((اكره اثنين )) ثامر شــبيب

قالوا امدح شيخ والا امدح اميـر لجل تكسب مـن مديحـه فايـده

قلت انا في خير واحوالي بخيـر ليه ادوّر شـي مانـي رايـده .؟

ادري ان مال الكبيـر الا الكبيـر الـرجـال تـقـاد والا قـايـده

اكره اثنيـن : المنافـق والحقيـر تستقـل طيـب الرجـال الرايـده

ان مدحت امدح وانا وجهي سفير مدحـتٍ للحـق ماهـي سـايـده

وكانها ماجات من قلب وضميـر مدحتـي ذمـه بحـقـه كـايـده

وش علي ان صاد له طيرٍ يطيـر لاهـو بطيـري ولانـي صايـده

من خلقن الله احب اكـون غيـر ما احـب اكـون حاجـه زايـده

الفقر ماعـذرب اخـلاق الفقيـر في السنيـن الحاضـره والبايـده

في الزمن اشياء تعني لـي كثيـر التمـام الشمـل حـول المـايـده

ومنظر البسمه على الطفل الصغير فـي نهـار العيـد يـوم تعايـده

قلتها وعذري يصير اللي يصيـر كـل راسٍ يرتـخـي لوسـايـده

انتبـه ويـاي للبيـت الاخـيـر اسمعـه منـي ولانـي عـايـده

تدري وش معناة الرجل الحقيـر من يصاحب رجل لجـل الفايـده

القصيدة اسمها اخلاق الفقير مو اكره اثنين

مشكور اخوي سلمان على الطرح


تقبل مروري

مشكووووووووور بلسم الروح على المرور أما بالنسبه
لختلاف الاسم فهو وارد ودائماً يكون التغيير حتى من الشاعر نفسه