أنا اشهد أن العود ماحدن يدانيه

قصيدة الشاعر /نشمي زامل الرشيدي


أنا أشهد أن العود ماحدن يدانيه
لو مشط اللحيه و زين هذيبه
حده ثلاث أيام و اقل واليه
ويشوف معجزت الزمن والغليبه
حتى الوريع اللي يشوفه يهبيه
إلى بداء راسه مع أقصى الجذيبه
يسمع من اهل البيت ناساً تعاديه
ويقول ماقالوا وهو في مغيبه
أما الولد كل يحبه ويغليه
ولا يسؤلونه ويش شيئاً يجيبه
الى دهن الجبهه وكبرت فناسيه
والفرض مايعرفه ردياً نصيبه
والنوم دايم يشفطه في علابيه
مصلحه عوداً عساالله يثيبه
من كد يده يعلفه مع مواشيه
لين أنتفخ بطبه سوات الربيبه
لا مسته شمساً ولا هم يجزيه
تقل صميلاً نافخته الرويبه
مال البشر يمه احقوق و مشاريه
أمفلساً يشيل عقله بجيبه
أما بعضهم عز منهو تعب فيه
يحفظ احقوق الله ويكرم قريبه
واللي ومره الله بفعله يبديه
الدين وحقوق أثنين المصيبه
والضيف حيث أنه بداله يحييه
ويقريه من ماعطاه جزل الوهيبه
والجار لوأنه ردي مايشانيه
يصد عن فعله و يستر معيبه
ويزور في كل اللوازم عوانيه
ماترك الواجب وياصل نسيبه
حيثا وصل الرحم كلا حكى فيه
ومن يقطعه قالوا له الناس خيبه

صح لسان الشاعر

صح لسان الشاعر

صح لساانك ولاهنت.