سـمـــوّ الحــــبّ

نورت المنتدى يا معيبد .

معيبد

هلااابك نورت المنتدى....ابيات جزلة من شاعر الجزاله....ابيات حاكت جميع الاحاسيس...

دمت ودام تميزك.... دمت بخير


عاززززززف

اقتباس:
المشاركة الأصلية كتبت بواسطة معيبد الرشيدي

السلام عليكم و رحمة الله و بركاته

أسعد الله أوقات الجميع بالخير و المسرات ، عذراً على الغياب أيها الأحبة ، عدتُ إليكم بهذا النص و القادم أحلى إن شاء الله و أتمنى أن يحوز على رضاكم .

[poem=font="simplified arabic,6,black,bold,normal" bkcolor="transparent" bkimage="" border="groove,8,gray" type=2 line=0 align=center use=ex num="0,black""]
يا عيون اللي تعنوا عاشقينه=نادرٍ ما ينزل الا راس قارة
حددوا وقت العبور مدورينه=و احسبوا له و استعدوا لانتظاره
الشبك قبل الصباح مجهزينه=و أفلسوا من صيدته تالي نهاره
مرهم تحت السحاب موصفينه=طايرات الميق في تنفيذ غارة
وينهم عن ما هوت نفسه ؟ و وينه=عقبه الصقار جاز من الصقارة
القواسم تشترك بينك و بينه=بالنزاهة و النظارة و الندارة
يا طراة العمر يا لذة سنينه=يا سموّ الحبّ يا رمز الطهارة
وش يقول اللي تهل الدمع عينه=من مشاعر صادقة ما هي عيارة
كل حرفٍ من حروفك تكتبينه=في مدينة حبنا يبني عمارة
كيف سطرٍ بالوداد تسطرينه=ميّزه ذوقك و ذوقك بالصدارة
كل سطرٍ من سطورك عن مدينة=أحلى مدن أزورها و أحلى زيارة
بس ضاعت فرصة العمر الثمينة=حلم الأرباح انتهى بأكبر خسارة
من شكى نار الفراق الله يعينه=كل يوم الذكريات تزيد ناره
تمضي الأيام و أيامه حزينة=ما سمع علمٍ يبشر بالبشارة
بين هم اللي جفاه و لايمينه=مثل مسجونٍ تمنى شوف داره
و الضنين اللي تغرّب عن ضنينه=يحسبنّ الصدّ و الفرقا شطارة
قولوا انه له حبيبٍ في يمينه=من غزير الدمع يكتب له عبارة
و الله ان الروح ما زالت رهينة=و ان ما عنده على الفرقا جسارة
كيف يجسر و يتسلى عن حنينه=بعض الأشياء ما تجي له باختياره
بس يمكن شاف ما حقق يقينه=و التجارب تعطي الألباب إشارة
شاف شيءٍ سابقينه شايفينه=خبرة أهل الحب تخبر عن مساره
الهوى معروف عند مجربينه=حاليٍ مبداه و آخرته مرارة !!
[/poem]

كلمات / معيبد الرشيدي

[OVERLINE] هطول باذخ
معيبد شعبان بن مدعث
شاعر يروض الحرف كيفماء شاء
وقلم لايخط الا كل ماهو جميل
رائع انت بحق
صح لسانك وصح نبض قلبك

[/OVERLINE]

صح لسانك

تحيتي

صحت أبدانكم جميعاً ، أنتم من نوّر الموضوع و تشرفت بمروركم و عباراتكم الجميلة لا عدمت هذا التواجد .


لكم أزكى تحية من الأعماق .

الـقـواســم تـشــتــرك بـيــنــك و بـيــنــه بـالــنــزاهــة و الــنــظـــارة و الــــنــــدارة
يـــا طـــراة الـعـمـر يــــا لــــذة سـنـيـنـه يــا سـمـوّ الـحــبّ يـــا رمـــز الـطـهـارة



صح السان يامعيبد

شاعر جزل و للجزالة في شعرك

قواسم مشتركه في حبك وسبك المعاني والألفاظ

فنتذوق منها حلاوة الشعر ومتعته
فشكرا لك

صح بدنك اخوي المتعمق ، تشرفت بمرورك و إطرائك الجميل ، لا عدمتك .