صفر خمسه أربعه .. وآخـره خمسـه سبعتيـن!!

[frame="2 80"]دق جوالـي وأحـس القلـب يومـه دق .. دق
صفر خمسهـ أربعهـ .. واخـرة خمسه سبعتيـن
قلت في بالي وش الطاري عسى المحبـوب رق
من ثمان شهور ما يسأل عسى الطـاري حنيـن
المهـم أنـي ذكـرت الله .. وقلـت الله حــق
واضغط الزر المحدد .. سم .. عفوا .. أنت مين؟
قلتها وأنـا أعرفـهـ ميـر الثقـل حـل وسبْـق
قال أنا اللـي متصـل وأرجـوك زيّنهـا تزيـن
قلت (يعني) قال يعنـي شوفنـي ميـت زهْـق
ودي أسولف معك من غير جيـم وغيـر سيـن
قلت تآمر قـال تسلـم وابتـدا كشـف الـورْق
واسمعهـ دق (السبيكر) قلت .. عونـك يامعيـن
قال وش حالك عساك بخير .. قلت الخيـر طـق
من عقب فرقاك يا قاسـي غـدا حالـي حزيـن
قال قلبك وش علومـه .. قلـت قلبـي أحتـرُق
ما قـوا هجـرك ولا بعـدك ولا قهـر السنيـن
قال شعرك .. قلت شعري .. لا ابد طـب وتنْـق
كل خفّاقي قصايد .. مـن يسـار ومـن يميـن
قال كبه .. قلت أكبه .. قـال والمركـب غـرْق
قلت مركب ايش هذا .. قـال طحـت بهالكميـن
ماني بصاحبك بس أرجـوك مـن يسبـق لبْـق
انت اسلوبك عسـل وانفـاس حكيـك ياسميـن
بالغلط دقيـت .. وأحمـد ربـي الـرازق رزْق
والله أعلم انـك مشبـه علـى شخـص ثميـن
قلت لحظه ماهي الدعوه صحـن خبـز ومـرْق
اصبر اصبر خلني أعرف مكـان اللبـس ويـن؟
قمت أراجـع رقمـك الموجـود واشوفـه فـرْق
أنت خمسه سبعتين وذاك سبعه خمستين!!






[/frame]

هههههههههههههه الله يعينك علي بلاويك أنتبه فرق زين ههههه


قصيده جميله كجمالك أخي لافي بداي

لله در هذه الأحرف الماسية

كلمات بلغت الغاية في الروعة
وقلم فاض جمالا فأبهرنا جميعا

شاكر طرحك المميز
وأسلوبك الجميل
وما زلنا بانتظار جديدك

جروحي تنزف أحزاني

أبداع أبو بداي
احب أتمعن بالابيات الصعبه
ولاكن مافيه صعب عليك

سلمت يداك ودمت بخير

ابدااع جميل والله يسلمك ويعطيك العافيه

لاهنت على نقل القصيدة
وصح لسان قايلها