هاك اقرا

[poem=font="simplified arabic,6,darkred,bold,italic" bkcolor="transparent" bkimage="" border="solid,4,gray" type=1 line=1 align=center use=sp num="0,black""]
من خفوقي للرجال اللي لهم قدر ومكانه=يا سلام الله عليكم عد ما الهاجس دعاني
كل واحد ياصله مني تحيه في مكانه=واشهد ان الحرف مني بين خلق الله كفاني
لا حضرت اشيد لنفسي معى العالم ميانه=وان رحلت اخلي لذكري مشاريه تحماني
كيف لا وانا سليل اهل الوفى واهل الامانه=الرجال اللي لهم فالعز ناموس احتواني
والشلي بين القبايل لا نطق بالقول صانه=واشهد ان لساني اصبح يا هل الغيره حصاني
ناصر اعلنها وشيد له من المعنى حصانه=وانت يا فكري توقع لا تسائل وش بلاني
وا هني اللي تعلم شي من غلطة زمانه=والرفيق اللي يوضح لي خطاي بما خفاني
والقصايد ما تجمل كان مافيها متانه=والقوافي ما تحرك شي من دون المعاني
هاك هاك اقرا وانا با اعطيك دره وارجوانه=دام تفكيري عن الجزله ابد ما قد عصاني
اعتلي راس القصيد الحر وارفع عن طمانه=واستشير بشور راعي الشور يوم انه عطاني
يا يباس العود مدري يا جناه ويا ليانه=يوم اعبر عن شعور الناس في شعري اعاني
القصيد الزين ياتي ناصر الشامخ وزانه=ويهمل من داخل اعماقه محيطات وسواني
كل مرسى له سفينه لكن الموج بلعانه=يقطع حبال المراسي جوف ضفات المواني
لا بغى ناصر يراهن والله ان يكسب رهانه=وان بغى ناصر يحارب سل سيفه في ثواني
اندفق سيل المعاني لين عبا كل خانه=وانقطع حبل الاماني ليه يا حبل الاماني
اسئل الجمهور هل يلقى معي كل امتنانه=ام يعاني ثم لا يلقى لقولي ترجماني
هاك قولي يا وسيع العرف عان القول عانه=يوم انا خايلت براقٍ من القبله شعاني
ريمٍ اقبل كنه النسناس في صدري عنانه=نور وجهه بعثر نجوم السما قبل الغواني
سدد الحربات في قلبي ولا اخطتني سنانه=رمشه القاسي خرق قلبي قبل عوج المحاني
صانه التفكير والتعبير والتقدير صانه=لكن ايش اسوي لهمٍ بعد شوفه طواني
بس انا مليت من طرد السراب بكل حانه=يا فوادي لا تعذبني كفاني ما اتاني
ما مضى قد فات ومداد القلم سجل بيانه=والا انا با اعيش وحداني وابا انهي ما لفاني
[/poem]

و القصايد ما تجمل كان ما فيها متانة === و القوافي ما تحرك شي من دون المعاني

ناصر الشريف

صح لسانك مدد بلا عدد ،
أبيات متينة و رائعة كالعادة ،

تقبل مروري .

الشاعر الرائع
ناصر الشريف
صح لسانك وسلمت بنانك
قصيده رائعه قمة الروعة والابداع تعانق السحاب بمعانقة شاعرها المبدع
تقبل مروري وفائق إحترامي وتقديري
دمت بألف خير

والقصايد ما تجمل كان مافيها متانه

والقوافي ما تحرك شي من دون المعاني

هاك هاك اقرا وانا با اعطيك دره وارجوانه

دام تفكيري عن الجزله ابد ما قد عصاني

صح السانك اخوي ناصر
دائم متئلق بروح وعذوبة
كلماتك الجزله
صح السانك الف ولا يسدون

تقبل تحياتي وخالص تقديري
وحترامي

لا بغـى نـاصـر يـراهـن والله ان يكـسـب رهـانه , ,, , وان بغى ناصر يحـارب سـل سيفـه فـي ثوانـي
ناصر الشريف ,,
كفو والله .. وصح لسانكـ ..
وعودتنا دائما على الابحار معكـ في بحر وفيضان شعركـ المتدفقـ .. المليء بكل ماهو مميز في الشعر ..
دائما ماانتظر جديدكـ ..
داام عزكـ ونبضكـ .

الشاعر/ ناصر الشريف
صح لسانك وبيض الله وجهك وفيت وكفيت قصيدة جزلة من شاعر جزل وكل حرف من حروفها عن قصيدة كاملة
وتقبل فائق تحياتي

صح لسانك ومشكور اخوي على القصيده الرائعه..