صفها صفت رشيدي .. لانوى الجزله جلبها ..!

بعد السلام
أبداء بتثريب العِتابِ والملام

....
دعونا
نمضي لِبُرهه بعيداً
خارج النص ..!
[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عادتي .. ياذيب قلبٍ منزلـه راس الطويلـه = ما الوح للمقفيّ .. لو تلف روحي عطبها

والهجوس اللي .. يديها ماسكه حبل الجزيله = صفها صفت رشيدي .. لانوى الجزله جلبهاا
والرخوم اللي .. تفشخر بين صحبان وشليله = شوتها يا الذيب .. وازبن لابتك واذهن جربهاا
وارتكز وأجمع شتات النفس .. وحظوظٍ بخيله = وناقتك با الشعر حاذر .. كل خبلٍ يحتلبهـا
اسفه الهافي .. وخله يأخذ الصـده حصيلـه = علها تعطيه درسٍ .. لاتقهـوى مـع عربهـا [/poem]
....


أقدم
لكم هذه القصيده
والتي
كانت إرتجاليةٍ في موقفها

والتي
اتمنى
بأن تحوز على شيءٍ مِن الرضا

لا إطاله
فكما عهدتموني .. مُحبِ للإيجازِ في المقاله

{ النص الرئيسي }[poem=font="traditional arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهنوفٍ غطرفت .. والليـل هتانـه طويـل =ماحسبتك .. تجرحين اللي تغشـاه العـذاب
فارقي .. واستفردي .. عن خافقاً حظه قليل = وأستظلي ليلك المقفي .. ومقياف السحاب
أرقدي وأستامني .. مابين زفـرات العليـل = وأن بغيتي لاعبي حزنه .. وميـلات الغيـاب
لاتحسبينه يغرهد .. لا اصطفى الطرف الكحيل = ثم يرجعْ رغم علمه .. تالي الرجعه خراب
صاحبك .. ماعادله قلبٍ بغطرافـك يميـل= ولا يهزه بارقٍ لَـوّح .. وفَقَـدّه الصـواب
شان وقته .. واختلابه طـارشٍِ دمـه ثقيـل = وشر مايضحكه .. عاشق كبه الصاحب وتاب
وأن بغا .. وردّ المشاعر .. ماجلبها بالصميل = ساقها واجتابها .. واشتالها فـوق الركـاب
طالها يوم العرب .. نوماسهـا قفـى ذليـل = وأحتفاها قلبه المقبـل .. ووثقهـا كتـاب
وأنتهتبه .. ميلت الدنيا .. على راس الطويل = يبدي اشعاراً تحلاها .. ولايحسـب حسـاب
قلتها واقولها .. والشعـر مشرابـه يسيـل =من همومٍ .. تارد الجمه ويدميهـا سحـاب [/poem]


دُمتم
بخيراً وعافيه

ذيبان

صح الله السانك عدد بلامدد
ابيات جزله عافاك الرحمن
وكل عام وانت بخير

ذيبان صح لسانك ويعطيك العافية

حياك الله يابو ناوي حي الطله انا واثق بأنك لم تأتي الا بالابداع صح لسانك على هذه القصيده الجزله وانت صاحب الابداع

يـاهــنــوفٍ غــطــرفــت .. والــلــيــل هــتــانــه طـــويـــل

ماحسـبـتـك .. تجـرحـيـن الـلــي تـغـشــاه الــعــذاب

أبيآت رائعه كانت في صميم الاحسـآس .. لأول مره أقرآء لك اخــي ( فهد نـآوي)..

ولكني متأكد انها لن تكون الاخيره ... ابـيـآت نزفت حتى انتهى نزف الجمـآل .. وجعلت من كل حرف جمله وكل جملةٍ ابداع .


تقبل مروري

وننتظر منك المزيد


اخوك\النداوي...

اخوي الغالي فهد ناوي شهادتي فيك مجروحه شاعر جزل
ولا تقبل الهزيله
تحياتي حب الغموض

ذيبان

لن يشدني اي بيت من القصيدتين

قصايد منزوعة الابداع والفكره والهدف

صح لسانك وننتظر ماهو اجمل

كن بخيرا