متى التقاعد يجي والنفس أحررها

[poem=font="traditional arabic,6,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
متى التقاعد يجي والنفس أحررها=واخذ حقوقي وسلمهم بطاقاتي
وغادر الهم الضيقات أغادرها=وأمشي على الكيف حر بكل الوقاتي
وسج ألاقدام صوب أديار خبارها=دارن ليا شفتها تنزاح ضيقاتي
تسوى ديارن جميلاة مناظرها=وشوارعن كلها زينه ولنباتي
لو أنها مخليه والوقت دامرها=أشوف فيها الشموخ وكبر هيباتي
جميلها اللي مضا مكفي لحاضرها=وحي البشر لاحق(ن)بالدرب المواتي
تعبت وانا عفون الناس أسيرها=لجل نظام العمل روحه وجياتي
كلمه أقف ضدها وأخرى أمررها=لو هو بكيفي ماتمس شعور كلماتي
وانا مجرب وأعرف النفس خاطرها=ودري عن اللي له بالهرج نياتي
قدام لا يطول الهرجه اقصرها=ماودي ان الخوي تاتيه زللاتي
والأ أهل الطيب بالسمعه نقدرها=ومانسى رجال(ن)لهم بالضيق وقفاتي
الصحابي اللي لو أن النفس حاشرها=وضعي ليا شفتهم زالت معناتي
رجال محدن عرف خافي سرايرها=اللي لهم بالكرم و العز هاماتي
ولو ان طيب الاوادم في مظاهرها=وبامال و بشوت و ثياب(ن) جديداتي
ان كان من قل ماله مايدورها=ويعيش كل العمر مقصور هقواتي
المال مايرفع رجال(ن)ضمايرها=فيها الحسد والنمايم كل حزاتي
كم واحدن مات ومواله مزبرها=ماحاش منها ولو لنفس حسناتي
ناس(ن) عن الطيب معم الله بصايرها=وتبين فعولها السرارن خفياتي
نقصن على الربع شر لمن يجاورها=اللي عسا مالهم بالدار شوفاتي
العز للي سلومه مايغيرها=واهل النفوس الكريمه والنزيهاتي
ماعقب الطيب ناس(ن)في مقابرها=عقب رجال(ن)لها بالخبث بصماتي
قبل ردي الفعول اللي يعيرها=اللي بهذا الزمان بعيد نظراتي
مابان لي من رجال(ن)كنت ذاخرها=يقول ماعاد ابه صحبه وشرهاتي
وين انت ياللي ابحورالطيب تعبرها=ياوافي القول في يوم المهماتي
يالطيب اللي فعولك ماتصورها=مشيوفت(ن)منك في حزات شداتي
كل(ن)جمايلك عارفها وخابرها=ماهي مع الناس منشوره دعاياتي
انت الذي في فعل يمناك ناشرها=ماهي بنشرت موده ونحيازاتي
ياللي جهلت الامور اسئل مجبرها=الصبر ولبد يومن للفرج ياتي
لصلحت نيتك يبغا الله يسرها=والعمر مره ولايرجع ليا فاتي
لاصار نفسك بنطق الصدق جابرها=الرزق مكتوب من رب السمواتي
[/poem]

شاعرنا العذب والراقي خليف الوهيداني

صح الله السانك ملايين الله الله عليك عندي يقين بأنك مسوي هالقصيده وانت ماشي بالسياره تتغنى بها ابيات جزله بلا شك من شاعر جزل لاعدمناك في منتداك عزيزي الفاضل


اخوي خليف ارجو المشاركه والترشيح لقصيدة الشهر تهمنا مشاركتك

تقبل مروري وتحييييييييييييييياتي الحاره لك

شاعر جزل لاهنت وصح لسانك على هذه القصيده

الشاعر خليف الوهيداني

صح الله لسانك مليون ولايسدون على هذه الشاااامخه

كتبت وابدعت شاعرنا المبدع


ننتظر جديدك

لك ارق تحيه

صح الله السانك الشاعر خليف الوهيداني وبيض الله وجهك قصيدة جزله وجعل عمرك طويل وننتظر جديدك
تقبل مروري.