الشيخ عايدابن ريلان

صح لسانك على هذه القصيده الجزله

اقتباس:
المشاركة الأصلية كتبت بواسطة سهل نافع
ايها الاحبه
السلام عليكم ورحمة الله وبركاته
اضع بين يديكم ماجادتبه قريحتي
عسى ان تنال استحسانكم
وهي اهداء للشيخ عايد بن ريلان النمياني المهيمزي
قلتها في محاسنه وشمايله وهي اقل كثير من شخصية هذ الرجل
الفاضل الذي طالت سمعته السحاب بين الا قراب والاجناب

ابيوت شعري في مدايح هل الطيب=اللي الناصيهم اجبال (ن)سنايد
تسبق مداد الزاج فوق المكاتيب=وعلى صدور اكرام سبلا قلايد
تنقاد لي قود المطاياالمداريب=لا اطلقت من فكري عنان الفرايد
ماهي سوالف مخطي المدح ومصيب=المدح حان الموجباته نجايد
ابامدح اللي صام عمره عن العيب =سمح القبال اللي شفوفه بعايد
راعي هلا لمدورين المعازيب=لاطالهم جهد الصلف والنكايد
امدورين ذهوب حرش العراقيب=ولاعسوس ومن خرمهم جهايد
من كثر ماهو يطرقون النبانيب=عمسا ولا شافوا من الناس رايد
أووفقهم الله بيت راع التراحيب=هيف السمين وللمواجيب قايد
اول إقراهم بن كيف الشواريب=وقدوع تمر اميلات الجرايد
وطيب (ن)تشبب شبته بااهل الشيب=وسوالف(ن)تحشم عن اهل النقايد
وكبش(ن)على افطحته تلف الاعاصيب=عاده الضيفانه ونعم العوايد
وان جوه دوار العطايا مطاليب=مده جزيل ولايمدالزهايد
صفاة من جله جزالي مطاريب=هذي مزايا الشيخ عايدوكايد
صحيح مدحي نافن الشك والريب=مال التصنع في حياته بنايد
على سجايا امروضين الاصاعيب=الطيب فطره والمناسب جوايد
يكفي فخر طاريه بين الاجانيب=ذكره مع الاجناب داني ونايد
مدح (ن) زهابه بين عكف الاشانيب=والنعم في عايدالياقلت عايد
من مايفاخر با ابن ريلان توجيب=فخراً عليه اهل الشريعه ودايد
ماله احساب مع الرجال المحاسيب=اللي اتذخر عند وقت الضدايد
انقلت لك عايد عريب المجاذيب=طيبه ورى ماقلت باالشعر زايد
للصدق نور(ن)كنه الجدي مايغيب=بعيون منهو بين الامه عدايد
يقربه حس الرجال المواديب=اهل العقول الراجحات السدايد
لعل يفدونه اكباراللغابيب=اللي مع الفرقان مثل الردايد
يابو بدر لو قلت بين الاقاريب=الشك زايل والعرب بالشدايد
ناقف سوى لا من عوى الذيب لذيب=مذهب حمايانا على الكودكايد
اقول مدحك في قصيدي مواجيب=واجب ولاني عن هل الحق حايد
من هد بالنادر عطيب المضاريب=رجع من المقناص صايد وفايد
ومن هد بالوكري قصير المخاليب=ماهو بلا فايد ولاهو بصايد
ترهيب مصقول البلاغه الترغيب=وجه الشبه لأعراف كل البدايد

هذه القصيدة أعتبرها محاضرة عن الشعر عامة وغرض المدح خاصة
من خلال معاني الكليمات وجزالة المفرداة المناسبة للبئية التي فيها الممدوح..
لن أتكلم عن الشاعر :فهو النادر الجزيل .. والشعر دليل..والممدوح شيخ جليل
أقول :الشعر رسالة الشاعر فيجب على كل شاعر أن يجعل من شعرة المجتمعة فهو يعد سفيرهم يتكلم بشعرة عن حاجاتهم ويبرز مميزاتهم ،
وهنا الشاعر قام بواجبه اتجاة من يستحق المدح فعلا دون مبالغة

هذه الأبيات من القصيدة
راعي هلا لمدورين المعازيب=لاطالهم جهد الصلف والنكايد
امدورين ذهوب حرش العراقيب=ولاعسوس ومن خرمهم جهايد
من كثر ماهو يطرقون النبانيب=عمسا ولا شافوا من الناس رايد
أووفقهم الله بيت راع التراحيب=هيف السمين وللمواجيب قايد
اول إقراهم بن كيف الشواريب=وقدوع تمر اميلات الجرايد
وطيب (ن)تشبب شبته بااهل الشيب=وسوالف(ن)تحشم عن اهل النقايد
وكبش(ن)على افطحته تلف الاعاصيب=عاده الضيفانه ونعم العوايد

فيها من المفرداة التي يتميز فيها الشاعر عن غيرة ....
فيها عبق أصيل...ودروس وتذكرة الجيل ......لايفهمها لو قيلت لوحدها إلا القليل: منها :النبانيب ـــ إقراهم ـــالأعاصيب ــقدوع........
يستفيد منها الشاعر الشاب في تطوير موهبتة وثقافته الشعرية

أبو سامي أنت أستاذ دكتور شعر وكل قصيدة لنا فيها دروس ..
فشكري وتقديدي لك وتقبل خالص إعجابي وفائق أحترامي .

صح لسانك ومشكور اخوي..