فخامة ذوق لا أكثر #

ما سألتك ليه عنّي ما سألت
خايف انّي احرجك واقتل سؤالي

رغم هذا تصدّق اني ما زعلت
ما ابي ينقص غلاك وانت غالي

اعلان للي مابعد جرب الحب ...
يسلك طريق الحب بس بشجاعه

فيه الوفا والغدر والصدق والكذب...
وفيه الفراق وفيه الشوق اجتماعه

حظك على حظك تشجع وجرب...
ان صبت ولا غير تاخذ مناعه

لو نثرت المشاعر فاح عطر الغرام
لين شفت بعين القلب عشق عظيم

لو نطقتك هبوب الوجد ساق الغمام
لين بلل غلاك الـشوق من كل غيم

عذب السجايا وعووووده بأول الكنه
متى تزين السوالف واخذ أعلومه

واسامحه عن خطاة الجرح والونه
واعاتبه لو يصد اشوي والومه

واذكره باول المسفار حتى انــــــه
اليا تذكر زمان اول نسـى نومه

مســـاعد الرشيدي

كن الثواني .. في غيابك سكاكيـن !
ليتك تذوق شوي .. طعم الثواني

القلب ما هو قلب والعين .. مو عيـن
حتى مكانـي ما احسـه مكاني ..

وهنيّه شاعرً جاتـه قصيـدة عشـق عاشقهـا
لقا العشاق في لحظـه تسمـى لحظـة الألهـام

والا ياحيّهـا يـوم أقبلـت وش زيـن منطقهـا
كأن الشعـر مهديهـا هديـة شاعـرً مـا نـام

تعانقنـي بشـوقً هزهـا وبشـوق أعانقـهـا
تفـرّغ شحنـة الفرقـا وأفـرّغ شحنـة الألآم

تذكرين الغلا و الصيف و السوده
لمة البرق و الخلان و الراعد

تذكرين القصيد و سلهمة سوده
و احد كان ما مثله ولا واحد

تذكري غيرته و رضاه و صدوده
تذكرين المطر و الشعر و مساعد

عاشقك جا يقود الشمس و تقوده
دفتره ياسمين و غيمته ناهد

شاعر من عيونك يطلب الزوده
جا يجدد قديم الولف و يعاهد

سودة أبها يدين العذر ممدوده
حجتي ما تبي قاضي ولا شاهد

يوم فتك لصدر الغيم مشدوده
وردةٍ تستغيث و عطرها ساجد

خذت ضيم الضباب اللي ثني عوده
ما ترك لي قليل ولا ترك واجد