ღ☆.. معـــــآآ لنرتقــي ..ღ☆

وعليكم آلسلآم ورحمة آلله وبركآته ..
هلا ومرحبا الف ... حياكـ آلله فيصل ..
آلله يرفع قدركـ ..وشرف لي متابعتك ياالغالي ..
ولاني بثقيل ولاشيء .. لاتحسسني اني ( طينه ) .. والمدونه مدونتكـ .. ويسعدني اشوفك واشوف حضورك معي ... لاخلا ولاعدم ..

يا نفس توبي فإن الموت قد حانا . .. . واعصي الهوى فالهوى مازال فتانا
أمــــــا ترين المنــايا كيف تلقـطنا . .. . لقـطـــــاً و تلحـق أخرآآنـا بأولانا
في كـــــل يوم لنـا ميت نشــيعه . .. . نــــرى بمصـرعه آثــــار موتــانـا
مآآبالنـا نتعامى عـــــن مصــائرنا . .. . نـنـسـى بغـفلتنا من ليـس ينسانـا
نزداد حرصـا وهذا الدهر يزجرنا . .. . كأن زاجـرنآآ بالحـرص أغرانـا
أيـــــن الملوك وأبنــاء الملوك ومن . .. . كانت تخـر له الأذقـان إذعانـا
يا راكضاً في ميـادين الهوى مرحاً . .. . ورافلآآ في ثـيـاب الغي نشــوانا
مضى الزمان وولى العمر في لعبٍ . .. . يكفيك ما قد مضى قد كانا ما كانا

(( شكلك ثقيل ))
اخونا الغالي فيصل ذكرني بأشياء كانت تحصل لي من قبل وحتى الان لازالت مستمره .. وقلت لعلي اطرح كم قصه حول هذا الموضوع ..

القصه الاولى
في اول سنه حاسب الي .. كان لي مجموعه من الزملاء .. وكانت الدفعه كثيره شوي .. ولانعرف بعض .. فكنا نجلس مع بعض وكل يوم نتعرف على واحد جديد ولو ان المعرفه سطحيه .. المهم مالكم بالطويله .. استمرينا على هذا الحال .. وبنص الترم .. واجهت واحد رشيدي ومعه رشيدي ثاني .. وسلمت عليهم .. وقال اللي اعرفها ترى هذا معنا بالحاسب .. وبديت اتعرف عليهم .. وشوي شوي زادت علاقتناا ..
الموضوع الى الان عادي لكن بعد فتره وبعد ماصارت العلاقه قويه .. قالوا لي لو تدري ياسعد قبل نعرفك وش كنا نقول فيك ماتصدق ؟؟ ... ضحكت وقلت ليش ؟؟؟ قال تصدق انا وفلااان كنا نشوفك وندري انك رشيدي لان الدكتور يحضر بالاسم ..لكن كنا متعجبين منك .. ولاانت مثل اخويانا الباقين ... قلت حرام عليكم ليش وش السالفه ... قال والله هذا الصدق ... ولو قيل لنا ذيك الايام انك انت ياسعد بتصير خوينا مانصدق .. قلت ياعيال وش السالفه .. قالوا والله نشوفك تجلس قدام بالقاعه .. وماتكلم احد الا اخوياك .. وشنطه حقت كتب .. وكنادر .. الخ ... ضحكت وقلت طيب والان ..... قالوووووووو لا والله حتى الان لكن اللي يشوفك من اول مره يحس انك وووووووين .. لكن لو بس تكلم معك شوي .. عرف انك متوااااااضع ..
؛
؛
؛
القصه الثانيه
اول ماسكنا بيتنا الجديد .. ماكنت اعرف احد ... وكنت غالبا اروح للمسجد وبدون عقاااال .. المهم ..
سنه وراء سنه ... اخواني تعرفوا على جيرانااا .. واخواني كانوا مو يخاافون مني ..لكن ولله الحمد احترااام لابعد الحدود .. ومره بالصدفه ولمن دخلت المسجد حصلت اخوي يتوضا من دورة مياه المسجد ( طبعا انا قايل لاخواني كل واحد يتوضا بالبيت ويطلع للمسجد .. ماله داعي تتوضا من المسجد وبيتك قريب .ز وخاصه ان الصغار يضحكون عند دورة المياه ويسببون ازعاج .. فأنا قلت لهم تتوضأ من البيت ولاتمر دورة مياه المسجد )) ... طبعا ناظرته بس نظره .. وحس ان فيني شيء .. ولاحضت ولد جيرانا يكلمه .. وكأنه يقوله وش فيك خفت .. واعتقد انه علمه بالسالفه .. المهم طلعت من المسجد وحصلت ولد جيرانا برا.. وجاني ولد جيرانا وسلم .. وقال سعد انا طالبك .. قلت افاااا عليك بس.. امر ياطويل العمر وش تبي .. قال انا واخوك كنا نذاكر العصر .. ولمن جينا بنتوضا من البيت كان الماء فاضي وتوضينا بالمسجد .... ضحكت وقلت وش السالفه ( انا كاني ماااعرف شيء )) قال لا بس اخوك يقول ان سعد يقول تتوضون بالبيت احسن وخاصه ان المسجد قريب من البيت .. قلت لاااا ماعليك انا كنت امزح معهم ولا عادي .. ضحك ومشى ...
المهم لمن رجعت البيت .. جلست مع اخوي .. وكان يضحك .. وقالي شفت فلااان وش يقوووول ... قلت وش يقوول .. قال معقوله هذا سعد العصبي ؟؟؟؟ .. ويقول انه ماكان يتوقعك كذااااا ابد .. وصار يمدح فيك .. ويقول اول كنت اقول الحمد لله ان ماعندي اخو مثل سعد ( مطوع وعصبي مالها داعي خخخخ ) ...والحين يقول يااليت عندي اخو مثل سعد .. ..
؛
؛
؛
القصه الثالثه
قبل شهر تقريبااا .. لمن كنا عند الشيخ بدر بن سويلم ..
دخلت انا وفهد .. واستقبلنا اخوووو عزيز تشرفت في معرفته .. سلم على فهد .. وقال فهد هذا سعد المهيمزي .. .قال مين .. ولدنا اللي في المنتدى ؟؟؟ ضحكنا وسلمت .. قال معقووووله .. ياريتنا دارين انك كذا من اوول .. كان استهبلناا عليك ومزحنا معك .. وتعرفناا عليك .... يارجل انت تخوف في المنتدى ... وصورتك هذي حرام عليك تحطهااا .. لانها ماتعكس سعد الحقيقي هههه ..
وشخص ثاني قابلته بنفس المكااان .. قال ( والله يااسعد انك اول تخوووف ومافيه امل اكلمك بالمنتدى...لكن الحين سجل رقم جووالي وامش معنا للمدينه )) ..


قصص كثيره والله تحصل مثل هذي .. ومافي مجال اعددها كلها .. وبعضهااا محرج .. وبعضها ماينصدق ..
لكن بعض الناس يكوون هاديء جدااا .. ومن بعيد تحس انه مثلا مو راعي علاقات مع النااااس .. ولكن ع العكس تماما تجده ..

الله يذكرك بالخير يااافيصل .. وحتى فيصل اول لاتعرفت عليه .. كان يقول عكس ماتصورتك ..



الامير الوحيد ... مو تصدق القصص هذي وتجي تلعب هنااا .. لا ترى امزززح هذي قصص وانت تعرف القصص .. .. واحبيني لك بس .

صباح الخير مدري مساء الخير


المهم كلها زي بعض



اليوم انا طفشان قلت ابي اجي اسولف شوي في المدونه


عند صديقي الغالي سعد المهيمزي


يالله ياسعد ابيك ترد على هذي الاسئله




1_ هل انت تفعل ما تقوله هنا بالمنتدى ؟

2_ اعتذار تريد ان تقدمه لمن؟

3_ ما ردة فعلك عندما يقول لك حبيبك : أحبك نعم أتزوجك لا ؟

4_ ماذا ستكتب لنا لتعبر عن حياتك التي عشتها الى الان في كلمات قليله ؟

5_ اذا اردت ان تبكي الان , فعلى من تبكي؟

6_ من ستختار ليمسح دموعك ؟

7_لو خيروك بين حبيبك وبين اعز صديق فمن تختار ؟

8_ماهو تقييمك لهذا المنتدى بصراحه ؟

9_ من يسكن قلبك؟

10_ هل تعتقد ان حظك سيئ؟

11_ هل تدخل الشات ؟ولماذا؟

12_ هل هزمك حزنك في يوما من الايام؟

13_ ((مستحيل انساك)) لمن تقولها ؟

14_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟

15_ (( انت كل شيء بحياتي )) لمن تقولها ؟

16_ متى اخر مره بكيت؟

17_ اي الدول تتمنى ان تزورها ؟

18_هل لديك الجرأه ان تقول عمرك أمامنا ؟

19_هل انت راضي عن نفسك ؟

20_بماذا تقر وتعترف أمامنا الان ؟

21_ اغمض عينيك دقيقه لو سمحت, ماذا خطر على بالك وانت مغمض العينين ؟

22_هل تؤيد الزواج العاطفي ام الزواج التقليدي ؟ ولماذا ؟

23_ايهما اهم شهادتك الجامعيه أم الزواج ممن تحب ؟

24_ هل من الممكن ان تتحول الصداقه الى حب ؟

25_هل تعترف بشيء اسمه الصداقه بين الرجل والمرأة ؟

26_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

27_هل انت مدمن تفكير؟

28_ من هو اكثر شخص تفكر فيه؟

29_ اذا تم تعيينك ملكا لجميع البلاد العربيه فما اول قرار ستتخذه ؟

30_هل تكره شخص بشده في حياتك ؟

31_ ما هو اقتراحك الذي تتمنى ان يحدث في هذا المنتدى ولم يحدث الى الان ؟

32_هل ملابس الشخص امامك تؤثر فيك لتأخذ عنه انطباع ؟؟

33_ماالذي يلفت انتباهك بسرعه في الشخص لكي تعجب به ؟

34_ اذا احببت شخصا في الوقت الخطأ وفي المكان الخطأ فماذا تفعل ؟؟

35_ حكمة تؤمن بها جدا؟؟

36_ عاده تفعلها دائما تتمنى ان تتركها ؟

37_ ماهو اجمل اسم لولد واجمل اسم لبنت من وجهة نظرك؟

38_ ماذا تفعل اول شيء اذا ربحت ملايينا او مليونا عشان مانكون طماعين؟

39_ هل انت من لديهم رغبة حب التملك واذا تملك الشيء اصابه الملل منه ؟

40 _ مارأيك في صاحب الموضوع بصراحه ؟

مين الامير .. وش مسوي انت ..وش جايب معك .. كل هذا انتقآآم ... توبه اي اتصال يجي منك لازم ارد عليه ..
لكن انت ضيف عندي بالمدونه والضيف ماارده ابد ,, وابشر طال عمرك على الاجابات الشافيه .


1_ هل انت تفعل ما تقوله هنا بالمنتدى ؟
بالنسبه لهذا السؤال المفروض توجه للاخرين ,, يعني انا مااقدر احكم على نفسي .. لكن الناس هم اللي يعرفون سعد .. هم اللي راح يحكمون علي من خلال الاشياء اللي داخل وخارج المنتدى .. ولكن انا ارى اني واحد سواء بالمنتدى ولا خارج المنتدى .

2_ اعتذار تريد ان تقدمه لمن؟
بالتأكيد لكل من اخطأت بحقه سواء بقصد او بدون قصد ..

3_ ماذا ستكتب لنا لتعبر عن حياتك التي عشتها الى الان في كلمات قليله ؟
احمد الله على كل شيء ,, وان يسر لي سبحانه ماكان عسيرا ..

4_ اذا اردت ان تبكي الان , فعلى من تبكي؟
بكاء بمعنى بكاء لااا .. لكن تدمع العين على حال الامة الان !!

5_ من ستختار ليمسح دموعك ؟
كلينيكس طال عمرك ..

6_لو خيروك بين حبيبك وبين اعز صديق فمن تختار ؟
ليش افرق واختار من الاصل .. الله لايجيب مثل هذي اللحظه .. ( للمعلوميه هذا سؤال تقليدي الناس بدأت تطرحه وهي مو فاهمه وش القصد من السؤال ) .

7_ماهو تقييمك لهذا المنتدى بصراحه ؟
انا مااقيمه لان شهادتي فيه مجرووحه ,, لكن الاخرين هم اللي يقيمون وعلى حسب جهودنا يكون التقييم افضل .
8_ من يسكن قلبك؟
الله ورسوله ومن اهتدى بهديه الى يوم الدين ..

9_ هل تعتقد ان حظك سيئ؟
لا ولله الحمد .. ياشينك على هالسؤال .. ع الجرح .

10_ هل هزمك حزنك في يوما من الايام؟
ابدا ولله الحمد .. بعض المواقف تصعب ولكن سرعان مايذهب هاجسهآآ .

11_ ((مستحيل انساك)) لمن تقولها ؟
لكل من له في القلب ذكرى جميله .. ولم استطع الوصول اليه في اي حال من الاحوال اقول له ذلك .

12_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
وفسر الماء بعد الجهدِ بالماءِ !!

13_ (( انت كل شيء بحياتي )) لمن تقولها ؟
ابد مافي احد يمكنه ان يكون كل شيء بحياتي .. لانه بالاصل حياتي ليست ملكآ لي !! .. (( وماخلقت الجن والانس الا ليعبدون )) .

14_ متى اخر مره بكيت؟
بكاء صريح .. مااذكر يمكن اخر مره يوم عمري ماتجاوز 6 سنوات .. ولكن ان كنت تقصد دمعة العين .. هذي حدث ولاحرج . .. وااخر مره .. كنت في موووول .. اتمشى انا وزميل لي .. ومع مرور الوقت .. شفت وحده تمشي ومو على بعضهاا وعيونهاا حمر وتبكي .. انتبهت انا لكن كملنا طريقنا .. رجعنا مره ثانيه الا المره وضعهااا مايسررر .. جيت وقربت لمهاا وكانت كبيره شوي .. قلت سلامااات ياخااااله وش فيك .. قال ولدي ضاااااع ( ) .. قلت متى .. قالت ماله الا خمس دقائق .. ماادري وين راح ..قلت كم عمره .. قالت 4 سنواات .. وهي تتكلم معي تبكي ولاادري وش تقول ..قلت بغتي احد .. قالت لا .. (المسكينه ماتدري وش تسووي ) المهم اخذت الوصف منهااااا وقلت لخويي شف اذا شفت ولد بهالمواصفااات دق علي .. مباشره بلغت السكيورتي ..وفرينا المووول فوق تحت ورجعنا مره ثاني وحصلتهااا ومعهاا رجااال .. اللي هو زوجهااا .. يوم شفت زوجهاا .. عرفت ليش بكت كل هالبكاء وعرفت ليش هي كانت ضايعه ولاتدري وش تسوي .. لانه الله لابلانا مو على وضعه الطبيعي ..يعني ماينشره عليه .. المهم بعد لحضااات شفت السكيورتي وهم معهم الولد .. واشووووف امه من الناااحيه الثانيه تركض لم الولد .. واحضنته واغمى عليهاااا .. يوم شفت الموقف صار يااامير صار فيني زي الرجال هذا ---> ( ) ..المشكله خويي طاح فيني وانا هااج عنه ويضحك ويقول افاا ماتوقعتك كذاا .

15_ اي الدول تتمنى ان تزورها ؟
كثيره والله لكن مو بالكيف اازورها .. لكن البدايه باذن الله بشهر العسل في جزيرة بااالي (اندونيسيا ) ان شاءالله .

16_هل لديك الجرأه ان تقول عمرك أمامنا ؟
لا لا وش قاعد تقول انت ..هذا سؤال جري وصعب اني اجاوب عليه ..

17_هل انت راضي عن نفسك ؟
تبي الصدق لاوالله .. لكن نتمنى الصلاح والرضى من الله .

18_ اغمض عينيك دقيقه لو سمحت, ماذا خطر على بالك وانت مغمض العينين ؟
وش بيكون غير موضوعك .

19-هل تؤيد الزواج العاطفي ام الزواج التقليدي ؟ ولماذا ؟
العاطفي !! ..يخوف هذاا .. لا ابد الزواج التقليدي .. لكن مو بالصوره اللي حاصله الان ..بمعنى انه مو ضروري انه تكون لك بنت عم مثلااو بنت تقربلك فلازم انك تتزوجهااا !! .. او اي وحده تقرب لك معناته انك مجبور تتزوجهاا .. في ناس احساسهم بالبنت اللي تكون تقربله كأنها اخته بالضبط .. وفعلا لولا بعض الضوابط لعاملها مثل معالمة اخته .. هذا مايمنع ابدا الزواج من الاقارب .. بالعكس هم الاصلح له في كل الاحوال ..

20_ايهما اهم شهادتك الجامعيه أم الزواج ممن تحب ؟
انت ملزم انك تقارن بأشياء مااادري وش دخلها في بعض .

21_ هل من الممكن ان تتحول الصداقه الى حب ؟
مااتوقع .. يمكن تتقوى الصداقه بين الاثنين الى درجه كبيره .. لكن حب مااعتقد .

22_هل تعترف بشيء اسمه الصداقه بين الرجل والمرأة ؟
طبعا .. لكن صداقه برابط الاخوه ..ولاتتعدى ذلك .

23_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
الله يكفينا شرك يااامير ..وش ذا السؤااااال .

24_هل انت مدمن تفكير؟
سألني شخص بيوم من الايام وقال ... انت تحب .. قلت مااحب الا الله ورسوله .. قال الا غير هالكلام .. قلت ماعندي ..قال اجل الله يعينك شكلك مهلوس تفكير .

25_ اذا تم تعيينك ملكا لجميع البلاد العربيه فما اول قرار ستتخذه ؟
لجميع البلاد العربيه .. راح ادور قائد مثل القائد يوسف بن تشفين والقائد صلاح الدين الايوبي .. واقولهم يالله ع القدس .

26_هل تكره شخص بشده في حياتك ؟
لاوالله ابدا .. وحتى لو فرضنا انه عمل شيء يكرهني فيه ..فانا مااسمحله انه ياخذ حتى حيز من التفكير ..

27_ ما هو اقتراحك الذي تتمنى ان يحدث في هذا المنتدى ولم يحدث الى الان ؟
انك تصير مشرف .. اي هين

28_هل ملابس الشخص امامك تؤثر فيك لتأخذ عنه انطباع ؟؟
يعني احيان نعم .. واحيان لا ..

29_ماالذي يلفت انتباهك بسرعه في الشخص لكي تعجب به ؟
اشياء كثيره ومن اهمها انه يكون متحدث لبق .. والاهم انه يكون متواضع .

30_ اذا احببت شخصا في الوقت الخطأ وفي المكان الخطأ فماذا تفعل ؟؟
ماجربت يااامير وان شاءالله مااجرب .. لكن راح ارضخ للامر الواقع وادعي الله انه يفك الازمه .

31_ حكمة تؤمن بها جدا؟؟
حكمه مستوحاه من حديث شريف (( مااصابك لم يكن ليخطأك .. ومااخطأك لم يكن ليصيبك )).

32_ عاده تفعلها دائما تتمنى ان تتركها ؟
السهر وكثرة النوووم .

33_ ماذا تفعل اول شيء اذا ربحت ملايينا او مليونا عشان مانكون طماعين؟
الله كريم ..لكل حادث حديث وانت اكيد ماراح انساكـ .

34_ هل انت من لديهم رغبة حب التملك واذا تملك الشيء اصابه الملل منه ؟
لا مااهتم ابد ..

35 _ مارأيك في صاحب الموضوع بصراحه ؟
صاحب الموضوع انسان طيب وقلبه نظيف وابيض .. صحيح فيه بعض الحركات الممممممممم ( ) ..لكن كل شيء يجي منه له طعم خاااااص ..



يوووه تعبت .. تصدق اصعب من ضيف الاسبوووع .

يآآكثر ماقآلوا لي آلناس وش جآكـ . .. . ويآكثر ماقآلوآ علينآ متغير
ويآكثر مآقآلوا جفيت وجفينآكـ . .. . ويآكثر مآقآلوا علومكـ تحير !! .

انتا خوخه انتا مشمش


انت والله حاجه ترمش


لما شوفك كني شايف


واحد من عندي تعداهههههههههههههههههههههههههههههههههههايايايااياي ايا...