عديت مرقابا طويﻻ بدالي

قصيدة الشاعر /نشمي زامل عياده الرشيدي

عديت مرقابا طويلا بدالي
في راس عالي مابدالي تعليت
مرقاه لفه وأرتفاعه عدالي
تاخذ براسه ساعتا ماتعفيت
والي تخيلت الديار وطرالي
هليت عبراتا وراهن تناهيت
الي ذكرت مكرمين السبالي
ربعا مواقفهم صعيبه زناتيت
واليوم راحوا مابقا الا الحثالي
تفجروا مثل تفجر دناميت
ضد العصاه ومبعدين المدالي
وعن ضيفهم ماسكروا ثامت البيت
قطاعت الصحراء بليا نعالي
وبدون ساعه يفهمون المواقيت
واليوم وقتنا غروب وزوالي
ورادو وتلفاز الصور والتصاويت
والوقت هذا فيه مرا وحالي
وحلاه امر من الصبر والحﻻتيت
عسى العوض بمشببين العيالي
جيﻻ طلع يحفظ لنا ماضي الصيت

مشكور ويعطيك العافيه