ِِ مقــهى البـوح الشـعري ..،، تفضل أرتشف قهوتك ..ِِ.

خلك بسيط الكبر ماهو بعادة *** لا تسرقك دنياك عن خلقتك سرق

خلك صبور وخل عندك ارادة *** ولا صرت راعي ضو فأصبر على الحرق

لولا الصبر والمعرفة و الركادة *** ما تجرح العشاق ترنيمت الورق

واذ بتسيد فالمراجل سيادة *** خل المراجل باب وسيادتك طرق

خلك ذكي واخذ الأمور بهوادة *** ولا صدت وثب لاتجي صيدتك زرق

واليا عشقت اعشق من الحور غادة *** حورية(ن)في بحرها يحي الغرق

ان زعلت زانت بعينك زيادة *** وان ضحكت كنها تنافس مع البرق

واذا أدور فالحياة السعادة *** اسجد لربك سيد الغرب والشرق

لو ضاقت الدنيا*
على راعي الطيب*
يبقى شذى طيبه*
على الناس*
طايب*
للغيم في صدر*
الثرى صوت ترحيب*
والطيب هو فعلك*
ياراعي*
النجايب*
وفي كل يوم تشرق*
الشمس وتغيب*
ويبقى \" ( ابوي ) \" والكل غايب

كم عشقت هذه القصيده



يكبر قسى جـرح السنيـن ويعنّـي===رجل الحزين اللي على حـد الادراك*
هذا أنا يـوم أخلـف الوقـت ظنّـي===الحزن حزنـي والسوايـا سوايـاك*

بكيـت وأبكيـت العيـون وبكـنّـي===تعال شفني كـل مـا حـان ذكـراك*

كـم واحـدٍ جانـي بعـدك وسألنّـي===شخبار من حبيـت وأقفـى وخـلاك؟*

وأصـد والحـزن الخفـي ممتحنّـي===وأن قلت منهو قيل ماهـوب يخفـاك*

قيل العوض قلت العوض ما شحنّـي===والله لا هــــــذا ولا ذا ولا ذاك*

يا مـا بعضهـم مرنـي مـا فتنّـي===يا جعل ماهم بالعوض فـي محيـاك*

الله لا يجبـر عـزا مـن عذلـنّـي===ما جاه ما جاني ولا جـاه مـا جـاك*

واللي عذل ويقول (لـو و لـو أنـي)===جعل يعشق لـه واحـدٍ كنـه إيـاك*

ما فيـه شـيٍ فـي حياتـي غبنّـي===الا نهار أقفيت وأنـا أسمـع إبكـاك*

الله مـن جــرحٍ قـديـمٍ مكـنّـي===أمداك نزفه لكـن ادواه مـا أمـداك*

علـيّ كـم جـار الزمـان وطعنّـي===أسمع صدى صوت المعاليق تنخـاك*

وين أنت ياللي كل مـا غبـت كنّـي===واقف على بـاب الأمـل وأتحـراك*

ليتك تعـرف تخـون وأقـول خنّـي===على الأقل القـى سبـب وأتناسـاك*

وليت الزمـن فمحبتـك مـا خذلنـي===وليت الهجر من طيب خاطرك ورضاك*

لـو أن قربـك والوصـل بالتمنّـي===ما غبت عن عيني كثر مـا اتمنـاك*

خايف يطـول البعـد وتسـج منّـي===وياخذ مكانك شخص ماهوب يسـواك*

وش عاد أسوي يومك أقفيـت عنـي===لا أنا أتبع المقفي ولا أحـب فرقـاك

انا يا صاحبي اسف ابمحي من الحشى ذكراك
وتبقى لحالك لحالك وانا اقرب محبينك

تناديني بعد صدك بيرجعلك صدى زقراك
خلاص انسى تفارقنى ولملم لي بقى فعينك

هذاك اول وانا احبك ومجرى الحب هو مجراك
ولا تحاول معي ما عاد يشفعلك ترى زينك

تبيني ارجع , دخيلك بس كفاية من نصب الاشراك
تشربك واقعي بامسي ولا فادتني ايدينك

تجرعت الوهم والهم بدمع الآآه وش دراك
بحسراتن على اللي قد حصل ما بيني وبينك

قتلته حبك الخادع بايدي ولا بعد بشراك
بتبقى لحالك لحالك وانا ابعد محبينك

كل قلب في ذراه الحب عاش 000فيه طيبه زايده عن حدها
والقلوب ان فارقت صارت هشاش000موحشه والذكريات تشدها

متعب التركي

°°•.•
أوفففف يــــ*
الـــقــلــب الـــحـــزيــن
كـــل هـــبـــہ تـــجـــرحـــہ !
•.•..

يا شيـن طبـعٍ فيـك .. يا زيــن الأطبـاع
.................... لولا الرجــاء .. ما كان خلّيته .. يفـوت

سَـنَـع .. يشـوّه لا تـذكّـرتــه .. أسـنـاع
.................... مثل الحصاة .. اللي وسط عقد ياقــوت

تخـفي هيـامـك .. وإنت ميـّـت وملـتـاع
.................... ما تـدري إنه في ملامـحـك .. منـحـوت

ويبخل لسانك .. وإنت للسمع .. طمّـاع
.................... والبخل .. في سَلْم المحبيـن .. ممـقـوت

الحكي .. قوت السمع / و سموعي جياع
.................... ومسامـعي ماتت من الجـوع .. للـقـوت

وحكي الغزل في صدرك أشكال وأنواع
.................... لكن صمتك .. حوّل الصـدر .. تـابـوت

ليا طَلَبتـك وصـل .. صعّبـت الأوضـاع
.................... مدري .. من اللي درّسـك جعله يمــوت

تصـد .. ما كـنّـك من الصـد .. مـرتـاع
.................... وإن قلت : يا القاطـع .. تلفّـتّ مبـهـوت

أقطع بـ دَرْب مواصلك في الشهر.. باع
.................... وإلاّ إنت تقطع للوصل فـ السنة .. فوت

طعني .. وطاوع واحدٍ فيك .. ما طـاع
.................... ناسٍ صغار عقول / وأشوار / وبخوت

وإلطف بحال اللي نحـل حاله .. و راع ..
.................... قلبٍ جروحه .. تنزف أفكار .. وبيوت

قلبـي .. ليا منّه شـرى قـلـب .. ما بـاع
.................... وإنت الله الله فيه .. والعمـر موقوت

اسمع أشعاري في الهوى وارخ الأسماع
.................... ياللي غـلاك بـ تربـة القلب .. مكـتـوت

لا .. للفـراق .. و لا .. لتجديـد الأوجاع
.................... ونعم .. نعم للوصل .. لو كان بالصوت