيبعاااتج ع النقل

الحـــر ماينـفــــع بلـيّـا مخالـــــــيـب
والعقـل للرجّـال زيـنـــــــــه وهيـبـه
يعطيك العافيه على القصيدة وصح لسانك

صح لسانك .. و قويه القصيده ..

السلامه السلامه ..

لاهنت يا لافى ..

شاعر ولك مكانه ملحوظه ..

تحياااااااااااااتي لك ...

صح السانك
بصراحه كليمات في محلها
ابداع تميزالله يعطيك الف عافيه على القصيده الرئعه
تقبل مروري

صح الســـــــــــــــــــــــــــــــــــــانك ياخوي لافي

صح لسانك ومشكور اخوي تحياتي للجميع تقبل مروري..