تنسيق محاورة الشاعرين(شامان x صياف)في 13/6/1434هـ

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شامان
ياسلام الله سلامٍ ذاخرٍ شره وخيره=مير لاتستغربون ان جاكم بخيره وشره
قالو ان صياف شاعر من شواعير الجزيره=قلت من تندح هواجيسه شعر لله دره

صياف
ياهلا يامرحبا ترحيب طيب وزين سيره = عادتي لاجيت أرحب بالخصيم الضيف ابره
مير أنا مدري عنك لكن توضحك المسيره = ماوصلني عنك علم ولاتحريت الك جره

شامان
البقا ياللي ترحب عند شيخان العشيره=عادتك زينه ولاتلقى عليها من يشره
صاحبك شامان شاعت سمعته في كل ديره=والله ان له في ميادين الوغا فره وكره

صياف
كان عينك ماتبرق بالصغيره والكبيره = انت مكيالك مايفرق في ثمن قمحه وبره
والنعم من دون حلف وكل سيفن في جفيره = لو حسبت ان الشهر كامل عليك اصيام غره

شامان
ماقصر دون اللزوم الا هل اليمنى القصيره=مير صياف اتحرى شي يمكن مايسره
لو تطبل للشواعير الجماهير الغفيره=ماتحرك بخطل الذرعان لو مثقال ذره

صياف
ماني بناشدك وش عندك وانا عندي بصيره = مير طالع في مقاس الثوب قدامك تزره
اشهدنك كفو والرجال مايجهل مصيره = أدري انك غصت بالاحمر ولاحصلت دره

شامان
مشكلة بعض العرب لو انه يحاسب ضميره=كان يطلع طلعه يعانق بها نجوم المجره
هرجك الله يصلحك هذا لو انك شفت غيره=ابرك من اللي تقوله للعرب مليون مره


صياف
أنت عالج مشكلتك اللي مواريها عسيره = الشعر مانت بفضاه ولاانت في بحره وبره
لو عصرنا لك من اليمون ماتطعس عصيره = أنت ودك في قشر مع حب تاكله وتجره

شامان
الوفا والله ماينفع بالرياجيل الضريره=كنت ابنفع صاحبي صياف ماودي بضره
انت ماتعرف عميلك وش قليله من وفيره=اثبت من طويق يوم طويق ثابت في مقره


صياف
الفتل والنقظ واجب مير لاتبيح السريره = وانت صيفك مع شتاك مخالطن برده وحره
عارفك واسمع عنك وأنت من الناس الشهيره = انته اللي من تحيزم فيك لايمكن تغره

[/poem]

صح الله السنتهم

يستحق القراءه