ِِ مقــهى البـوح الشـعري ..،، تفضل أرتشف قهوتك ..ِِ.

ليه يادرة شبابي ولولي وذهبي

ليه خليت الحنايا عروشن خاويه

لولو ذهب والماس انت وعقيقه
ما عوفكم وانتم على العين والراس
لكن انا ماني بحره طليقه
مملوكة عند اللي للعز نبراس
حبه تملكني ولا به عشيقه
غيري بقلبه وهو مالك للاحساس

لا لاتواخذني على كل مااقول
اللي يشوفك يفقد الوعي كله
قبلي سحرت عيون وقلوب وعقول
ماهي غريبه يوم عقلي تشله
لو درت كل الكون بالعرض والطول
مالقى شبيهك بين هالناس والله

[b]. لحظه قبل لا تطلب البعد وتغيب * * * * *
* * * * * وتنهي معايه مرحله من حياتك
أخذ الهدايا والصور والمكاتيب * * * * *
* * * * * دامي خسرتك ما أبي ذكرياتك
يمكن يكون فراقنا رأيٍ مصيب * * * * *
* * * * * خيره .. كتبها الله جتني وجاتك
مع اني ادري انت ماعنك تجنيب * * * * *
* * * * * كنك موصيني وقاضب وصاتك
رح واترك بقلبي لك أربع معازيب * * * * *
* * * * * معزتك طاريك حبك غلاتك
وإن شفتني أجمع شتاتي .. ماهو عيب * * * * *
* * * * * باكر مع الأيام تجمع شتاتك
وإن شفتني شايل جروحٍ معاطيب * * * * *
* * * * * باكر يصير الجرح أبرز صفاتك
أكبر مصيبه في زمان العذاريب * * * * *
* * * * * إنّي أحبك وأنت حبك لذاتك
الطيب لو إنك تجازيه بالطيب * * * * *
* * * * * ماكان تالي الوقت هذي سواتك
يا صاحبي لا صرت أغلا الأصاحيب * * * * *
* * * * * لا تزعل بكيفك وتطلب رضاتك
أنا حبيبك مبعد الشوح مانيب * * * * *
* * * * * من ضيّع جهاته .. يدور جهاتك
إن كان ماعديت روس المراقيب * * * * *
* * * * * ماني كفو أصلاً أنام في عباتك
شفني مقدر عند عكف الأشانيب * * * * *
* * * * * مانيب من تومي عليه بعصاتك
رح للفراق إللي تركنا مصاويب * * * * *
* * * * * شمّت اعداتي قبل تشمّت أعداتك
الله معك .. رح وين ماودك تغيب * * * * *
* * * * * هذي حياتك .. وأنت حر بحياتك

لآتقسى علي ..~

أحساسي بقربكـ يكفيني }~

عرفت الناس والدنيا وطريقي
وعرفت إن الهوى كذب وأماني!
خذاني الشوق والحب الحقيقي
لذاك اللي عقب وده جفاني!
نساني للأسف في عز ضيقي
وأنا في غمرة جراحي أعاني!
لقيته في هوا غيري غريق
تنكر من هواي ومن حناني!!!

شفت صورة زايد رحمه الله و تذكرت هالأبيات للشاعر بندر بن سرور رحمه الله :

زايد على كل العرب بالوفاء زاد ** ساق المراجل لين وقف عددهـا
حلحيل حلوٍ مر زراع حصـاد ** كبـدٍ يداويهـا و كبـدٍ لهـدهـا
ولّي عجوزٍمن ورى شط بغداد ** سمت على شيب الفلاحي ولدها
تبغاه يطلع مثل زايـد و لا فـاد ** ما كل من هاز الطويله صعدهـا