عضو في ضيافة قسم القصيد

1\ ماهي علاقتك بالشعر ؟!!
الشعر بالنسبة لي هو الهواء الذي أتنفسه .
2\ من هو شاعرك المفضل ؟!!
مرشد البذال الرشيدي رحمه الله .
3\ اعضاء في" منتدى قبيلة المهيمزات "تثق في ذائقتهم الشعرية ؟!!
كثيرون أخشى أن أذكر البعض و أنسى البعض الآخر .
4\ بيت شعر يحضرك دائما ؟!!
بصراحة أبيات و ليس بيت فقط من ضمنها بيت للشاعر علي القحطاني :
منزل الترف في وسط الكويت العريض ** صار خيطان دونه و المسيلة وراه .
5\قصيده تعدها من اروع القصائـد ؟!!
قصيدة للشاعر مرشد البذال المسمّاة بـ ( الملحمة )

قل لأبـو نـواف مافيهـا عـذار ** انتويـنـا يالسنـافـي للمسـيـر
كان أبو نايف تحصّل لـه مـدار ** دوره وإلا دفعنـا لــه بشـيـر
قل لأبن عون الوعد تالي النهـار ** بالمثلـث لايـسـج ولا يحـيـر
إعتجل يـوم الهـوا ذعـذع ودار ** إترك الراضه وعذرٍ فيـه ميـر
كان عندك بالبنـاء تالـي جـدار ** أجلـه والعيـد مافيـه اتعمـيـر
يم أبو سلطـان عـزم الفكـر دار ** يـم غيـره لا تقـول ولا تشيـر
خلهن يمشـن مـن الديـره لـدار ** المواتـر صافيـه والـدرب قيـر
مثل ابو سلطان لـه حـق يـزار ** جيتـه بالعيـد مظهرهـا كبـيـر
سجةٍ عنـده تزيـد بهـا العمـار ** يدله الخاطـر ويرتـاح الضميـر
في محل كـد جلسنـا بـه مـرار ** مدهـل الحكـام والزاعـل عثيـر
مجلـس يؤخـذ بعيـن الأعتبـار ** صاحبه ياعز منهو لـه عشيـر
دلـة فيهـا مـن الحبشـي بهـار ** ومنسف يشبع ضيوفـه والقصيـر
نادر له نطحة الموجـب شعـار ** فاهمٍ بالمرجلـه درس غزيـر
ما لبس ثـوب الشهامـه مستعـار ** وارث طيبه مـن الوجـه السفيـر
أحمد اللـي لـه تواريخٍ قـرار ** بالكـرم وبسلـة السيـف الشقيـر
إنشـد التاريـخ يعطيـك إختبـار ** عـن تواريـخ السديـري بتعبيـر
أقـر ديـوان الخليفـه كـان دار ** شف مقاله عنـه بالخـط الأخيـر
شف مراكيضه على قـب المهـار ** يوم سفك الدم غـادٍ لـه هديـر
كان أبو سلطـان هوماتـه كبـار ** تابعٍ عـودٍ علـى دربـه يسيـر
والعلوم كبـار وأحلاهـا القصـار ** زبدة الموضوع وأحـلاه القصيـر
مابنيـت الملحمـه بنية جـدار ** كود ناسبها علـى فعلٍ شهيـر
كان للمعروف هالوقـت إشتهـار ** السديري مع هل الجـودا خشيـر
ما بنى السمعه على ملس العـذار ** ما بناهـا إلا علـى فعلٍ ثميـر
أنشد اللي سمـع بفعـول الكبـار ** نور الأول يقتبـس منـه الأخيـر
يوم وقتي عقب أبو زيـد إستـدار ** إجتبرت بجابـر العظـم الكسير
شمت للي فيه خصلاتٍ إخيـار ** الذكى والدين والعـرض الستيـر
لـي بربعتهـم معـزه وإفتخـار ** ربعـة الطيـب تنسيـك الحقيـر
أفهم الطيب الخنين مـن البخـار ** يوم فاح المسـك شميـت العبيـر
قالها اللي له بعرف النـاس كـار ** يفهم الشبر الطويل مـن القصيـر
الرجال طيور توصـف للحـرار ** كل طيرٍ فـي جناحينـه يطيـر
وين طيـرٍ يحتري لـه كـل جـار ** و وين طيـرٍ مايصيـد إلا الشعيـر
لو نقـول إن الشجاعـه بالطيـار ** كان فضلنا القطـا عن كل طير
وين طيرٍ وإن هوى شـق الستـار ** و وين طيرٍ يذعره صوت الصفيـر
النداوي له علـى الصيـد إقتـدار ** والحمامـه بالمحـل وتستـديـر
وإن جهلت الزين والجنس الدمـار ** إنشد اللي فـي معرفتهـن خبيـر
أخذ لك منـي كلامٍ بإختصـار ** فرق بين الصوف من سلك الحرير
فرق بين الحب و نخـال الشـوار ** أصلهن واحد لاشك الـذوق غيـر
ربعة الطيـب تزيـدك بإنتصـار ** ترفعك رفع العمـد بيتٍ نظيـر
والردي عرفه مثـل بيـر هيـار ** تنقبـر فيهـا ويدفنـك الحفـيـر
حقة الطيب تجيـك مـن الفقـار ** والردي يعطيك كرسـوع البعيـر
لا ترابـع واحـدٍ بالعهـد بـار ** وإن وفى له مـرةٍ خيـره كثيـر
التجـارب خلهـا لـك مستشـار ** لا تبي غير التجارب لـك شويـر
لاتجـي مدخـل يدينـه بالخبـار ** مالقى صيده لقـى دابٍ ضريـر
والرجال فهود و ادناهم حمـار ** وأنت برّق بالفهـود و بالحميـر
وانت في دورك عليك الـدور دار ** لاتحسـب إنـك مخـلا يالفقيـر
وقر العالـم وتلقـى لـك وقـار ** وإن حقرت حقرْت لو انك أميـر
والشرف لايستـوي فيـه إنهيـار ** الشرف هو مقضب السيف الشطير
والقناعة مرجلة والضعـف عـار ** وأطلب النجدة من الوالـي القديـر
لا تجـي للنـاس طلباتـك كثـار ** كـل ديـوانٍ تجـي يمـه مغيـر
ما خبرنا بأهـل الشحـذه تجـار ** غير فقره كل نفـس لـه تعير
خل عـز النفـس للعـورة ستـار ** لو فراشك في طرف بيتك حصير
وأنت للعـودة مـن الله بإنتظـار ** واحـدٍ ما لـه وكيـل ولا مديـر
مـدة الله تمتلـي منهـا النـقـار ** تجعـل الغـدران بالملـزم تحيـر
يجعل الوادي مريـف بالخضـار ** عقب ماهو يابـس قشعـه هشيـر
الكريم معـان والفـارس مجـار ** مدّي الواجـب ونطـاح الذخيـر
الغنـى بالـذل مذمـوم مــرار ** والفقـر بالعـز لأمجـادك يثيـر
منزلك بالذل فوق أعلى منار ** ينتفضل عنه مسكان الحجير
مرقدك بالعز في حزم القرار ** ينتفضل بالمعزة عن سرير
الغنى بالنفس ما هو بالصرار ** كم غنيٍ كن ما عنده ذخير
كم فقيرٍ في ثقيل الحمل ثار ** و كم غنيٍ سمعته سمعة فقير
لا تقول فلان يملك له عقار ** ليش انا ما أدركت لي مثله و اصير
واحدٍ معطيه ما هو فيك غارّ ** لا تجي لأحوال خلق الله نظير
عز نفسك لو تبيع من القشار ** بيع غرضانك و لا طلبة وزير
و لا تقول الوقت لايحني سطار ** ضربةٍ خلت دماغي يستدير
غيرك الدنيا تلوحه بالحجار ** لين صار الدم من خده خرير
ضامت الدنيا مدللة البكار ** نازلين القفر لو جاهم نذير
و ان كشف برقٍ مثل لون الشعار ** يذكر الغزاي به عشب و غدير
جلعوا له ما لهم غيره مزار ** في جهامٍ كنه الصيد المذير
و ان مشوا ركب السلف و النشر سار ** زمة الحيران زاهيها النشير
حاسبينٍ للجهاد و للمغار ** و البنادق ما تخبى بالجفير
كان شاط الهوش شيطات العشار ** جتك أواليدٍ تعزوا بالفطير
موتةٍ عن قولة الخفرات نار ** العذارى ما تعشق اللي ينير
وينهم هالحين ما منهم سمار ** ما تشوف لهم ورود و لا صدير
مالت الدنيا عليهم بانكسار ** عقب ما يضهد دبشهم كل بير
عقب شرب الدر من سور الحوار ** سافروا بالمدن يشرون العصير
و الدبور ليا طبخ قدره و فار ** ذوب اللي فيه من حامي السعير
طربة الدنيا مثـل لعـب القمـار ** لو جمعت المال شفت تالي المصير
لو جمعت من الذهب حمل القطار ** عند نزح الروح ما أنتب له دبير
صار بين الوارثيـن بـلا مشـار ** و انعزل حق الكبير مـن الصغيـر
وأنت حقك خامةٍ عشريـن وار ** ذيك هي حقـك ولا فيهـا خشيـر
فصلوا منها الكفن هـو والـوزار ** و اقرشوا بك يـم مثـواك الأخيـر
واسدحوك بحفرةٍ في وسط غـار ** يطـردك منكـر وقدامـك نكيـر
واهني اللي مشـى طلـق شكـار ** سالمٍ من ظلم عمر ومـن عميـر
لـوه بالدنيـا بحالاتٍ عـسـار ** يرتجـي بالآخـره فرحـة نظيـر
مـن رحمـة الله وقبلـن العـذار ** رحمة الله تغفـر الذنـب الخطيـر
والأثيم من الصراط أقرش وعـار ** وإن سلم من ويل طاح بزمهريـر
ياإلهـي كـان مـافـيّ إقـتـدار ** ألتجي في رحمتك وأنـت المجيـر
الشباب أقفى وأنـا بآخـر نهـار ** وأرتجي فزعتـك يانعـم النصير
6\ لك مساحه بلآ حدود وحرية بلا قيود امتعنا بقصيدة على ذوقك ؟!!

للشاعر سليمان بن شريم رحمه الله :

سرى البارق اللي له زمانين ماسرى ** صدوق المخايل بارقه يجذب الساري
على فـرعـة الوادي وسـيلـه تحــدّرا ** و غنّت طـيور الما على الحاير الجاري
مرابي غـزالٍ عـقـب عـرفـه تنـّكــرا ** عـلـيـه الله أكـبـر كـل ما حلّ له طاري
برى الجرح منه, ومني الجرح مابرى** وهو يحسب اني يوم طال المـدى بـاري
نطحـني بجـزّ الثوب حدر المشـجّـرا ** جميل المحاسن لاضـخـيمٍ ولاعــاري
أبو لـبّة ٍ مـثـل الـقـمر ضاح واسفـرا ** و لا غابت الـقـمـرا تـقـدّى به السّـاري
ترى سـلـبة العاتق الى صـدّ مادرى ** كما سلبة العرجـون في صفحة الذاري
صويب الهوى مسكين مشيه على ورا ** ترى النقص فيه وحيله أقوى من الضاري
7/ شخصيه ادبيه تتمنى ان لا تندثر ..
كل شخصية تضيف للأدب ما يرتقي بالأدب أتمنى أن لا تندثر .
8/ الى ماذا تميل للشعر / أم الخاطره
لكليهما و لكن للشعر أكثر .
10 / اسباب دفعتك للأقتراب او الأبتعاد من الادب بشكل عام ..؟
بحكم أنني شاعر و البيئة المحيطة و البيئة العربية بشكلٍ عام كما يقال الشعر ديوان العرب كل هذه أسباب تدفعني للإقتراب من الأدب ، أما الإبتعاد فليس له وجود .
11/بيت شعري لن تنساه ... ولمن..؟
للشاعر محمد السديري رحمه الله :
يا ليت ربي ما خلق حب و فراق ** و الا خلق حبٍ على غير فرقا .
12/ في بيت شعري قصير ماذا تقول لكل من ..
من أَحبك ..
مهما يدور الوقت و تطول الأيام ** أنت الغلا اللي طول الأيام باقي

مــ ع ـــيبد .

من أَحببت ..
اشتاق أشوفه و التقي به و احاكيه ** و امشي بدربٍ مرّ فيه و مشى به

مــ ع ـــيبد .

من خانك أو غدر بك ..
تنكّرت للعشرة و خنت المواثيق ** نسيت الوفاء و الحب و الملح و الزاد

مــ ع ـــيبد .
13/صوت الحب ... من هو في حياتك ..
هو الصوت الذي عندما ينطق كلمة (أحبك) يعي معناها .
14/ قصيده لن تنساها في حياتك لمن ولماذا ..
قصيدة لي لها ذكرى خاصة :

البــارحـــة ليــلةٍ ماهــي طبيـعيـــــة 0000 سبحـان رب ٍرحـم قلبـي وعــداها
يـا ثـقـل ساعــاتهـا ماهـي بعـــاديــــة 0000 كـن الثـواني ليـالٍ طال مســراهــا
ما هو بمعـقـول روحـي باقيـة حيــــة 0000 يا صبر روحي على كل الذي جاها
صحـيـح انا حـي و الاوجاع مخفـيــة 0000 حياة ٍالموت عندي صـار يسـواهــا

مــ ع ـــيبد

و أعتذر عن إكمالها .

15/سؤال تتمنى لو تسأله أحد الأعضاء في المنتدى لمن وماهو ..
لا يوجد .
16/ من الشخصيه الأدبيه التي من الممكن هي من تشجعك لكتابه الادب بشكل عام ..
لا يوجد شخصية معينة .
17/لو سمح لك بتوجيه أنتقاد على اي قصيده توجه .. ولماذا ...
القصائد بشكل عام لا تخلو من الملاحظات التي تستدعي النقد و لكن لا يوجد قصيدة معينة اوجه لها الإنتقاد .
18/ بعد الخيانة انتهت رغبتي فيك .. و إن كنت تذكرنا ترانا نسيناك

{

وش إحساسك لما يوصلك هذا البيت على جوالك وش راح ترد

}

لم و لن يأتِ هذا البيت إن شاء الله لأن الوفاء طبعي و إن أتى فسوف أرد عليه بالبيت التالي :

راع الوفاء ما فيه تهمة و تشكيك ** و لا يعاشر كل خاين و شكّاك .

19/ لك وحشه ماهي لغيرك من الناس .. أنت اللي .. بس .. اقدر اسميك غالي ...!!

نبي تحط لنا رد على هذا البيت .. في بيت من اختيارك

لك وحشة و شوق و غلا ما له قياس ** و أفديك في روحي و حالي و مالي .

مــ ع ـــيبد .

20/ الطيب أساسك و الفخر للي يماشيك ، و الذوق شخصك ، و يا سعد من هو يخاويك

{ إحساسك لما يوصلك هالبيت وبأي ابيات ترد عليه }

لما يأتِ من شخص تتجلى فيه المعاني الموجودة في البيت بالتأكيد سوف يبهج النفس .

بس فيه ملاحظة على البيت و هي ان الصدر و العجز على قافية واحدة و هذا يعتبر خطأ شعرياً و لو رديت بقول :

من ذوقك الراقي و أعزك و أفتخر فيك ** بس أنتبه لا تشبّك الأبيات تشبيك .

موقف طريف / استغرقت تقريبا ساعتين و انا اجاوب على الأسئلة و لما وصلت للسؤال ما قبل الأخير ما دريت الا الجهاز مسوي إعادة تشغيل تلقائيا للتحديث و بهالطريقة انمسح كل اللي كتبت و رجعت و جاوبت من جديد ، بصراحة بغيت اكسر الجهاز ههههههه كان موقف لا أٌحسد عليه .

أتمنى أني كنت ضيف خفيف الظل و اعذروني إذا حصل أي تقصير ، و أشكر أختي الزين كله مرة أخرى على هذا الموضوع الرائع .

أزكى تحية للكل .

،


لاهنتي ع هيك موضوع ،،
بانتظار نقطة الانطلاق لاول شاعر ،،

ربي يعااافيك ،،

اخواني

اشكركم من اعماق قلبي لمروركم وردودكم المشجعه على الموضوع وتقييمكم

ربي يخليكم ولا يحرمني تواجدكم الدااائم

اخوي ابن مدعث مشكووور على التثبيت

وراح تكون انت اول ضيوفي في الموضوع

بانتظااارك

ملاحظه : لا تقولون الاسئله كثير ترا بالنسبه لمحبي الشعر قليله وممتعه


القلم بيدك اخوي ابن مدعث

الزين كله


اولا .../

لا شكر على واجب فموضوعك وطرحك يستحق اكثر من التثبيت

نحن من يقول لكِ شكرا من الاعماق على هكذا ابداع


... شكرا لكـ على اختياري كـ أول ضيف هنا


انتظروووووني...!

ــــــــــــــــــــــــــــــــــــــــــــــــــ
وضيفنا نتمنى منه الاجابه عن هذه الاسئله :

تأمرووووون أمر
1\ ماهي علاقتك بالشعر ؟!!
علاقتي بالشعر كعلاقة الحياة و الماء


2\ من هو شاعرك المفضل ؟!!


مساعد ربيع الرشيدي


3\ اعضاء في" منتدى قبيلة المهيمزات "تثق في ذائقتهم الشعرية ؟!!


فلاح المهيمزي و خاتم المهيمزي و معيبد الرشيدي و كثير و الله
كذلك من الاخوات . ملامح ، النجلا ، الزين كله ،شمس المهيمزات

4\ بيت شعر يحضرك دائما ؟!!


ينجرح قلب لكن ترتفع هامه **والله اني لـ اموت ولا انحنى راسي


5\قصيده تعدها من اروع القصائـد ؟!!


عذب السجايا و عوده بأول الكنه للزعيم مساعد الرشيدي
6\ لك مساحه بلآ حدود وحرية بلا قيود امتعنا بقصيدة على ذوقك ؟!!


‏(. .ياآ. .ماخذن. .عمري. .)


[poem=font="simplified arabic,5,red,normal,normal" bkcolor="transparent" bkimage="" border="solid,4,gray" type=1 line=0 align=center use=ex num="0,black""]
شفني بعد طول الغياب=ليا تذكرتك سكبت
دمع" مثل صب السحاب=همي وجرحي منه نبت
ياماخذن عمري شباب=ثلاثة أعوام"وشبت
ماأنصفت في الا العذاب=ولا أعطيتني شي"رغبت
هيفت لك من كل باب=وانته ولا باب".قربت
مثلك مثل طرد السراب=للي يجف ولا شربت
تيهتني عن الصواب= من يوم جيت ويوم غبت
ياسيدي والصبر ذاب= يشهد عليه ما كتبت
أرجع غدا قلبي ذهاب=مدري انا كلي ذهبت
ماله مبرر هالغياب= مني ولا عمرك غضبت
وان كان تزعلك الثياب= انا أعتذرلك لو طلبت[/poem]

وسلامتكم
‏
.................من كلماتي

7/ شخصيه ادبيه تتمنى ان لا تندثر ..

بدر بن عبدالمحسن

8/ الى ماذا تميل للشعر / أم الخاطره

للشعر و للخاطره و اجدني بالشعر اكثر
10 / اسباب دفعتك للأقتراب او الأبتعاد من الادب بشكل عام ..؟

اسباب دفعتني للاقتراب من الادب ..:
اولا مجتمعنا مجتمع بطبيعته يحب الشعر و الادب فكان تأثيره قوي شوي كذلك الميول
الفطري لي كشاعر يحب الادب ..
اما اسباب الابتعاد :
انا ما اشوف اني مبتعد عن الادب و سـ أبقى فيه الى ما شاء الله

11/بيت شعري لن تنساه ... ولمن..؟

يقولون لا ضاقت عليك الوسيعة غن ..&.. وانا اقول شفت مقرد الخلق وش قالت
لــ مساعد الرشيدي


12/ في بيت شعري قصير ماذا تقول لكل من ..
من أَحبك ..
اعطيتني حبك وانا اعطيك روحي
.............خذها معك من وين ما رحت خذها
محمد ابن مدعث
من أَحببت ..
عادي تموت من الجفا جمرة الشوق
............عادي لو اعشق شخص ثاني بدالك
محمد ابن مدعث

من خانك أو غدر بك ..

كلٍ على نيته كلٍ على خبره
......وبكره الى بان وجه الحق تلقاها
محمد ابن مدعث

13/صوت الحب ... من هو في حياتك ..

حنجره تنثر عطر همساتها على مسامعي كل مساء

14/ قصيده لن تنساها في حياتك لمن ولماذا ..
[poem=font="simplified arabic,5,darkblue,bold,normal" bkcolor="transparent" bkimage="" border="ridge,2,orangered" type=0 line=0 align=center use=ex num="0,black""] اسرفت بالذكريات وطاحت العبره.=.اللي حضنها كثير وطاح وياها
قمت أتلفت وأحط العذر بالخبره.=.وابعد عن دروبها واطيح بأحماها
ياوقت ما كاسر الخاطر يبا جبره.=.ولا اللي مسوي الجروح يدور دواها
كم واحدن كنت مثل العين معتبره.=.ماقدر العين والخوه ومبداها
كنت أحسب انه صديق وافي شبره.=.يستاهل الروح ودروبن مشيناها
بس أتضح لي خفاه بليلة غبره.=.ياشين بعض الليال وعظم بلواها
جاني جريح الفؤاد وحاقد النبره.=.ماحثته رحمة الباري ولا جاها
طعني بخنجر والله ما خبره.=.الله يجبر عزى العشره بفرقاها
دنقت همي على الأمتان وش كبره.=.وروحي سكاكين ضيق الصدر تبراها
حتى القلم حس فيني وأنهمر حبره.=.والدفتر يعزي ابياتي ويقراها
كل على نيته كل على خبره.=.وبكرة ليا بان وجه الحق تلقاها[/poem]

القصيدة لي و ليش ما انساها لأنها تكرر تفاصيلها تقريبا كل عام

15/سؤال تتمنى لو تسأله أحد الأعضاء في المنتدى لمن وماهو ..

السؤال اتمنى اسألة كل بنت ../

هل الحب في المنتديات للزواج او للمتعه ..؟

16/ من الشخصيه الأدبيه التي من الممكن هي من تشجعك لكتابه الادب بشكل عام ..
ما فيه والله

17/لو سمح لك بتوجيه أنتقاد على اي قصيده توجه .. ولماذا ...

النقد مجال واسع و ما اعتقد ان فيه قصيدة كاملة تخلو من النقد واذا انتقدت بأنتقد للشعر فقط

18/ بعد الخيانة انتهت رغبتي فيك .. و إن كنت تذكرنا ترانا نسيناك
{ وش إحساسك لما يوصلك هذا البيت على جوالك وش راح ترد }


الله لا يجيب الخيانه ههه والله على حسب اذا كنت فعلا انا خاين ما راح ارد اما اذا كنت بريء و مظلوم بـ يكون الرد شافي ان شاء الله


19/ لك وحشه ماهي لغيرك من الناس .. أنت اللي .. بس .. اقدر اسميك غالي ...!!
نبي تحط لنا رد على هذا البيت .. في بيت من اختيارك
نسيت الهوى إلا هواك فإنه =تغلغل في الأعماق و انسـاب فـي دمـي

20/ الطيب أساسك و الفخر للي يماشيك ، و الذوق شخصك ، و يا سعد من هو يخاويك
{ إحساسك لما يوصلك هالبيت وبأي ابيات ترد عليه }

احساسي بالتأكيد سيكون في قمة السعاده ../

سَـلامٌ عَلى الدُّنْيـا إِذَا لَمْ يَكُـنْ بِـهَا**صَـدِيقٌ صَدُوقٌ صَادِقُ الوَعْدِ مُنْصِفَـا



واعذروني على القصور اتمنى كنت خفيف الظل عليكم
تحتي لأنصاتكم

الشاعر الجزل/ ابن مدعث

جد أتحفتنا بجمال أفكارك ومنطلق كلماتك
أستمتعة بقرائة الحوار ولو تمنية أن يكون أطول
أشكرك ع سعة صدرك وعذوبة عباراتك

وشكر موصول لزين كله
دمتم بحفض الرحمن
كنت هنآ...

السلام عليكم

الف شكر لك اختي الزين كله ع حسن الأختيار

في هذا الموضوع تعرفنا عن قرب على شخصيه راائعه لهااا وزنهااا وثقلهااا في المنتدى


أبن مدعث

شكرا لك ع التوااجد المتميز وتمنيااااتي لك في التوفيق