لو الثرى يعلم بـ مقدار واطيه !!

الليل

صح بدنك و لك الشكر الجزيل على اطرائك الجميل ،

تحيتي لك .

الشاعر معيبد الرشيدي
صح لسانك وبيض الله وجهك قصيدة جزله من شاعر جزل
تقبل فائق تحياتي

نــادى عـلـى كــل الـغــلا قـلــت لـبـيـه=لـبـيــه عــــن كــــل الــغــلا بالـنـيـابـة
لا تـزعـجـه بالله يــــا الــلــي تـنـاديــه=اخــشــى عـلـيــه تـكـلـفـه بـالاجــابــة
ناديـت لـك حــي ٍ لــو بـروحـي افـديـه=مــا هــو كثـيـر بـحـق حـضـرة جنـابـه
خـلــه بـحـالـه و الـــذي فـيــه كـافـيـه=مــا قـصــرت ســـود الـلـيـال بـعـذابـه
لـو كنـت مثـلـي مـغـرم و مـيـت ٍ فـيـه=قـريــت حـزنــه بـالـعـيـون و عـتـابــه
لا تسـألـه عــن كـــل شـــي ٍ يـسـويـه=خـلــه عـلــى كـيـفـه يـسـلـي شـبـابــه
لـو كـان مــا بـاقـي لــه الـلـي يسلـيـه=الا حـــروف ٍ تحـتـضـر فـــي غـيـابــه
كتبتهـا مـن عمـق الاحسـاس اناجـيـه=و يـا كـثـر مــا خـانـت قلـمـي الكتـابـة
وشلون اعبر له عن اللي له اخفيه ؟=لــو كـــان بالتعـبـيـر عـنــدي رحـابــة
لــعــل يــفــداه الـقـصـيــد و قـوافــيــه=شعـر ٍ مـا يكتـب فـيـه وش ينبـغـا بــه
لا صـار هـو نبـض القصيـد و معانيـه=و حـب ٍ نشـا وسـط الفـؤاد و ربـا بــه
و هـو الـغـرام الـلـي دلـهـت بروابـيـه=و نـهـر الــوداد الـلـي لـذيـذ ٍ شـرابــه
و هــو اول الـحـب الحقيـقـي و تالـيـه=لـيــن ان جثـمـانـي يــــوارى تــرابــه
مستقـبـل العـمـر المـولـي و مـاضـيـه=و مـن دونــه الدنـيـا ســواة الخـرابـة
الغـالـي الـلـي كـبــر بـعـيـون مغـلـيـه=لـيـن ان غـيـره صــار كـبــر الـذبـابـة
اكـبــر مـــن أحـــد ٍ بعـيـنـي يـسـاويـه=و اكبر من ان أحـد ٍ يجـي لـه مشابـه
وش قـدر ربــات البـهـا لــو تبـاريـه ؟=لـيـا حـضـر مـحـد ٍ بـقـى لـــه مـهـابـة
اشتاق اشوفه و التقـي بـه و احاكيـه=و امشي بـدرب ٍ مـر فيـه و مشـى بـه
لـــو الـثــرى يـعـلـم بـمـقـدار واطـيــه=نبتـت علـى دربــه مــن الــورد غـابـة
و نبـتـت طوالـيـع الـربـيـع بمـواطـيـه=و لـو تنبـع الانـهـار مــا مــن غـرابـة
و لــو ينـكـشـف لـلـيـل خـــد ٍ مغـطـيـه=شـتــت ديـاجـيــره بــنــور ٍ بــــدا بــــه
حـتـى الـبـحـر يـقــدر حبـيـبـي يحـلـيـه=لـو خالـطـه شـهـد ٍ نــزل مــن عـذابـه
جميـل و اجـمـل مــن جمـالـه مبـاديـه=و طبع ٍ عـن الاشيـاء الرديـة رقـا بـه
مــا دام حـبــه وســـط قـلـبـي مـدفـيـه=لو هب برد الشبط مـا احسـب حسابـه
و لو غاب طول العمر ما غاب طاريه=مــن قلـبـي لعـيـنـي ذهـابــه و إيـابــه
الله يـنـسـانـي لــيــا صــــرت نـاسـيــه=حتـى لـو أيّسـت و قطعـت الـرجـا بــه

كلمات / معيبد الرشيدي


صح لسانك اخوي معيبد على القصيده الاكثر من رائعه


قريتها ابي انقي بيت بحيث اقتبسه بالرد
فلم اجد اجمل بيت لاني وجدتها جميعها تفوووق صورة الجمال

تقبل مروري اخوي

وانا من معجبي طرحك وقلمك
تقبل مروري

اقتباس : المشاركة الأصلية كتبت بواسطة معيبد الرشيدي [ مشاهدة المشاركة ] [poem=font="simplified arabic,6,white,bold,normal" bkcolor="transparent" bkimage="backgrounds/22.gif" border="double,4,black" type=0 line=0 align=center use=ex num="0,black""]
نادى على كل الغلا قلت لبيه=لبيه عن كل الغلا بالنيابة
لا تزعجه بالله يا اللي تناديه=اخشى عليه تكلفه بالاجابة
ناديت لك حي ٍ لو بروحي افديه=ما هو كثير بحق حضرة جنابه
خله بحاله و الذي فيه كافيه=ما قصرت سود الليال بعذابه
لو كنت مثلي مغرم و ميت ٍ فيه=قريت حزنه بالعيون و عتابه
لا تسأله عن كل شي ٍ يسويه=خله على كيفه يسلي شبابه
لو كان ما باقي له اللي يسليه=الا حروف ٍ تحتضر في غيابه
كتبتها من عمق الاحساس اناجيه=و يا كثر ما خانت قلمي الكتابة
وشلون اعبر له عن اللي له اخفيه ؟=لو كان بالتعبير عندي رحابة
لعل يفداه القصيد و قوافيه=شعر ٍ ما يكتب فيه وش ينبغا به
لا صار هو نبض القصيد و معانيه=و حب ٍ نشا وسط الفؤاد و ربا به
و هو الغرام اللي دلهت بروابيه=و نهر الوداد اللي لذيذ ٍ شرابه
و هو اول الحب الحقيقي و تاليه=لين ان جثماني يوارى ترابه
مستقبل العمر المولي و ماضيه=و من دونه الدنيا سواة الخرابة
الغالي اللي كبر بعيون مغليه=لين ان غيره صار كبر الذبابة
اكبر من أحد ٍ بعيني يساويه=و اكبر من ان أحد ٍ يجي له مشابه
وش قدر ربات البها لو تباريه ؟=ليا حضر محد ٍ بقى له مهابة
اشتاق اشوفه و التقي به و احاكيه=و امشي بدرب ٍ مر فيه و مشى به
لو الثرى يعلم بمقدار واطيه=نبتت على دربه من الورد غابة
و نبتت طواليع الربيع بمواطيه=و لو تنبع الانهار ما من غرابة
و لو ينكشف لليل خد ٍ مغطيه=شتت دياجيره بنور ٍ بدا به
حتى البحر يقدر حبيبي يحليه=لو خالطه شهد ٍ نزل من عذابه
جميل و اجمل من جماله مباديه=و طبع ٍ عن الاشياء الردية رقا به
ما دام حبه وسط قلبي مدفيه=لو هب برد الشبط ما احسب حسابه
و لو غاب طول العمر ما غاب طاريه=من قلبي لعيني ذهابه و إيابه
الله ينساني ليا صرت ناسيه=حتى لو أيّـست و قطعت الرجا به
[/poem]

كلمات / معيبد الرشيدي

معيبد
الو الحرف ينطق اجاب بانك الالهام الوجداني له
عشقت الحرف فعشقك ولن يخذلك
قصيده لها رونقها وعلى القافيه التي ينبغي وصفها بالقمه
==========================
انا متابع لكل شاعر
فلن والله اجامل
اعطي كل ذي حقا حقه في الكلمه
التي احس بها
فلك كل الود

عيد حيان

صح بدنك ، شكرا على المرور الجميل ،
لا هنت ،


تقبل تحيتي .

نـbــع آلـوfـــأء

صح بدنك ، و شاكر لك مرورك المتميز و اطرائك الجميل ،
لا هنت يا الغالي ،

لك أعذب تحية .

الساطي

لك مني جزيل الشكر على ما سطرت من الاطراء الجميل ،
شهادة اعتز بها من شخصك الكريم ،
أسعدني مرورك و لا هنت يا الغالي ،

تقبل مني أرق التحايا .