موسوعه قصه وقصيده ...شعبياات

قصة خليف وحظه الشين مع الشيخ ساجر الرفدي

هذه القصة حدثت مع الشيخ ساجر الرفدي من قبيلة عنزه الشيخ ساجرالرفدي شجاع والمعروف لا يعرف وهو من قبيلة عنزه جاه ضيف اسمه خليف وحكاله قصته وشكاله قال انا شدو جماعتي عني وخلوني وجلست انا والدتي قال الشيخ ساجر رح وجب والدتك وبيتك وتعال اسكن عندي ربي يحييك والي تبيه اعطيك راح وجاب والدته وبيته وجاور الشيخ ساجر واكرمه وفي يوم من الايام طلع الشيخ ساجر للقنص وقاله ياخليف ابي اقنص تعال معي رد عليه خليف قال ابشر ياشيخ خير ان شاء الله راحو يقنصون وكان مع الشيخ ساجرصقر اسمه حطاب وسلوقي اسمه خطاف أثناء القنص شافو صيدتهم وهدو الطير لكن خليف صوب وجت بالطير ومات تضايق الشيخ ساجر المهم كملو الصيد ويظهر ارنب ويهدون السلوقي ويصوب بكل عجله انت ياخليف ويموت السلوقي وكل هذه يبي يصيد خليف بندقه على نيته ابن الحلال قال الشيخ ياخليف رجعنا لاهلنا رجعو لبيوتهم ووقتهم في رمضان جاء الشيخ يصلح قهوته والا مافيه غير طبخه وحده من القهوه والهيل صلح القهوه واركاها على جنب النار وكان الشيخ يشرب سبيل التتن الي يحطونه بالعظم سوى له سبيل وحطه ينتظر وقت الغروب حتى يشربه خليف راح لوآلدته وحكى لها القصه اللي صارت معهم قالت الام ترى الشيخ طيب ورح يمه وحب على رأسه وتسامح منه عن اللي سويتهى جاك خليف يبي يحب رأس الشيخى وكان ثوبه طويل وقشع الدله وكان وقت الفطور في شهر رمضان المهم استحى ورجع وهو يدوس السبيل له مكسره

قال ساجر الرفدي

البارحه بالليـل عـزًي لحالـي =قضيت انا ليلي حزيـن ومحتـار

مصيـبـةِ ماشفتـهـا باليـالـي= ياتقل يوهج بالضماير لهب نـار

مصايب جنـي مـن اول وتالـي= اربع مصايب لوعني من الجـار

الأوله حطـاب يعـادل عيالـي= اشقرعديم ولأبرق الريـش نثـار

والثانيـه خطـاف مالـه مثالـي= شره على تيس الجميله اليا ثـار

والرابعه سويت بصغـر دلالـي= وقصرتها وفاحت على بن وبهار

والرابعه بالعظـم تتـن الشمالـي= وافلست منهن حين حزات الأفطار

ياليت جتني قوم وافنـت حلالـي= واصبر على مر الليالي والأعزار

ماشفت مثل خليف قليـل ووآلـي= من خلقت البدوان مامثلها صـار

شكر مديري الفاضل ع التفاعل

[sor2]http://www.9o9i.com/upfiles/NoO96004.png[/sor2]



كلنا نعرف الشاعر الكبير محسن الهزاني

وانه كان معزلجي زمانه

وكان شديد الوسامة وكان له ابن كان كثير الوسامه

ولشدة وسامة اخفاة عن معشر النساء كي لايفتتن بهم ولا يفتنهم

وكان ابن محسن لا يخرجة والدة كثيرآ

وفي يوم من الايام جات لزوجة محسن بنت جيرانهم وهي بنت شيخ ومزيونه

وجت عند جارتهم عششان تكد شعرها وتزين جدآيلها وتمرخة بالزيت عشان يطول ويزين

المهم وبالصدفة يشوفها ولد محسن واغرم بها

وخلها لين تروح وجاء نشد امه

من هاذي...!!

ردت علية امة تبي تصرف الموضوع

قالت هذا الذيب جاني وكديته وانحاش

رد عليها قائلا :
الذيـب مـالـه قذلةٍِ هلهلـيـه
....ولاله ثمـانٍ مفلجـاتٍ معاذيـب
والذيـب ماتمشطـه بالعنبريـه
....لاو اهني من مرقده في حشئ الذيب

حينها امه عرفت ان ولدها صار مثل والدة وهو لم يختلط بهم في صغرة

ويوم جاء ذاك اليوم محسن من البر

قالت له يامحسن ولدك قام يتغزل

قال محسن ها قم ياولدي بوديك الشيخ يعلمك شيء احسن لك وانفع

ويوم جاء للشيخ و جلس عندة جاءة الشيخ يحفظة الحروف

وقالة الشيخ قل (( الف ))

رد علية ولد محسن :

ألفٍ وليف الروح قبل أمس شفناه
غروٍ يسلي عن جميع المعانـي

سكت الشيخ ثم قاله قل (( بآء ))

رد علية قائلا:

الباء بقلبي شيد القصر مبنـاه
وادعى مباني غيرهم مرهماني


وقتها عصب المطوع وصرخ فية وقالة

قل (( طاء )) ياورع

الطاء طواء قلبي من البعد فرقاه
وياجعل يطوي قلبك الي طوانـي

زهق المطوع وقال آذلف الله يكفيني شرك ..

ولما جاء أبوه ياخذه من عند المطوع قاله المطوع باللي صار وقال

(أغسل أيدك منه .. ولدك هذا ماله طب)

وأقتنع أن ولده (قلبة خضر )

وراح معه وزوجة الذيب الي شافها عند امه

بنت جيرانهم

/

بعد الشكر لبنت ابوي على ماقامت بطرحه واللي استمتعت بقراءةه

مويضي البرازية ،احدى الشاعرات في نجد قديماً، وكانت هذه الشاعره معروفة عند الجميع في مناطق واسعة من نجد.
وفي أحد الأيام خرجت مويضي وأخذت تغني ،فسمعها أحد رجال الإمام فيصل بن تركي آل سعود وهي تغني و((تهيجن)) بصوت واضح ،فذهب الى الامام وأخبره وقال له:مويضي تغني بين الرجال وهذا عيب وحرام،فأمر الامام فيصل أحد خوياه ويدعى (سلامه) وقال له:- خذ هذه العصا واضرب مويضي جزاء على الغنا بين الرجال،فذهب الخوى ونفذ كلام الامام وكسر العصا على مويضي ومرضت مويضي من شدة الضرب.

وبعد أيام خرجت مويضي واثناء خروجها سمعت حمامة تغني وصوتها عذب ،فقالت أبياتاً تحذر فيها الحمامة من أن يسمعها سلامه فيكسر عظامها وتنصحها بالذهاب الى الفرعه بوادي الدواسر ديار الوداعين الدواسر فهم من ينجون الدخيل.فقالت:-


ياسعد عينك بالطرب يا حمامه
....................... ياللي على خضر الجرايد تغنين

عزي لعينك وان درى بك سلامه
....................... خلاك مثلي يا الحمامه تونين

كسر عظامي كسر الله عظامه
....................... شوفي مظارب شوحطه بالحجابين

يقول انه مروحينه عمامه
....................... الله يغرب ديرته اصفر العين

وان كان ودك بالطرب والسلامه
....................... عليك بالفرعه ديار((الوداعين))

تنحري ربعن تفك الجهامه
....................... فكاكة القالات بالعسر واللين

دخيلهم ما احدٍ على الحق ظامه
....................... ولو هو فقير الحال ما يلحقه دين

شـــــــــــــــــــكــــــــر ا
شـــــــــــــكــــر ا
كان في قديم الزمان قبيلة وفي القبيلة شخص فارس وشجاع وكريم
كان شايل القبيلة في السماء
ومرت السنين مرض هذا الفارس وهذا المرض شلل لللأطراف السفلية فقط
فكان ربعه وجماعته هم اللي يقضون حاجتة ويغسلونة ويلبسونه .... إلخ
فحس الفارس إنه ثقل على ربعه وجماعتة بحيث كانوا ربعة يجهزون الركايب للبحث عن الربيع والماء بأنهم يدارونه او يتجهزون للسفر
فطلب من الشيخ انهم يخلونه في مكانهم ويرحلون بدونه
رفضوا وشلون يتركون رفيقهم بالحال ؟؟
فأصر عليهم فوافقوا بدون إقتناعهم بتركه وطلب منهم يحفرون حفرة ويدفنون رجليه بالكامل وقالهم إن تعافيت لحقتكم وإن مت فهذا قبري
عرف وين يتجهون وتوادعوا ومشوا ربعه
وفي أول ليلة شاف بالظلام عيون الذياب فيحذف الذيابة بالحصى الى طلوع الضوء
في الليلة الثانية كانت الحصى يالله ينوله ومثل الحاله
وفي الليلة الثالثة مثل الحالة
في اليوم الثالث من مغادرة ربعة تالي العصر اقبل عليه الذيب الكبير وتبين له أنه مثل قولة أمير الذياب وجلس بمسافه عن صاحبنا في اللحظه قال الفارس للذيب :
يا ذيب لاتاكل عضودي والأمتان
انا خويك والعرب حاربوني
من أول قادر ولي عندهم شان
واليوم ياذيب العرب ما يبوني
والله لوني سالم مابي أوهام
لصوبك بين النحر والمتوني
في الليلة الرابعة الذيب الكبير صار يحامي عن الفارس ويطرح كل من يواجهه من الذياب
الى أن حس الفارس في نفس الليلة بحرارة في رجليه الى أن وقف الفارس على رجليه من جديد وصار مع رفيقه الذيب الى أن وصل مضارب قبيلته وراح للغنم واختار الخروف الطيب وياخذه ويذكيه ويحطه عند الذيب
راح عند جماعته وسلم عليهم وقبل لا يجلس قال أنا مع ضيف وضيفي ذيب لا حد يقربه أويمسه بسوء
صاحب الحلال مادرى عن الذيب أنه خوي للفارس وما درى عن الفارس هو حي ولا ميت
خذى البندق وصوب الذيب ورماه
سمع الفارس الرمي قال ربعي غدروا برفيقي
راح طلاب لثار خويه وذبح الرجال وحط الخروف وفوقه الذيب وفوقه الرجال بقبر واحد .

مشكورة يا بنت ابوي على هذا الموضوع و هذه القصص الرائعة و الشكر موصول لكل من شارك و من سوف يشارك و يثري هذا الموضوع الذي نستمتع بقراءته .

يروي أحد الرواة أنه دخل بصحبة الشاعر الكبير صقر النصافي الرشيدي رحمه الله إلى بيت فيه حفل عرس وكان النصافي كبير السن وعند دخولهما إلى البيت بصحبة العريس . . . إذا بفتاة تسأل والدتها : مَن مِن هؤلاء صقر النصافي ؟؟ فأشارت الوالدة إلى صقر . . . فقالت الفتاة : ذاك صقر ؟؟ (( يترب شبابه )) أي شبابه للتراب فقد كانت تظن أنه شاباً صغير السن كما تخيلته حين سمعت قصائده ولم تراه . . . أما صقر فقد سمع كلمتها وخاطبها على الفور بهذه الأبيات :

[poem=font="simplified arabic,6,burlywood,bold,normal" bkcolor="darkred" bkimage="" border="groove,10,burlywood" type=2 line=0 align=center use=ex num="0,black""]
يا بنت لا يترب شبابي و لا أبيك=يترب شباب اللي يحطك حبيبة
عيا زرار الثوب ياصل علابيك=منتفخة ٍ كنك صميل الرويبة
[/poem]

فتدخلت الأم راجية صقر حتى لا يكمل فسكت صقر وكانت الأبيات كافية لإسكات الفتاة ،
كذلك من خلال القصة نلاحظ سرعة بديهة النصافي رحمه الله .

السلام عليكم ورحمة الله وبركاتــه....
يقولون إنها قصه حقيقية لواحد تزوج وحدة وطلقها
ناس تقول مسحورين وناس تقول عين
الله أعلم
المهم الشاعر أوجعه ضرسه وراح يحشيه بمستوسف القمة
وشاف مطلقته ومعها أخوها وقال هالقصيدة الحزينة..
صادفتها صدفة بمستوصف القمة
**********بالعين راعيتها لحظة وترعاني
شميت أنا عطرها ويا بخت من شمه
**********يدوخ ويسكر ولو ما هوب شرباني
قمت أتذكر زمان فات وألمه
********** لاعاده الله نصيب يـــوم وداني
هلت دموع العيون ولابقى غمه
********** مما جرى لي نسيت ألآم الاسناني
معها أخوها رفع كفة على فمه
********** كنــــه يقول الله الستار ياقانــي
نفس الملامح ويشبه دمها دمه
********** سبحان ربٍ خلقهم دعج الاعياني
يدري بحبي وتدري أمه وعمه
********** حال القدر بيننا والحب سلطاني
يبكي ويمسح دموع عيونه بكمه
********** يبكي على شانها ويبكي على شاني
والله لولا الحياء والدين لاضمه
********** وأسمعه شهقةٍ من قلب شفقاني
والحب بلوى ومنه النفس ملتمه
********** وش حيلتي والغضي دمي وشرياني
جسمي يروح ويجي والقلب من يمه
********** القلب عنده يبـــيه ولايبــــي ثانــي
أقسم بربي وأنا لي مذهب ومله
********** لاعيش أحبه ولو حبه علي جاني
شربت كاس الهوى ورويت من سمه
********** مامت وارتحت ولاهوب اللي أحياني
وأضحك مع الناس والأحزان منضمه
********** كني سعيد وأنا مبلي بالاحزاني
عندي وصية وتال الهرج يايمه
********** الموت حق على القاصي مع الداني
وأن صرت فوق النعش والناس ملتمة
********** مروا على بيتها وتشوف جثمانــــي
قولوا لها الموت زم صويحبك زمة
********** ما مات حبه ولو هو بالنعش فاني
شلناه للمقبرة وأدعيله القمة
********** خوذي ثوابه وجودي له بالإحساني
يالله يالمقتدر ياكاشف الغمة
********** تفرج لمن حالتــــه دوم بنــقصاني

[overline]السسلأم عليكـ..م ورحم’ة اللهـ.وبركآآتهـ
[/overline]
[overline]بعد الســـــــــــــــــــــــــــــــ......لآمـ,
شكرآآآآآآ لك بنت ابوي ع هاذا الموضــــ,,,وع ...........[/overline]


تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك
...
حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك
...
وربي فوق روس الشوك.. لا اخلي القلب يمشي لك
واخلي ظلالي يسبقنـي.. قبـل يحضنـي منزالـك
...
ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عذالـك
...
يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك
...
قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحالـك
...
تعبت اهرب من الاشيا البسيطـه مـن تفاصيلـك
تعبت اسأل زوايا البيت.. عن اول واخر احوالـك
...
وحتى الشوق من صبح الدرايش قام يهـدي لـك
عصافير الرضى ترفـرف علـى بيبـان مدخالـك
...
هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك
...
انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك
...
حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك
...
تروح وقلت: احط روحي.. علـى كفـي واناديلـك
نزعت العمر مـن شفـت الغـلا بالـروح نادالـك
...
بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك


...
حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!
...
تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك
...
تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك
...
وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك..!

مـ نـ قـ ووو لـ..