محاورة //عايض الرشيدي //مع بدوي فاهم

ههههههههههه

صحت السنتهم و مبدعين و محاوره الحقيقه طافتني
لكن اللي جاي اعظم ان شالله

بااارك الله فيك اختي النجلاآ تنسيق راائعه كرووعتك

تحياااااتي

[b] شكراً لكل من الشاعرين بدوي فاهم و عايض الرشيدي


وما اقول الا بيض الله وجهيكم ،،،

،،،،،، وشكراً والف شكر على التنسيق من يد صاحبه.....
" ي[/bا مبدع"]

تنسسيق المحاوره



بدوي فاهم

مفلح إداري وابن رهق مديره = والمشكله ف ابن نقاء وابن ثاري
اللي يحطون الصغيره كبيره = وإلانت ياعايض غبي ماانت داري



عايض الرشيدي


خل الخبر ياصل قناة الجزيره=وألعب على الحبلين بأمري جباري
أنته دخلت بسوق تجار ديره=لكن ضيعت السجل التجاري


بدوي فاهم

وين أنت غاير ياعساك المغيره = أدخل على الله لاتغير مساري
ماضاع لي لوكان حبة شعيره = أنا على الشعار شبيت ناري


عاايض الرشيدي

اسيول هذا العام صارت غزيره=الله يامنا تشيل الكباري
تجمعوا سادة شيوخ العشيره=وقالوا هدرنا دم شخص انتحاري


بدوي فاهم

ياالله عسى فأالامر خيرن وخيره = أكيد طاري لك ياعايض طواري
آحذ معك وأعطي بعقل وبصيره = ولاخذ ولاأعطي مع عيال الحواري



عايض الرشيدي



أحذر تدخل بالأمور الخطيره=بس انصح فليحان ينصح امكاري
لايصير من تحت الرحى المستديره=وايدوَن إسمه بالقرار الوزاري



بدوي فاهم

الحمل مايشتاله إلا بعيره = ماني مثل شرواك مفلس وعاري
بشر عسى ربعك لقولك جبيره = بعد أن كسرت بحرب ذات الصواري


عايض الرشيدي


إبليس ماخلا الشقي في مسيره=ان كان مايخفاك بعض المساري
ياشين قل لي وش تبي بالذخيره=وبلا ذخيره وش تبي بالسواري


بدوي فاهم


اللي مثل شرواك مايروح ديره = براسه مرض يبغى طبيب استشاري
الله ولامد الكفوف الفقيره = وإلا انت ياعايض على الفقر ضاري



عايض الرشيدي


مادام ابن برمان شره بطيره=يبي يشوف من المصايب عزاري
ياليت هذا الدرب دوّرت غيره=لكن منتف مع طريق الخكاري



بدوي فاهم


اللي سيوفه بالملاقاء شطيره = مايلتفت بمروجين الهذاري
عايض بتال الوقت واجه مصيره = ذرت عليه من الذواري ذواري



عايض الرشيدي


مامن يدك سيّه عيونك ضريره=مثلك يسرح بالغنم بالبراري
مايارد الماء من حباله قصيره=تعال افسر لك حديث البخاري


بدوي فاهم


ماعندك حميا ولا فيك غيره = ياراعي الثنتين وين انت ساري
الفعل تشهدله جموعن غفيره = تقلى الخبر مابين كاتب وقاري


عايض الرشيدي
لو مت مثلك وين يلقا نضيره=ماجاب مثلك لابسات الخزاري
اللي حضر حرب الكلا والعميره=يضحك بذاك اليوم بين الشباري



الله يعافيكم طارووووق ناري

عايض


تعجبني يالذيب

وين انت غاير ياعساك المغيره = ادخل على الله لاتغير مساري

محاوره في قمه الروعه وشعار مميزين
وبدوي فاهم فااااهم

صح السان الشاعرين

صح لسان عايض الرشيدي ##### وابدوي فاهم



يعطيك العافيه النجلا ء علي الموضوع

صح لسان الشعراء والشكر موصول لك النجلاء ع النقل