رد الشامري على العمدة: كلن من طحينه يسوي عجينه=ويحط في زوادة أصحابه الزاد

صح لسان الشاعرين على الابداااااااااااع والمجاراة ياحمد

صح السنتهم

شعار من الوزن الثقيل

ومجاراه تمتاز بالحكمه والشعر المميز

صوت وصدى وصواعق رعديه
^_^

شاعرين عملاقين لايستهان بشعركما ومعانيكم دفينه يعلمها كاشف الاسرار وحده

تقبلو مروري

اقتباس:
المشاركة الأصلية كتبت بواسطة أحمد الشامري

لقيت قصيدة لاحمد الشامري واستهويت مجاراته
قصيدة احمد على هذا الرابطhttp://www.almohemzat-abs.com/vb/showthread.php?t=16192
وهذي مجاراتي :

[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماج البحر واغرق شراع السفينه=فاجأ السواحل واعجز اقمارالارصاد
خلا قعود الخلج يزعج حنينه=واقعد حنينه قاطن الضلع من غاد
حض البخيت وما كتب في جبينه=لو طال عمره واتلف الحال ما زاد
ذي مفترق طرق الرموز الفطينه= واول محطة وصل لاحلام الاوغاد
أما شمال الدرب وألا يمينه= ماطى خُطا الماشي على اثلاث الابعاد
وألا عبر جسر المواصل قطينه=وارتاح بال موفق الراي وانقاد
اما انت يااحمد ويش بينك وبينه؟= وحصونك اضعف من تماثيل الالحاد
خدك روا وبل الدموع الحزينه= ويديك مفتول ٍ لها اهجار وقياد
ما افسد عليك الدهر مثل الظغينه= في نظرتك للصدق في هرج الاجواد
الليث تخشى جيته في عرينه= يوم ان جمع غليص لامد ما عاد
احصد ثمر زرعه وقوم هجينه=واجمع شتات الحب في سوق بغداد
وبعدين تنصفك الليال الظنينه= يلحق جوادك سبقها لآخر الماد
[/poem]



ردي على مجاراة العمدة


[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
دنيا الفنى يا عمدة الشعر زينه=وتكاثرن بالمال والا بالاولاد
ما بيننا اكبر من خفايا دفينه=وابخس من خشاش الفلاحة لحصاد
مترجمين الفلم ومدبلجينه=والعرض ما يلزم له متون واسناد
كلن من طحينه يسوي عجينه=ويحط في زوادة أصحابه الزاد
وفطانة الشاعر عمى محللينه=وصدى حساسه جلجلة خيل وعتاد
ونفس حرمها الله نزول السكينة=وش عاد يفرق دمها عن عرب عاد
لو انها ما بين فينه وفينه=فكوا من الأصفاد ردوا للأصفاد
ماهي بدورات الليالي مكينه=ولا دمها لمطارد الثأر سداد
سمي على العباس بأجمل مدينة=عهد تغنى به من الفرس عرباد
لو يتخذ من دين الاعراب دينه=من شرذمة هارون و أوباش الاكراد
من زلة لسانه لقطعت وتينه=نعن له من صفوة جيادنا جياد
فيهن من الجلفة ملامح وعينه=وملزهن من قاع رخة اليا كباد
وان كان ناصر ما يناجي قرينه=حطوا على تاريخه الحافل حداد
وشوفوا على عودن يقنه حنينه=ملامح فيها من الاعياء والاجهاد
أوخط شعر رأسه وخطت يدينه=ما بين مستغرب وما بين معتاد
يخدع بضحكات الرخاء معايشينه=وان يبست الأرياق عود للإبعاد
لا حصل الفرصة على مناصرينه=اصبح عليه الصبح مع نزل الاضداد
يا شين لفقات الزمان ويا شينه=انهاه عن طبعه و ياخذ ويزداد
يحط هزلات الخوافي سمينه=وتحطها عيون العرب عمد واوتاد
لو بيننا حبال الصداقة متينة=جبتهن ايدينا بذربات وحداد
والعلم باقي في ذرى محتمينه=اكبر من الشرهة على عقول الاوغاد
واللي صبغ بالظن جيمه وسينه=وش ناتجه من طايل العمر لو زاد
قله ليا منه جزع من سنينه=ما ضاع حق ومن ورى الحق طراد.
[/poem]

قنابل نووية مدوية

[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من زلة لسانه لقطعت وتينه=نعن له من صفوة جيادنا جياد
فيهن من الجلفة ملامح وعينه=وملزهن من قاع رخة اليا كباد
وان كان ناصر ما يناجي قرينه=حطوا على تاريخه الحافل حداد
[/poem]

أحمد
صح لسانك مدد لا عدد
قصيده بإسلوب غير تحمل بطيّاتها طلاسم غامضة ومشفره كاشفرة حقيبة صواريخ الاتحاد السوفيتي النووية لايفك شفرتها إلا من يعرفها
شاعر خطير جداً
تقبل مروري وفائق إحترامي
دمت بخير

صوت وصدى رائعين
فـ صحت السنتكم جميعآ
هنا الجزاله والابداع يتعانقان
لاعدمناكم ولا عدمنا ابداعاتكم

تحيييييياتي لكم

احصد ثمر زرعـه وقـوم هجينـهواجمع شتات الحب في سوق بغـداد
وبعديـن تنصفـك الليـال الظنينـهيلحق جوادك سبقهـا لآخـر المـاد

الله لا يعيد الشتات يخلي عزيز القوم رخمه مشكورين يا حلوين اشكرك على التواضع الشامري بصورتك المميزة

وين العمدة ؟؟

انا دخلت على الرابط لقيت كل القصيدتين لاحمد الشامري !!

وش السالفة ؟؟!!