مهامز والمهامز

اقدم لكم هذه القصيده

بالشكر العام لجميع اعضاء المنتى بادءا بالمؤسس

ومنتهيا باخر عضو

والشكر الخاص للمدير العام فلاح المهيمزي


تعالي يا حروف الشعر هاتي للشعر موضوع
ابا اترجم مواضيع الشعر في شفرة الابيات

يقولون العرب من قدرك شله بزند وكوع
وانا اقول احترامي للشلي وكيف ما جت جات

ابا اسرج يا فلاح بجوف صدري للحروف شموع
وسامك ما تعبر شكره بخفاقي الكلمات

تخالج داخلي حس الفرح من كل شكل ونوع
وسقت الحرف بين منازعات الهم والحسرات

رشد حتى الكلام بمنهجه يا ال الرشيد طبوع
وشفت المهمزي مثل النمر لا اشتدت الوقفات

مهامز والمهامز فردهم يسقي العدو قرطوع
مهان وذل بل يسقيه بانواع القهر ويلات

اقوله يوم انا من صلب هاشم والحكي مسموع
رجال عزهم باقي ولا هم يحنو الهامات

نظمت القول في وصف العرب بسم الحكي المسجوع
ورتبت القوافي في شموخ العز والقامات

اقوله والقبايل تحشد بطيب السمات جموع
اسطرها على كف الزمان وكل آت آت

اقول لكم دبل شكرا وافك لهاجسي مشروع
وجاتك يا فلاح حروف شعري تنهمر بسكات

أولا صح الله لسانك مليون ولايسدون

وبيض وجهك ولاعليك زود يالشريف بن الاشراف

هذا ان دل يدل على طيبك وكرمك واخلاقك
الشئ الاخر كان ودي شاعر على شان اجاري هـ لشامخه من هاك الشامخ

اخوي ناصر

لك ارق التحايا واصدقها

الاخ فلاح صح بدنك

ووجهك ابيض والزود في راسك

اما الشيء الاخر فكلامك شعر

وتسلم تحياك ولاهنت على المرور

ناصر الشريف
صح الله لسانك وسلم معدنك الاصيل يا ابن الاصايل ..
والنعم بالمادح والممدوح

ولاتهون .. وألف نعم فيك وفي ربعك ..

كن بخيراا

بدوي فااااهم

صح لسانكـ ويعطيكـ العافية على القصيدة وبيض الله وجهكـ .

صح لسانك ونعم بالمهامزة

الشاعر المتميز ناصر الشريف

صح الله الساااااانك على هالرائعه الجزله والشامخه كشموخ ناصر الشريف

وابن رهق يليق به المدح وهو للمدح لايق والنعم مليون بالمادح والممدوح

تقبل مروري وتحييييييييياتي الحاره لك ممزوجه بالود ةالاخأ