فخامة ذوق لا أكثر #

دمع الوفآ / غرّد / على بيض الاوراق
يروي / تفاصيل القلـوب .. النقيّـه !

ماكل غيبه .. ياهوى الـروح تنطـاق
صدّك / نزع ستر الجـروح الطريّـه !

سافرت .. ماصنت / المودّه والاشواق
كنّ .. الوصل / بيني وبينك قضيّـه !

ليش الرحيل .. وليش تحطيم الاعماق
جرح الشعور المرهف / أكبر خطيّه !

إفراق / تدري وش ورى كلمة إفراق ؟
غير ... التعاسة / والشقى / والأذيّة !

كل الفرح .. فيني / بعد غيبتك ضاق
والحزن.. تغْريه / الضروف الشقيّه !

أرجع / فديتك .. ننتظر منّك الإشراق
طال الصبر ... يالليلة / السرمديّـة !

ماهو خطأ : فالعشق ترتيب الأوراق
الموت / لو مالك على الوصل نيّـه !

خذاني الشوق لعيونك وجيتك
طرالي شي ما عمره طرالي


على بالي ولا لحظة نسيتك
اسولف فيك من حالي لحالي

تغيب الناس لا جيت ولقيتك
اشوف بضحكتك وقتٍ مضى لي

خذيت من العمر عمر وعطيتك
دفا الايام وسعود الليالي

انا وش لون اعيش ان ما لقيتك
تذكرت الغياب وضاق بالي

تعال وقلبي المشتاق بيتك
فرشت الورد لقدومك يا غالي

زرعتك للوفا ظل وجنيتك
تذوب الشمس وغصونك ظلالي

تجول بخاطري لا من طريتك
اماني مالها اول وتالي

بين جفنك وعينك الف معنى ومعنى
وش بقاء للقصايد يوم ترخي جفونك

انت ياللي بزينك جيتنا تنتزعنا
وسع الصدر وارحمني على هون هونك

انت والله لو اني نبي نسري رجعنا
لا انتهاء زين غيرك كنهم يبتدونك

حي ذلك الحلا فيك عنهن قطعنا
مبطي ما ورد الزين من يشبهونك

كم بغيناك في وصف وانا اقول ضعنا
عجز ابيات شعر معذبك يا صفونك

كم شرينا بسوق الوصف غيرك وبعنا
وانت مهما وصفنا كله يطيح دونك

يا مضيق صدور البيض في مجتمعنا
والله اني بشعري ما قوينا عيونك

تذكر النظره اللي من ورائها اندفعنا
يوم تقبل سكوتك مختلط مع جنونك

ما تكلمت لكن سمعنا واطعنا
كن الناس مثلي كلهم يفهمونك

جيتنا في غرور ورحت تعلن ولعنا
لو انك تبيع كلامك والله اني زبونك

يوم قفيت والله ثقلنا ما نفعنا
اخذت ناس وناس ودهم يتبعونك

دام قلبك كبير وراهي يتسعنا
ظفنا معك او ظفنا في ردونك

اثر للزين هيبه تونا ما اقتنعنا
اقراء لا جيت تطلع وانتبه يحسدونك

لو معانا سكاكين لك الله قطعنا
بس ربك حميد وقطعتنا عيونك

الود ودي في غيابك انا أجيك . .
وأنثر ورد الشوق وأعلن قدومي ) !

وأعطرك من فيض شعري وأغنيك . .
وأنسى على شوفتك باقي همومي ) !

مآزلت لين اليوم .. ياقلب وآفي
والناس حولك في وفآھا .. بخيله

كآفي قصيد .. وضيق ياقلب كآفي
قفّل على الموضوع .. دوّر بديله

العز غيمه والوفاء ضوح براق
والصدق طبع ماتخونك مباديه

وانا على عهدي ولاخنت ميثاق
من مبتدأ عمري لآخر لياليه

كل له الله لاتحسف وتنساق
في ساقة اللي يسهجون المشاريه

ذولا بشر صارو خطيه للأذواق
والحر يفهم بالأشاره وتكفيه

مـاعـاد بـاقـي بالعـمـر كـثــر مـافــات ..
يالله عـسـى قلـبـك يـجـي فـــي مـســاري

اختـرت احبـك واعشـقـك طــول الاوقــات ..
ولاهــو بكيـفـي احـبــك فـــي خـيــاري

اهـواك لـو عمـري مـعـك بــس لحـظـات ..
واشــوف حـبـك مــن يـمـيـن ويـســاري

لاصـــارت الـدنـيـا بـدايــة نـهـايــات ..
واشـلـون ابـبـدى مـعـك والعـمـر جـــاري