هنا محاورة الشاعرين سعود الهطلاني مع الشاعر فواز مريزيق

اعرف ان الشجرة الخضرا غنيّة بالغصوني __ مثمرة بالخوخ والرمان وانتم تجمعونه
مانبيها كلمة تعبر على بيض السنوني __ مايطيح الراس حتى تخذله فزعة متونه

سيف المعنى وضربت السيف من يدّ سياف الشعر هنا
نظم الكلمات بسلك المعنى ليكون حبك وبسك الشعر غاية تقص الحقيقة قبل الواقع !!

فواز مريزيق
مرحبا ياسعود باسم الشعر واللي يتابعوني =ومرحبا بالشعر باسم سعود واللي يتابعونه
ياسعود ازهمكم ( امن ) العام وانتم تسمعوني =تسمعون الصوت لكن كنكم ماتسمعونه

سعود الهطلاني
البقا ثم البقا وارضيك لو ترضي عيوني=ما صدق بالوصف من وصف ولا شافت عيونه
قبل ساعه هاضت شجوني ومن حرك شجوني =صاحبن وصفلي الطرقه ولا هاضت شجونه

فواز مريزيق
الظنفون اما هوى ولا جهل خلّ الظنوني =خذ كلام الشاعر اللي فيك ماخابت ظنونه
سالفتنا توّها بكرة ( بكر ) شقحا لبوني =ديسها المصرور لايّروح قبل لاتحلبونه

سعود الهطلاني
تو ما زانت وغنينا على الطرق اللحوني =بعد ما غنا خوي الحرف وابدع في لحونه
من سعا فالطيب جعله ما يهون ولا تهوني =عبس ما صدت عن العبسي ولا ترضا المهونه

فواز مريزيق
النداء عاجل وناد بربعنا يستعجلوني =بلغ الهطلان تلبية النداء يستعجلونه
حرب (خالد) رابحة بالروم دكّاك الحصوني =وانتم اللي كرسي العباس ثبتم ركونه

سعود الهطلاني
الندا واصل لنا وان كان غبنا حاسبوني ---- من رقد عن وقفت الماجوب ما شوني بشونه
ابشرو بالخير واعرف كل سوق وله زبوني---- انتهى موضوعنا الاول وهذا ما تبونه هههه

فواز مريزيق
اعرف ان الشجرة الخضرا غنيّة بالغصوني =مثمرة بالخوخ والرمان وانتم تجمعونه
مانبيها كلمة تعبر على بيض السنوني =مايطيح الراس حتى تخذله فزعة متونه

سعود الهطلاني
لا مليت الروس يا فواز لا تملا البطوني= امتلا راسك قبل يومين بلي تشترونه
عند حفاظ الوصيه ياجماعه سامحوني= الحميا مشكله والناس في حاجة معونه


صحت السنتكم جميع على هذا الابداع الغير مستغرب من شاعرين بحجم فواز مريزيق وسعود الهطلاني
لهم منا جزيل الشكر على ما قدموا ونتمنى ان نراهم في مواجهات قادمه
كما نشكر كل من تواجد معنا هذه الليله وشاركنا الحماس والابداع
بارك الله بالجميع

اقتباس:
المشاركة الأصلية كتبت بواسطة عنتر زمانه
ارحب يالبيطار

توي اشوفك من الزحمه منور الموقع


اشوفني انجهرت ما اشوف

تواجدك مهم وغايه لكل المواقع





الله يبارك فيك ياعنتر زمانه والنور نورك ياعنتر لاهنت


وصحت اللسنت الشعراء المبدعين وبيض الله وجيههم

صح الله السنتكم جميع

الله يبيض وجيهكم على الطاروق الوافي يافواز وياسعود

محاوره طيبه الله يعطيهم العافيه

الله يبيض وجيهكم على الطاروق الوافي يافواز وياسعود