فخامة ذوق لا أكثر #

حسبي الله لا إله إلا هو عليه توكلت وهو رب العرش العظيم .

خلها بالقلب وانسى لاتفكر
دام شيٍ راح لاتحسب حسابه

لو هقيت بيوم أن بالك تعكر
هي كذا الدنيا ماهي دايم طلابه

بس لاتنسى بعد هذي تذكر
مايطيق الجرح من ذاق الإصابه

مثل صدمات الرفيق إليا تنكر
خابت الهقوى وخاب باللي هقى به

البخيل اللي قفل بابه وسّكر
ما أظن أن الكريم يطق بابه

ومن جهل فرق المؤنث والمذكر
لاتحرى منه مضمون الإجابه

ومن يسوابه جميل ولاتشّكر
مايعرف المرجله حضرة جنابه

وأنت ياللي جامعٍ بالملح سكر
ضعت مابين التناقض والتشابه

لانظرتك قلت نور الصبح بَكّر
كيف جاء مدري لكن الله جابه

المهم أبيك تنسى لا تفكر
دام شيٍ راح لاتحسب حسابه ..

صباح الخير

كنت احسبك لي حبيتك وعزيتك
واثرك لغيري وانا احسب لي متهيّ

أنت الذي جيت في رجليك ما جيتك
واليوم تبخل عليّ بالصوت وتعيّ !!

الوفاء طبعي ولا احب الوداع
لا توادعني وتتركني حزين

الحزن دايم رفيق مايطاع
كود تضحك له على مر السنين

الشقاء مقسوم والـفرقى ضياع
والدمع سكاب والضحكة ونين

والعمر ماضاع ياها والخداع
كلما غاب القمر عود يبين

لاح في دنياي من عقبك شعاع
والشقاء في الروح بدله الحنين

ودي ارجع لك وجرحي ما استطاع
هلت دموعي على فرقى الضنين

ما اتحمل نظرتك يوم الوداع
ما اتحمل شوفة الدمع الحزين

انت مركب لي وانا وسطه شراع
كيف يبحر وانت من عقبه تشين

مد لي يمناك لا تطري الوداع
بانسى ما قلته على مر السنين ..

مسـاء الخير ..

اجرح فؤادي وعذبني على كيفك
اشبع غرورك وعالج جرحك النازف
للجرح قصة من اخراجك وتأليفك
وانا ادري انك رهين الشك ومجازف