ِِ مقــهى البـوح الشـعري ..،، تفضل أرتشف قهوتك ..ِِ.

يسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي*

يسولف لي عن الضيقه وأنا عنوان للحرمان
دخيلك لا دخيل الجـرح لا تكشـف معاناتـي*

دخيلك لا تشجعني أسولف وأكسـر الكتمـان
،
تعبت من السكوت اللي تعود يسكـن بذاتـي*


*

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي*

حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي*

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي*

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي*

طريقي صعب وجروحي كثير وداخلي ضميان
أبي لو يـوم واحـد أحـاول أجمـع شتاتـي*


أنا قصه تبعثرت وتطايـرت بزمـن خـوان
تعلمت أخسر البسمه وأداري عضـة شفاتـي*

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي*

أكمل لك عن الضيقه اكمل لك عن الأحـزان
تأكد لو بكمل لك تصيـح وتطلـب سكاتـي.

انا في خاطري حاجه و لا ادري ويش ابي بالضبط
و لاني قادر اكتمها و لاني قادر ابديها

متاهة داخل اعماقي بحر حيرة بليا شط
خذاني موجها العاتي عذابي عن موانيها

أبا اهرب من غموضي مير ماباليد حل و ربط
ضياعي كلٍ يشوفه حقيقه ما اقدر انفيها

أنا ما ادري مكاني فوق و الا تحت و الا وسط
أسوق الرجل واتبعها و اقول الله يسويها

أنا عايش بهالدنيا بلا قيد و بليا شرط
مجرد ظل لايامي تباريني واباريها

أنا ايامي سوا .. ما فيه يوم اصعب و يوم ابسط
و لا ادري كيف اميز بين حاضرها و ماضيها

أنا ما اشكي من احزاني و لا ذقت السعادة قط
و مع هذا أحس الناس اضحكها و ابكيها

أنا واحد من العالم أنا جمله تحتها خط
أحاسيسي غريبه من بدايتها لتاليها

أنا في صفحة الدنيا حروفٍ ما عليها نقط
حياتي ما لقيت اللي يترجم لي معانيها

مســ ـآع ـــد الرشــيـ ــدي ~ْ

*لاتجبر الناس ينسون اخطائك..
علم نفسك وشلون ماتخطي عليهم..

قالوا إن (الحـب) يسكـن فـ الصدور
.......................... وقالـوا إن ( بذره )عشق من يبـذره
وقالوا إنه /ذوق /واحساس /وسـرور
.......................... ما خبـرته / يـوم ابويا مـا اخبـره
الصديـق إن غاب / يا ناس امعـذور
.......................... والحبيب إن غـاب /منهـو يعـذره ؟

سو اللي براسك ولا تذكر أسباب
لا صرت بايعني توكل على الله
مابيني وبينك مشاريه وعتاب
شفت دربن جيت منه تدله

اسري مع الليل مثل الصوت ما يسري.....وكن الهوا غصب ياخذني على بيتك

وامر بـيـتـك واشوفـك وانت ما تـدري.....لا تحسب اني عقب صدك تناسـيـتـك

مـن قـال ابنساك قـلـه يـا الـغـلا بـدري.....لو كنت ابنساك ابشرك كان ما جيتك

قصه عذابي مسلسل ينعرض حصري.....عــلى قـنـاه الـعـتـب مـن يـوم خليتك

حـرام تـهـدم حـيـاتـي يـا بـعـد عـمري.....لا تـصـير قـاسي ورب الكون حبيتك

فـي ذمـتي لا ذكـرتك ينشرح صـدري.....انـت اول انــسـان بـالعـالم تـمـنـيـتـك

حـاولت اصبر ولا كن ما نفع صـبري.....قـلي شـسـوي؟وانـا كـلي تـبـاطـيـتـك

مـرات تـطري عـلي ويـنـشغل فـكـري.....يـا كـثر ما اشـتـقـت لعيونك ومريتك

وقـفـت ضـد الـزمان وجبت لك عذري.....ووقفت ضـد الظـروف ومـا تـعديتك

وحـياتك الـعـمر دونك صـار ما يغري.....يـالـي مـع الـروح عـادلـتك وساويتك

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
تكفين يالنجلا ابي اوصيك تكفين=عيالنا راحوا من اجلك فرايس
والحب جمرة نار بين المحبين =لا تحسبينه سندويشة عرايس
وانتي اعرف انك قوية قوانين=لومنتي دياناء ولانتي برايس
وحنا بزمان الخربطه والعناوين=والزرق فيهم من يدور دسايس
واخاف مع سهلة بسيطاء تحدرين=مير احذريهم قبل تبدا الحوايس[/poem]