عــبـــس

ياوقـت لاتلبـس مواعيدنـا لبـس
كم لي وانا خايل واخايـل واخايـل

الكسر حديته على الجبر والجبـس
والدمع حديته علـى الخـد سايـل

فل القيود وبطـل اقفولـة الحبـس
خل الكويـت تعايـد اليـوم حايـل

اللي تشاور راعي اللبـس باللبـس
تبـا تماريبـه بـنـات الحمـايـل

ام الترف والمبسم السكـر الدبـس
عالت على قلبن لها الحـب شايـل

من يوم ماجتني تحبس الهوى حبس
تامر علي ولسانهـا حيـل طايـل

وشلون تامرني وانا من بني عبـس
لو يحكـي التاريـخ فيهـا قبايـل

رح قلها لو ريقي من الضما يبـس
مانـي بـدور بالرفيـق البـدايـل

كان الزمن مايل معي وخاطره عبس
ترى الزمن ماهو على طول مايـل

بكره تغادر ضيقة الصدر والكبـس
بـاب الاصايـل ينفتـح للأصايـل

تلقا اليدين مكسره قفولـة الحبـس
وتلقا الكويت مصافحه يـد حايـل

يعطيك العافية ابن نقاء على هالقصيد وياليت تذكر من صاحب القصيدة

المشاركة الأصلية كتبت بواسطة المديرالعام

يعطيك العافية ابن نقاء على هالقصيد وياليت تذكر من صاحب القصيدة

يعــافيـك ربي يـامدير وسلمك الله هذي قصيـده لشاعر المبدع ثامر شبيب

تسلم على النقل قصيده رااائعه

المشاركة الأصلية كتبت بواسطة عذب القصيد

تسلم على النقل قصيده رااائعه

يسلمك ربي اخوي عذب ومنور صفحتي يابطــل

صح لسان شاعرها

ولا هنت يالغالي على روعه النقل الجميل

صح لسان شاعرها

ولا هنت يالغالي على روعه النقل الجميل