ياليت كل العمرجيراني بقوم

المشاركة الأصلية كتبت بواسطة سهل نافع

هذه القصيدة وجهتها لجاري العزيز ....نشاء بن دخيل الله القرفي البقمي


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
للمدح هوجاس المعاني دعاني= فكري وطاروق التباريح معزوم
من خيرماجتدت سمان المعاني=عوب البيوت اللي جزيلاتهن كوم
لابن دخيل الله عريب المجناني =الجاري اللي مايجي وجهه اللوم
يستاهل التمجيد ذرب اليماني = فاالطيب والجيره على دايم الدوم
من القر وف مزبنين العواني=رجالهم عن نظرة الدون محشوم
ابامتني لوانهابالاماني=ياليت كل العمرجيراني بقوم
من دون قاصرفالقبايل علاني=طبع الوفاءمن بين لاجوادمرسوم
لكن نشاءعندي مكانة اخواني =قدره كبيرواقع الشك معدوم
أي والذي نزل كمال البياني =سبع المثاني غير الاحقاف والروم
حب الوفاءبين النشاما كياني =حبلن على ايدين الرجاجيل محزوم
ماينكرالمعروف غير الهداني=هيساتسلسل من رديين ورخوم
ياابومحمد شاهدلك عياني=كل ابلجامن خيرة الجيل شغموم
اللي يعرفونك علي الضماني =علما يردونه مشاكيل لقروم
كلا ينعم في فصيح اللساني=رداللثناء منهم لطاريك منظوم
ولاهي غريبه ياوسيع البطاني =سليل مجدا في سماءالمجد مزموم
صحيح لاقالوظهورالسواني=سهوم المنايا بماضي الوقت وليوم
يشهدلهم ريحان ماض الزماني =يوماعلى الاتراك فالكتب معلوم
من فعلهم كل يريد الاماني=الترك منهم راحواشتات وقسوم
فعل عليه شهودقاصي وداني =ماجبت من عندي خرفات ووهوم
واللي على طرق المدايح حداني=نشاء عضيد اللي من الوقت مظيوم
ياقف بجنبه بالقسا واللياني=مايرتخي عن واجبا فيه ملزوم
ماقلتها مجامل ولاني ولاني=احسب حساب اللي من الحقد ماسوم
[/poem]


وهذه مجاراة الشاعر ...عبدالله الجزلاني البقمي

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
اليوم هاجوسي ماغير ايحداني=عن مايبل الكبدوالزاد والنوم
اثرالقصيداليابغيته عصاني=اقعدوفكرويش اباقول وقوم
اعد ساعاته واعدالثواني=واناعلى هالحال هذامن اليوم
قريت لي خط ولومانصاني =كني على رده من الناس ملزوم
واخاف قبل ابداواحدد مكاني=تلحقني الشرهه ويلحقني اللوم
مدح النشاما للنشما عطاني=تصريح يدخلني معززومحشوم
بمدح سهل نافع عيانابياني=ماهوب برد ديون ومناقر خشوم
الاعلى شانه فلان الفلاني=زيزوم متسلسل من2000زيزوم
بني رشيداللي سوات السناني=مقطاع حق يلوذبه كل مظلوم
الهم على روس النوايف مباني=والهم عوايدترفع الراس سلوم
منهم( حذيفه) سيرته ماتخفاني=صاحب رسول الله على الدين مفطوم
ومنهم ابن شداد راع الحصاني=اللي شهرصيته على الفرس والروم
خطل الايادي0مطلقين العناني=وسامة الكفه بلاحروف ورقوم
رسالة فيها تراء العمرفاني=على فخوذالبل من القوم للقوم
قلته واناياسامعيني تراني=من خوة الوافين مانيب محروم
ادورالطيب وحطه وزاني=لني سليل اقروم ورافق اقروم
والاالردي لاشفت عشره ثماني=اقفي واجنب عن مماشيه واشوم
وابومحمد جاه مدح وكفاني=من فرحتي كنه على اثنين مقسوم
يشهدعلى ماقيل حيل سماني=في مجلسه تنحط كوماعلى كوم
[/poem]

الله الله واكبر
سهل نافع وعبدالله الجزلاني
صراحه صدفه مع زميلين غالين كل واحد منهم
لا يدري اني اعرف الثاني فاهنا وجدتهم وهذا تقديرهم عندي
ومعزتهم عندي كبيره وهذا الدليل

سهل نافع

[poem=font="traditional arabic,6,black,bold,italic" bkcolor="transparent" bkimage="" border="none,4,gray" type=0 line=1 align=center use=ex num="0,black""] يامرحبـا عـداد ماغـرد الطـيـر=ترحيبت(ن)فيها الوفـا والـورودي
باللي يعادل فـي مـروره جماهيـر=سهل ولد نافـع عريـب الجـدودي
ابن الرجال اللي بهاالمرجلـه غيـر=حمايـت التالـي عيـال سـودي
مهامزه في وقت ضيـق ومعاسيـر=محدن عليهـم بالمراجـل يـزودي
ماحسبـوا لطيـب قـل ومخاسيـر=والجار منهـم مايشـوف الهـودي
وليا لفوهـم مـن بعيـد المساييـر=الفواعلى اللـي يذبحـون قعـودي
والمرجلـه لـو دونهاحكـم تعزيـر=ماردهـم عنهـا وجـوهـا ورودي
على الكرم والطيـب ورد ومصاديـر=وخويهـم والجـار يرقـا سنـودي
ودخيلهـم يلقـا معـزه وتقـديـر=وعدوهـم مايهتـنـي بالـرقـودي
وقت(ن)مضى يوم المعوشه تعازيـر=قـدام الا يحكـم البـلاد السعـودي
يوم(ن)عج الخيل مثـل المعاصيـر=وقت(ن)ماعشبه الردي والشـرودي
كسابـت العليـا وملـح ومغاتـيـر=لو دونها مـن الحراسـه وفـدودي
ويرسون مثل الطويق بالارض والنير=ويسعون للجزلـه بكـل الجهـودي
ماقـول شـي الا ماثبـت باتقريـر=وعندي على ماقلت فيهـم شهـودي
لياهفوابالقـول بعـض الخنـازيـر=ابنا الضعوف امكيجيـن الخـدودي
اللي قبل يمشون خلـف المظاهيـر=ظعوف الرجال معطنيـن الجلـودي
اللي على الهفـوات دايـم مداويـر=اهـل النفـاق ودابليـن كـبـودي
اللي بهذا الوقت صـاروا مشاهيـر=يوم انها صارت سهـود ومهـودي
اللي سوالفهم علـى دهنـت السيـر=ليته خفس فيهم وصـاروا قـرودي
ورجـع بعدهـا للوجيـه المسافيـر=اللي لهم وقـت الشدايـد وجـودي
اهل الكرم يـوم السنيـن المدابيـر=وقت(ن)مضى واقفا عسا مايعـودي
واليوم يوم انه ضفا الامن والخيـر=ووحدنا بلدنا ابن الشيوخ فهـودي
عبد العزيز ابن الملـوك المناعيـر=صاروالحكـام الشريعـه جـنـودي[/poem]

عبد الله الجزلاني

بيض الله وجهك عبدالله وماقصرت

انشهد انك شيخ وابن شيوخ

[poem=font="traditional arabic,6,black,bold,italic" bkcolor="transparent" bkimage="" border="none,4,gray" type=0 line=1 align=center use=ex num="0,black""] والله ماكـتـب بـصـح لسـانـك الـــردي = هـاذي قليلـه علـى طاقمـك وافـرادك
ان مكتبت لك جـزل الصبحـت متـردي = وكـثـروا ورا صـاحـبـك يـالــرد نـقــادك
يابحـر ياللـي مــن الامــواج مشـتـدي = يالـلـي تـهـابـك مـــن الامـــواج روادك
لـو بيـح الوقـت يابـحـر الـكـرم ســدي = اعناد وقتـي علـي اهـون مـن عنـادك
ماجـيـت لــك يابحورالشـعـر متـحـدي = ماغيـر قـدر ومعـزه لــك ومــن قــادك
مـعــرب الـخــال والـعـمـام والـجــدي = الـلـي رفــع مسـتـواك وبالفـخـر زادك
الـلـي لـعـدوا رجــال الطـيـب ينـعـدي = وحمايتـك عـن اهـل الـزلات وسنـادك
ريـف النشامـا لــوان الـوضـع مـتـردي = عزالخـوي كاسـب الطـولات ومـجـادك
يامزبن اللي شكى الضيقـات منحـدي = الله يـعـزك ويـعــم عـيــون حـســادك
يالشعـر مـاهـو عـلـى كيـفـك ولاودي = هاللـيـل ماينـقـبـل عـــذرك لـقـصـادك
ولاهو بامزح(ن)معك هالليل من جدي = والله لتسـري لــو ان الـمـوت بـفـوادك
لعبـدالله اللـي يـقـف للكـايـده ضــدي = لتصـيـر لــه رد لـــو طـولــت بـعـنـادك
ســلام يالـلـي لـكـل المرجـلـه قــدي = ياللي على المرجله والطيـب ميـرادك
وياراعـي الطيـب لــو تبـنـي وينـهـدي = واصل مـع البنـي حتـى يـوم ميعـادك
ومايكـتـب الله لـــو يـنـلـد مـــا نـلــدي = ومال(ن)بـلا مرجلـه لـو جـاك مافـادك
ومافـات مـات ولـو انـه نـعـي مــاردي = ومـن مايعـزك مـرض نفسـك وقـدادك
عجـل شديـدك عـنـه قــدام لايـشـدي = لو كان برض(ن)دهـر وخلـي مرقـادك[/poem]

بيض الله وجهك يا سهل والف نعم بالبقوم

صح لسان الشاعرين والجميع يستاهل اكثر واحييك شاعرنا سهل

أبو سامي؟

مرحباً بك وبتواجدك الغير عادي...مرحباً بك وبمدحك وممدوحك ومجاريك...مدحت يأبا سامي فأبدعت وأجزلت...

يستاهلون البقوم المديح وهذه القصيدة قليلة بحقهم...وقليلة بحق نشاء البقمي...لكنك قمت بالواجب وبيضت وجيهنا بيض الله وجهك...وبيض الله وجه الشاعر عبدالله الجزلاني فقد أمتعني بقصيدته التي إن دلت تدل على إن وراها شاعر عملاق متمكن من أدواته الشعرية...

شكراً لك يأبا سامي على إتحافنا بهذين الفريدتين...

كبيير يا ابو سامي
صح لسانك ..

الشاعر سهل نافع والشاعر عبدالله البقمي صـــح لسانكم
على هذه القصيدتين الجزيلات وليس غريب عليكم الابداع

صح لسان الشاعر سهل بن نافع ( أبو ســـــــــــــــــــامي ) على القصيدة الجزلة

وصح لسان الشاعر عبدالله البقمي على مجاراته في قصيدة الجزله والرائعه

وليس مستغرب من أبداعهم في الشعر لأنهم سلاسلة شعر ومن رؤوس عرب .

نتمنى أن نسمع الكثير من روائع الشعر من الشاعر العلم سهل ومجاراته مع الشعراء الأخرون

كأمثال الشاعر الفحل عبدالله البقمي