(ِِِِرســــــائـل البدر ِِِِِ)

آآه ... من ليل التجافي ... ماأطوله
ليلة العاشق ... ثوانيها ليال
من يقول الشمس باكر مقبله
كل شمسٍ مالها وجهك ....ظلال
بسألك باللي خذى منك الوله
وحطه اف صدري ... واعطاك الجمال
حاكني ... لجل الليالي ...الآوله
آه انا بموت من ذل ... السوآل
هو صحيح انك حبيبي اللي دله
واستوى ... عندك فراقي ... والوصال
كل جرحٍ غير ... جرحك بقبله
وكل ظلم ٍ ...غير ظلمك لي ... عدال

ودي اختار.. الليله درب ..

ما تعرفه ..

ودي اجلس في مكان ..

ما يذكرني بصدفه ..

أو وعد ..

ودي أحكي يا حبيبي .. مع احد ..

غيرك احد ..

لجل النهار .. وحريتي ..

اعطيني .. لحظة اختيار ..

وحدي وغديت أنت الزحام ..

وحدي أبد .. وانت الكلام ..

نورك وما غيره .. ظلام ..

عذب الحروف .. طاغي الطيوف ..

أبعد عن عيوني .. بااشوف ..

لجل النهار .. وحريتي ..

اعطيني .. لحظة اختيار ..

ابي درب .. مايوصلني لدارك ..

ابي وعد .. ماحتمل فيه انتظارك ..

وابي ليل .. مايجي بعده نهارك ..

ودي ادري .. هي حياتي ..

اختياري .. أو اختيارك ..

ودي انسى .. ليله وعدك .. أنسى وعدك .. ماأجيك ..

وش يضرك .. لواخونك .. مره واختارك عليك

يقول ) :- عينـك حزنها يرسم الياس

.............. يا صاحبي صاحبّك ما اظن له { طب }





فيني شتات أشواق , مع ضجّة*




احساس




.............. لكن قسم بالله .. مـدري من { آحب } .!

ما تغير شي


ما تغير شي
الليل هو الليل
و الضي نفس الضي
من درا بجروحي؟!
او فراقي لروحي؟!
احبسي دموعك عيوني
و اضحكي .. و انسي
ما تغير شي!

شوفي انوار المدينه
ناظري كثر الزحام
اهـ يا عيوني الحزينه
مرت الفرقى بسلام
كنت اظن الكون يوقف لافترقنا
ما درا حنا كرهنا .. او عشقنا
احبسي دموعك عيوني
و اضحكي .. و انسي
ما تغير شي!

كنت اظن الحب اجمل
من سهاده من نحول
ماهو وردة حب تذبل
لما تتغير فصول
في وداعك كنت محتاره و حزينه
خايفه ابكي و تبكي هالمدينه
احبسي دموعك عيوني
و اضحكي .. و انسي
ما تغير شي!

يا ممنى حياتي ..بالسحاب :
وين غيث المحبه .. ما هما..?
اجدبت بالحشا..
[أرض العذاب]

واشتكت من تجافيك السما..!
- كيف ترضى عليّ .. طول الغياب..?!
وانت حبك جرى مجرى الدما..!

ياللي أغلى من سنيني :/
[ناظريني]
لين تحسدني العيون ..
وإن حكوا حسادي فيني !
وقالوا :- إنك تعشقيني..!
آه يا محلا السوالف والظنون..!
ليتهم ما يسكتون.
ليتهم ما يسكتون.

لا من غديتي شمس.. وشلون اعذلك
لابد ما يظهر مع طلتك نور
ما الومهم لو لدت عيونهم لك
من ناظرك يا ربة الحسن معذور
تلطفي وان كحل التيه نجلك
وتواضعي لو بك غدى الحسن مغرور
أغار لو بالزين قد ذكر مثلك
وأغار لو غيري سبقني لك شعور
لا صار لي قلبك.. وروحك.. ووصلك
لا قافلٍ بابٍ.. ولا بانيٍٍ سور





العمر أحبك


لليل احبك ما بقى في السما نور
والى ضواني الليل.. لصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله ما به غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. ما بقى فيني شعور
والى جفاني العمر .. وشلون أحبك





سوالف رحلتي


عن حبك رحلت..
ولحبك وصلت..
وهذي سوالف رحلتي..
سافرت.. في كل التراب
سافرت.. لديار السحاب
وهربت من ليل اللقاء .. وسهر الغياب
وأنتي بداية رحلتي وكنتي النهايه..
ودعتك وغصب علي خذتك معايه..

يا طول هالرحله.. لو هي المسافه والزمن
يا قصر هالرحله.. سافرت من جرح الشجن
يا طولها.. يا قصرها

تصوري إني نسيت
بس الأكيد إني بكيت
لين الدموع تكدست.. أوراق
عن حبك رحلت
ولحبك وصلت
وهذي سوالف رحلتي





العمر أحبك


لليل احبك ما بقى في السما نور
والى ضواني الليل.. للصبح أحبك
واللحظة اللي كلها عند وغرور
أشوف قبري بين عينك.. وقلبك
في صدري سراجٍٍ حزينٍٍ.. ومكسور
رغم المطر والريح.. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك.. مابقى فيني شعور
والى جفاني العمر.. وشلون أحبك





القاع والمسافة


انا احبك ما بها زيف وخداع

رغم الذي نخفيه.. واللي نخافه

أودعك.. ليت الألم لحظة اوداع
إلى مضت.. ننسى الألم والحسافه

وأفارقك.. لو السفر.. يم وشراع
وبعد الفراق.. اللي نوده نعافه

لا صار ما في البعد راحه لملتاع
بالله وش نفع التعب والكلافه

من الجفا والصد.. يكفيني اذراع
لا جف نهر الحب ماتت اضفافه

املي يدك رمل وترى هذي القاع
ومدي النظر.. تدرين وش هي المسافه





ما ابيه


عذبيه.. إسعديه..
داوي قلبي واجرحيه..
واللي ما مثله ابد.. مثلي ما حبك احد
ولو رضي قلبي بغيرك..
ما أبيه .. ما أبيه

تملكيني لوبـ غيتي .. تملكيني لو رفضتي
تسحريني لو حكيتي .. تسحريني لو سكتي
أنا نجمه في مدار ك ..
ضي عيني من نهارك ..
وانتي قلبي واللي فيه
لو رضي قلبي بغيرك ما أبيه..

انتي اغلى من هجرني .. وانتي اجمل من يغيب ..
والله لو بعدك قهرني .. ما أبي غيرك حبيب ..
سافري والقلب دارك ..
راضي بـ ثلجك ونارك ..
حبي قلبي واكرهيه ..
لو رضي قلبي بغيرك.. ما أبيه

أنا أحبك لا تخافي .. الا قلبك لو هواني ..
هذا ضعفي واعترافي .. بس ما ارضى هواني ..
ابعدي هذا قرارك ...
ماني سجنك أو حصارك ...
روحي سوِّى اللي تبيه ...
لو رضي قلبي بغيرك .. ما أبيه
واللي ما مثله أبد .. مثلي ما حبك احد





كفاك غرور


صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..

انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور





سوالف رحلتي


عن حبك رحلت..
ولحبك وصلت..
وهذي سوالف رحلتي..
سافرت.. في كل التراب
سافرت.. لديار السحاب
وهربت من ليل اللقاء.. وسهر الغياب
وأنتي بداية رحلتي وكنتي النهايه..
ودعتك وغصب علي خذتك معايه..

يا طول هالرحله.. لو هي المسافه والزمن
يا قصر هالرحله.. سافرت من جرح الشجن
يا طولها.. يا قصرها

تصوري إني نسيت
بس الأكيد إني بكيت
لين الدموع تكدست.. أوراق
عن حبك رحلت
ولحبك وصلت
وهذي سوالف رحلتي





السهر والخوف


نبي.. نطفي قمرنا..
لو يعذبنا السهر.. والخوف..
نبي ننثر قهرنا.. يا حبايبنا..
على مد النظر.. والشوف..
نبي ننزع من أعماق الحشا سكين..
نبي ننزف حنان العاشق المسكين..
ونجرح في سواد العين.. صورنا..
ونبي نطفي قمرنا..
سامحينا يالمحبة.. لو جرحنا وانجرحنا..
س امحينا لو نسينا.. في الهوى ضحكة فرحنا..
وآه يالنصل الحرير..
ياهوى القلب الضرير..
يالجروح اللي مضت.. واللي بتصير..
نبي ننزع من أعماق الحشا سكين..
نبي ننزف حنان العاشق المسكين..
ونجرح في سواد العين.. صورنا..
ونبي نطفي قمرنا..





ناعم يا ندى


ناعم يا ندى في ليل الربيع
يا عمر .. ابتدا وخايف يضيع
نعومة كلام بتمحي الألم..
وبسمة سلام تخلي العدم..
جناين محبه.. وخضرة مروج
ومركب ومويه.. ونسمه وموج

قابلتك في حلم واماني رقيقه
وضمك خيالي.. يا وهم الحقيقه
خذتنا الليالي.. في رحلة حنين
نسينا الليالي وعمر السنين ..
وعشنا فـ محبه.. وخضرة مروج
ومركب ومويه ونسمه وموج

حبيبي.. أببكي أبضحك باذوب
وأذوب في حبي جميع القلوب
أحبك لآخر مدى في حياتي
أحبك في همسي.. وكلامي وسكاتي
أحبك محبه.. وخضرة مروج..
ومركب ومويه.. ونسمه وموج..





مزهريه


لا إنتي وردة.. ولا قلبي مزهرية من خزف
صدفه وحده جمعتنّا.. شوفي وشلون الصدف
التقينا في مدينه.. وفرقتنا الف ميناء
اغفري للريح.. والموج.. والسفينة
كانت الرحلة حزينة.. للاسف
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لا أخاف ولا أضيع.. ولا أفارق
ويش اقول غير إني آسف ويش اقول
انا خانتني العواصف والفصول
آه.. ياتعب المسافر
في أراضي الجرح و في بحر المحاجر
ما لهذا الحزن آخر.. او لهذا الجرح آخر
يا شمسي الأخيرة.. في اللحظة الأخيرة
أنا.. لي كلمة أخيرة
إغفري لي إبتسامي.. قبل جرحي
حاولي تنسي كلامي.. قبل صمتي
ولو زعلتي.. يا أعز الناس إنتي




المرايا


كلنا عشاق لكن..
إنتي لا ما انتي معايا..
لما تجمعنا الأماكن
تاخذك مني المرايا ..
انتي مشغوله بروحك
ما ملك عقلك وروحك
لا أنا.. ولا سوايا
اعطي ظهرك للمرايا.. وشوفي غيرك
اظهري من ليل كحلك ومن أساورك وحريرك
افتحي الشباك مره.. شوفي الناس والشوارع
وش كثر هالغربه مره.. للي وسط الزحمه ضايع
انتي مشغوله بروحك.. ما ملك عقلك وروحك
لا أنا.. ولا سوايا
كلنا عشاق لكن
كل واحد له حكايه..
كلنا عشاق لكن
كلنا نحبك.. نحبك
وأنتي جرحك في ساكن.. وأنا جرحي برا قلبك
أمشي لو نصف المسافة.. وقفي بينك وبيني
أكسري كل المرايا.. أنتي أجمل وسط عيني
يا للي مشغولة بروحك من خذا قلبك وروحك
هو أنا.. ولا سوايا
كلنا عشاق لكن
كل واحد له حكاية





السراب


قال السراب وقلت ظامي لسـرابه
قال الهلاك وقلت لعيون الاحباب

يا لايمي في حب متـرف شـبابه
الموت حق ولاتبـرق بالاسباب

كانه ذبحني صـاحبي من عـذابه
ما ابي لدمي يا هل اللـوم طلاب

الـجادل اللي فيه زيـن ومهابه
يفز له قلبٍ .. وتخضع له أرقاب

في حجر عينة لي غديـر وسحابه
وفي وسط قلبي له تناهيت وعتاب

إن قلت أحبه يكفي القلب مـا به
وان قلت أنا مابيه ..باصير كذاب





لا تقول


لا تقول ودعتني داري
بالحيل مالي عليك عتاب
مريت في موعدك ساري
وقفت لين النجم ما غاب
الليل تحت الشجر عاري
والفجر غطي السما بثياب
والريح في كفوفها الذاري
تدفن ارسوم الوعد بتراب
مريت ماللوله طاري
ووقفت ما للندم اسباب
مدري تعودت مشواري
أو خان بي قلبي الكذاب





ليل البعاد


ما أطولك ليل..
ليل البعاد.. والإنتظار..
ما اطولك ليل..
سارق من عيون النهار..
ناسي زمانك..
زمانك.. يا شجوني..
عارف مكانك..
مكانك.. في عيوني..
يا ليل.. يا ليل..
يا ليل أنا ربعي هناك..
وداري ورا الدمعه.. وراك..
الله على شمس الأصيل..
من ضيها مثل الذهب..
الله على سمرا تقول..
الى متى الفرقا.. تطول..
في صوتها.. شوق وعتب..
ما أطولك ليل.. ما اطولك..
طال .. طال بي وجد..
قلبي يا هواي..
يا دفا نجد..
في عيون الصبايا..
ليتني نسمه.. على عالي عسير..
أو على جده.. على الشط الحرير..
ليتني نفحة أريج.. عطرت ريح الشمال..
يا ليتني موجة خليج .. ترتمي فوق الرمال..
ما أطولك ليل.. ما اطولك..


مدري
مدري ويش اقول
انت حبيب ولّا عذول
صبري تقابله بجفا
تهجر وانا كلي وفا
و مدري
ويش اقول مدري
حيرتني
وقلت الليالي تغيرت
غيرتني
وما غيّر بطبعك زمان
ولا بدّل القسوة بحنان
صبري تقابله بجفا
تهجر وانا كلي وفا
و مدري
ويش اقول مدري
وقفت والدنيا تمر
تاخذ من ايامي عمر
مليت
من همسك
متى؟!
ياليت
ياشمس الشتا
تشرق على عمري
دفا
وصبري تجازيه وفا
ومدري
ويش اقول مدري




على الميهاف
على اخر تراب الأرض
أحس أن المسافة شبر
واحلام الليالي صبر
و كل الأرض .. ما تحمل تعب مشوار
أحس إني .. رغم صغري .. ثواني عمر في صدري
ندم .. ندم ندم .. ندم جبّار .. على اخر تراب الأرض
تصورتك عذاب الناس .. دموع الناس .. وحقد الناس
في عيونك .. تخوني النّاس وتخونك
ولا ادري ليه تصورتك .. ولا ادري ليه تصورتك ..
زحام .. زحام .. في شامة ليلي
على خد السما الزرقا .. احد نازل واحد يرقى
واحد مثلك في وسط الناس
يداري عن عيوني الناس
الم .. الم .. الم جبار
ياليت لا كانت لي عيونك ارض
ولا عمري .. ولا عمري وقفت في يوم
على اخر تراب الأرض
ومن مثلك .. يخاف من البلل والطين
يحس إن الثرى قاسي
يحس ان المطر سكين
يقول إن اللذي يضحك
يقول إن اللذي يشكي
يقول إن اللذي يبكي لأحد مسكين
تصورتك ولا ادري ليه .. ولا ضنك بعد تدرين
يا انتي .. يا انتي .. يااا انتي
أحس أن المسافة شبر
واحلام الليالي صبر
و كل الأرض .. ما تحمل تعب مشوار
أحس إني .. رغم صغري .. ثواني عمر في صدري
ندم .. ندم ندم .. ندم جبّار .. على اخر تراب الأرض



سافروا ولا ودعوا

سافرو ولا ودعو سسيبوني وراحو ... سيبوني للنوى انكوى بجراحو
سافرو اااااه يازمن طولو في الغيبه ... بسماتي صارت شجن خطواتي تغريبه
عذبو قلبي انا عذبو قلبي انا ...في الهوى مارتاحو سافرو ولا ودعو
غيبي يانجمة سهر عن سواد عيوني ... وغيبي لو غاب القمر صحباتي نسيوني
وليلي من بعد الهنا وليلي من بعد الهنا ...ضيعو افراحو وسافرو ولا ودعو


انا احبك

انا احبك مابها زيف وخداع
رغم الذي نخفيه واللي نخافه
أودعك ليت الألم لحظة اوداع
إلى مضت ننسى الألم والحسافه

وأفارقك لوالسفر يم وشراع
وبعد الفراق اللي نوده نعافه
اي واللذي خلالي عيونك وساع
بدونك تصير الارض ضيق وكسافه

وافارقك كان السفر يم وشراع
عقب الفراق اللي نحبه نعافه
اي واللذي خلالي عيونك وساع
بدونك تصير الارض ضيق وكسافه

من الجفا والصد يكفيني اذراع
لا جف نهر الحب ماتت اضفافه
املي يدك رمل وترى هذي القاع
ومدي النظر تدرين وش هي المسافه



كلهم راحوا

كلهم راحوا ... ليه انتظرتي
كلهم غابوا ... وانتي ظهرتي
يااجمل من الفجر اللي لاح
لا مـــا بـقــا كثـــر اللي راح
تاخر الوقت ... حبيبتي روحي
مادام به وقت ... حبيبتي روحي
كلهم راحوا
الليله برد ... وفي الطريق جبال
ارسي عيوني فوق كتفك شال
واسري امان الليل ... يااخر امل قنديل
يضوي عتم روحي
تاخر الوقت ... حبيبتي روحي
مادام به وقت ... حبيبتي روحي
كلهم راحوا
ماهو بيدي هذا الضياع
تعبت انا لا ادلهم
راحوا بلا كلمة وداع
راحوا نسوني كلهم
ارجوك لاتترددي ... كانك تحبيني ابعدي
روحي قبل لا اقول ... لا تفارقيني
تاخر الوقت حبيبتي روحي ... مادام به وقت حبيبتي روحي
كلهم راحـــــــوا



مـا أبـيـه

عذبيه.. إسعديه.. داوي قلبي وجرحيه
واللي ما مثله ابد.. ما حبك احد
لو رضي قلبي بغيرك.. ما أبيه..
ما أبيه

تملكيني لوب غيتي
وتملكيني لو رفضتي
وتسحريني لو حكيتي
وتسحريني لو سكتي
أنا نجمه في مدار
ضي عيني من نهارك
انتي قلبي واللي فيه
لو رضي قلبي بغيرك ما أبيه..
ما أبيه

انتي اغلى من هجرني
وانتي اجمل ما يغيب
والله لو بعدك قهرني
ما أبي غيرك حبيب
سافري والقلي دارك
راضي بثلجك ونارك
حبي قلبي واكرهيه
لو رضي قلبي بغيرك.. ما أبيه
أنا أحبك لا تخافي
الا قلبك لو هواني
هذا ضعفي واعترافي
بس ما ارضى هواني
ابعدي هذا قرارك

ماني سجنك أو حصارك
روحي سوِّى اللي تبيه
لو رضي قلبي بغيرك.. ما أبيه
واللي ما مثله أبد مثلي ماحبك احد