إذا أبوك قرر يتزوج تحضر زواجه

ابو عوض

اسعد الله مسائك بكل الاوقات

ما فيه شك ولا مساومة اكيد بروح هذا ابوك انت تحمل اسمة الناس يقول ولد فلان مو ولد فلانة

والام العاقلة تقدر الشئ هذا اكيد الغيرة صعبة بس توضح الامور من الناحية الدينية (( الشرع حلل اربع)) وراح تتقبل الوالدة الامور بكل هدوء ونادراً ما تقوم زوجة بالتصرف نفس تفكيرك مع اولادها.

وانا موب بس احضر لا والله ادفع المهر بعد وهم ارضي الوالدة بشي حلو



عازف ....... كنت هنا


دمت كما تود

والله قويه يارتوجه بس ماشاء الله عليج عقلانيه لدرجه ههههههههه
الشباب شي طبيعي يروحون وعادي عندهم وعلى قولتهم يرقصون بس البنات مووودري صعبه عليهن يخلون أمهن وهنا رايحات عرس أبوهن ومستانسات وكاشخات
عن نفسي طبعا ما راح أروح وأحاول أرضي أبوي بشي ثاني عشان مايزعل علي وأوضح له أسبابي

لا ابحضر الزواج واخذا المواجيب واخرب الزواج واطلع

< لئييييييييم هههههه

لا جد اذا مامي ماتبيني احضر ماراح احضر زواجه

إرضاًء للغاليه

وابوي مرده يرضي خخخخخخخ

[f]انا عندي عاااااااادي ان ابوي يتزوج<<<مااعتقد الشايب يسويهاااا

وبسبة لي بحضر زواج ابوي واقنع امي تروح نستانس

لان الحياة تستمر ماتوقف على شخص <<<عذرا باباتي




يعطيك العافية ع الموضوع

الله يرحمك يابوي رحمه واسعه

تزوج وانا بالمتوسط وانا اللي اعزم واشب النار واصب القهوه

تزوج وانا بالثانويه انا اللي جبت الذهب وجبت الفرش وقصيت الكروت

تزوج وانا بالجامعه (كاني زعلت شوي)هههههههههههههههه وغصب عني قمت بالزواج كله

لكن الحمدلله توفى رحمةالله عليه وبرقبته اربع زوجات وكلهن ببيت واحد ولانفس لكن اليووووووووووووووووووووووووووم

يارب استرههههههههههههههههههههههههه

اووووووووه لو هوحي وربي اني لادفع المهر وابني له بيت بنى الله له بيت بالجنه

لا عني انا ماراح احظر هو يبي يتزوج كيفه خله يتزوج بس الزواج اكيد بسبب وبعدين السبب الي مايخليني احظر زواجه ارضاء لاامي وهو تكفيه عروسه ذيك اليله تنسيه عياله وحرمته الاولى ولا درا عنهم وانــــــــــا جد اهم شي امي ومااقول ابوي مو مهم بالعكس ابوي له معزه كثر معزة امي بس قلب امي غير وانا رجال واقولها لكم الي يتزوج على حرمته بدون سبب مو كفو ان عياله يحظرون زواجه

والله الزواج له أسباب

وإن كان بدون سبب له راي ثاني

بالنسبه لمجتمع النسااااااء صعب جداً لانه بتجيك أسئله سخيفه خصوصاً من العجز
وحتى لو حضرت الوالده تبي تسمع كلام تشجيع على روحها الحلوه وقبولها ومن بين
الاسطر كلمات تغث
مثال: تراج انتي راس المال وانتي الاوله وانتي الغاليه وماغير نزوه ويرجع ووووووووو ماله داعي
ولا الادهى لا صار أهل الزوجه الثانيه متواجدين وماأدرااااك مالنظراااات
وعلى ان المسكينه حضرت وجاملت مايخلونها أهل الحسد أقلها شوفوها جايه ياقوي قلبها من بكره الوالده مسدوحه

أما مجتمع الرجال ماشاالله عليهم الا قمة الرجاااحه أكيد إخواني بروحون وجودهم ضروري وعدم روحتهم ماراح يغير من الزواج شي
خلاص تزوج والوالده ماراح تزعل لان الام العاقله ماتخلي عيالها ورقة مساومه ابد


هذي وجهة نظري مع شكري لصاااحب الموضوع