ღ☆.. معـــــآآ لنرتقــي ..ღ☆

سعد ..

يمكن ما اكون متواجد هنا ..

لكن تاكد اني متابع مدونتك أول في أول ..

تابعتها من خلف الكواليس ..

و حبيت اقولك هالشيء ..

و ما أظن فيه شخص يعيد قرائتها مرتين مثل ما اسوي ..

منقول أو مو منقول .. أعتاااار اختيارك للموضوع فن حلووو ..

انت تجيده .. و الله يووفقك يارب و يسهل لك دربك ...

و يرفع شانك .. و يزوجك .. << ركز على أخر وحده ..

الله يجمعنا علي خير ..

و تري لقينا سياره ..

تحياتي لك ..

حـــــكيم
حياكـ آلله ,, و ياهلا ومرحبا فيكـ ,,
شرفتني في وجودكـ ومتابعتك الدائمه .

آبو عبدآلرحمن
حيـآكـ آلله ,, وآهلا وسهلا بهذه الاطلاله الرائعه ..
تشرفت بكـ كثيرا ,, وتشرفت بإطراءكـ الاكثر من رائع ..
اسعدني جدا حضورك ومروركـ المميز .

فيصل
ياهلا ,, ياهلا والف هلا ..
يالله انك تحييه ,, الساعه المباركه اللي شفناك فيهاا ..
شرفتني يالغالي ,, وكلامك اسعدني ويدفعني لتقديم الافضل ,, رغم اني ماكنت اتوقع انها تضل على ماهي عليه الان ,, لكن القادم اجمل باذن الله ..

اخر دعوه ..
هذي لحالها طال عمرك ,,ولاتوصي حريص هذي مركزين عليها كثير ,, وهااليومين بزياااده ..

اخيرا ,, مبرووكـ ,, واعذرنا ع القصوووور ..
لاحرمنا الله تواجدكـ .

آحب الصالحين ولست منهم . .. . لعلي أن أنال بهم شفاعة
وآآكره من تجارته المعاصي . .. . ولو كنا سوياً في البضاعة

إذا فهمت تفاوت الناس في العقل والدين ,, فعليك قبل الصداقة أن تبحث عمن تريد صداقته وإخاءه ,, فإذا حصلت على من ترضاه دينا وعقلا ً وأدبا فألزمه :
إبلُ الرجال إذا اردت إخاءهم . .. . وتوسَّمن أمورهم وتفقَّد ِ
فإذا رأيت آخآآ العفافة والنهى . .. . فبه اليدين قرير عين فأشددِ

حسن الظن

في يوم من الاياااام قرروا طلاب الحلقه انهم يطلعون في الاستراحه مع مدرس الحلقه ,, بعد ماوصلوا الاستراحه وكان الوقت بعد صلاة العصرر ,, وكان الوقت بين العصر والمغرب وقت مفتووح اللي يلعب يلعب ,, واللي يسبح يسبح ,, واللي يزين القهوة والشااي .. وبعد صلاة المغرب وكالمعتاد وقت القهوة وجلسه جماعيه وسواليف ,, انتهى المغرب وبعد صلاة العشاء بدأ الشباب يغيرون ملابسهم لانهم بيلعبون كووره ,, وطبعا المدرس ومعه اثنين جلسوا ولاهم ناوين يلعبووون ,, بالوقت اللي يفرقون فيه الشباااب كان فيه واحد ناااقص وهو اللي راح يكون بطل القصه ,, طبعا هذا ابو الشباااب كان جالس مع المدرس وبعض الشباااب ومعه جوااال زميله يطقطق فيه !! .. قال له المدرس يافلان وراك ماتعلب ؟؟ قال والله اليوم مالي خلق كووره ,, طبعا لمن بدا اللعب وابو الشباااب جالس حس انه عيب انه يجلس عند المدرس ويناظر بالجوااال .. فقال مالي الا اني اروح لم الغرفه الثانيه واقلب على كيفي .. (( السالفه ومافيها انه جوال الباندا اول مانزل كان غريب وفخم شوي وفيه مزايا ولاهو منتشر فلذلك يشد الشخص وخااصه انه اول جوال من نوعه )) ..ابو الشباب الله يجزاه خير ضحى بالكووره من شااان انه يناظر الجواال ولو نص ساعه وخاصه ان الشباب ماسكين دوور من العصر .. طبعا طقطق بالجوااال لحد مامل .. بعد مامل نزل الجوال في ثوووب صاحب الجوااال ورجع للمدرس واثنين معه وكمل السواليف معهم .. جااء العشااء وارجعم الشباااب وبدلو ملابسهم وكانوا متجهزين للعشاء .. بهالاثناء كانت الصدمه الكبرى ..(( واحد من الشبااااب مسروووق جواله !!!! ) .. مين مين ,,, قالوا فلاان اللي هو صاحب الباااندا !! .. مباااشره قام ابو الشباااب اللي كان يلعب بالجواااال وقال لطفك ياااااارب وش ذا النكبه !! .. قال المدرس ياشباااب لااحد يدخل الغرف الان نبي نتعشى وبعد العشاء يكون خيررر ..
وجلسوا ع العشاء وكان صاحب الجوال متضايق وكان خوينا متضايق اكثر ولاتعشى ..
خلص العشااااء وقال المدرس ياشباب كلكم تعالوااا هناا في الملعب ولااحد يتحرك ... وانت يااافلان (( اللي هو كان يطقطق بالجوال )) وانت يافلان (( اللي كان جالس مع المدرس )) كلكم روحوا لم غرفة الملابس وفتشم كل الملابس!! .. طبعا زميلنااا ماهو قادر يتمالك نفسه وهم في وادي وهو في واادي لان وضعه خطير جدااا .. المهم انهم فتشواا ولاحصلوا شيء ,,, مباااشره خوينا راح لم صاحب الجواااال وقال يفلان تعال ابيك : قال امر ,, قال يفلان انا والله بموقف مايعلم فيه الا الله ,, انت يفلان عطيتني جوالك وجلست ورحت لم الغرفه الثانيه ولعبت بالجواااال ونزلته في ثوووبك ورجعت لابو محمد وجلست عندهم ,, يااافلان التهمه مليون بالميه علي ,,, وراح اعذر اي واحد يوجه لي التهمه وانا ماني قادر ازين شيء ... ضحك خويه وقااال الله يهديك بس ,, انت مهبووول ,, يافلاااااان والله العظيم والله العظيم ان ماهو انت اللي سرقت الجوااااال !!! .. انصدم خوينا وبنفس الوقت شوي ويطير من الفرح ,, وقال ليش انت كيف حلفت .. قال يافلان انا اعرفك وعيب تقول عن نفسك هالكلام ... قلت طيب مين اللي سااارق الجوااااال ,, قااال الله اعلم ماراح اظلم احد لكن انت ريح نفسك ولاتحسب اني ولاواحد بالميه شاااك فيك ,, قبل هلاكلام خوينا راح لم واحد ثاني وقاله عن كل السااالفه ,, قاله لا ابد انت ماتسويها وبعدين هو ماراح يشك ابد فيك ,, قال لكن الموقف اللي انا فيه يعذره انه يشك فيني ,,, قال لا ابد توكل على الله ولاتوسوس ..
طبعا كانت الخطوووه اللي بعد تفتيش الملابس ان كل الشبااااب يمشون مسيره وحده لعل وعسى انه يسقط بيد احدهم ..
مشوا الشباااب وكل واحد يدور بطريقته .. وبعد دقائق معدوووده سمعوا صوووت (( لقينااااا الجواااااال )) ..
اللي حصل ع الجواااال واحد جديد توه مسجل بالحلقه واول مره يطلع معهم ,, وكان الجوااال مقفل ومكان وجوده تحت جدار الاستراحه مباااشره ..
كانوا الشباب كلهم ماارتاحوا لهذا الولد اللي معهم وكانت اخلاقه غير عن كل الشباااب ..
انتهى اليوم وكل واحد راح لبيته ,, وكان زميلنا هذا متضايق لابعد الحدوووود وكان يقول في نفسه يمكن زميلي شاك فيني لكن ماوده يظهر لي الشكوووك وكان ايضا يقوول وش يقولون عني الشباااب وكلهم يعرفوون اني تخلفت عن لعب الكوره اللي كنت مستحيل اخليهاا واخذ الجوااال وبعدها ينسرق ؟؟!! .. وكان ايضا يفكر في مدرس الحلقه ويقول اكيد هو شااك فيني بعد ... وكان هو عاذر اي واحد يشك فيه لان موقفه صعب صعب جداااا .. واي احد شك او راح يشك فيه اكيد راح يعذره لان الله سبحانه هو من وضعه بهذا الموقف ,,
كان طوال الخميس والجمعه يدعي الله انه يفرج عنه هذه البلوى التي ابتلي فيهاا وهذه الوساوس والضيقه التي تراوده ,, كان خوينا ماوده يروح للحلقه يوم السبت من الضيقه اللي فيه وكان يقول انا لو ماجيت خلاص اكيد الشكوك راح تكون يقين اني سارق الجواااال ..
جاء يوم السبت وراح للحلقه وتجمعوا الشبااب وسمعوا الاوجه التي حفظوها وجلسوا بعد ذلك كل واحد لوحده يرااجع .. بعد نصف ساعه تجمعوا الشباااب عند مدرس الحلقه ودخل واحد ع المدرس وعطاه ورقه وكانوا كل الشبااب يشوفون الموووقف ,, ودخل الولد وسلم ع المدرس وقاله انا اخو فلان (( اللي هو جديد ع الحلقه )) وهذي ورقه من فلان من المستشفى ويعتذر عن الحضور لانه دخلت زجاجه في رجله وهو الان مايقدر يتحرك !!! .. قال الولد ويقول انه الاسبوع الجاي راح يحضر ... قال المدرس سلم على اخوك ومايشوف شر .. لكن قله لاعاد يجي للحلقه لاني ماراح اقبله طالب عندي !! ..
طبعا كانت كلمه قاسيه لكن المدرس كان يمكن له مقصد فيهاااا .. وقالو الشباااب وراك عليه يابو محمد ,,, قال الادمي هذا مااارتحت له ابد واخرها يوم نطلع للاستراحه ..
راحت الايام وفعلا ماجاء هذا الطالب لم الحلقه وانتهت السالفه .

وقفات

الوقفه الاولى : موقف عظيم من اصحاب هذا الشاب وقوفهم معه وكانوا متاكدين انه ماسرق الجوال مع انه موقفه يدل على انه السارق .

الوقفه الثانيه : زميلنا وقع في خطأا انه ماراح وكلم المدرس ,, فقط اكتفى بصاحب الجوال ,,, لكن لو انه ذهب للمدرس وشرح له الموقف راح يرتاح هو شخصيا وراح يبرر موقفه من الجوال .

الوقفه الثالثه : المدرس لمن قال لزميلنا رح دور بالملابس يمكن كانت اشاره اني عارف انه ماهو انت السارق رغم ان موقفك يدل على السرقه .


احبتي
احيانا تحصل مواقف تجعلنا نسيء الظن وهي مواقف لاتتعدى كونها مواقف بسيطه جدا ولايمكن الاستشهاد بهاا .. فقط تخولنا انفسنا بان هذا فعل كذا وكذا وهي مجرد اوهااام .. وبهذا نجني سوء الظن وايضا قد نخسر الاخرين بمجرد اننا فقط تسرعنا في الحكم عليهم .

اضرب لكم مثال وهو من اروع الامثله التي تجعلنا دائما نحسن الظن بالاخرين وهي حادثة الافك التي حصلت لام المؤمنين عائشه عليها السلام .. وكيف ان الدنيا قد ضاقت بهااا .. هذا الموقف انقسم الناس فيه الى ثلاثة اقساام .. القسم الاول فقد فرح فرحا شديدا بهذا الموقف وقال نعم عائشه فعلت كذا وكذا ..
القسم الثاني لزم الصمت فهو اما الامرين امام موقف يصعب التشكيك فيه وامام طهر عائشه عليها السلام ..
القسم الثالث لم يفكر مجرد التفكير بسوء ظنه بعائشه عليها السلام .. وكانوا يقولون لهاا ,, لاعليك ياام المؤمنين فان الله سبحانه وتعالى لن يخذلك وسوف ينزل بكِ ايه تبرئك ان شاءالله .. فتقول عائشه ومن انا حتى تنزل بي ايه ,, وفعلا نزلت الايه الكريمه التي برأت عائشه وخذلت المنافقين .
;
;
عليك يا ذا الجلال معتمدي . .. . طوبى لمن كنت أنت مولاهُ
طوبى من بات خائفا وجلاُ . .. . يشكوإلى ذي الجلال بلواهُ