آخاف احگي ولآ يوصل شعوري مثل...((ما حسهـ

عوضوك بغيابي لا تقول اني وحشتك*
لا تجامل دخيلك في شعور يعنيني*

بس يكفي كفايه لا تمادى عرفتك*
خاين الحب ما له في فوادي حنيني*

إنت ياللي بعيني حلم عمري رسمتك
وكيف تجرح خفوق يعشقك من سنيني*

أحسبه زاد حبي في غيابي وحسبتك
ما تجاهل وداد كان بينك وبيني*

كم سهرت الليالي وكم ليله سهرتك

وكم ليله خيالك نام في وسط عيني*

وكم قل لي دخيلك كم ليل انتظرتك

كم قل لي تفضل كم صدك يجيني

كنت تجري بدمي لا نزفته نزفتك
كنت ساكن خيالي داخلي محتويني*

من كتب الحروف الأبجديه كتبتك*
لامه إن كان تبغي أول الحرف سيني

اللةً يرحم زمانا كنا على العهد باقينً

وحشتك ؟؟ مااظن

لو وحشتك كنت تسأل

او تجامل عالاقل ..

ماكان ذا حالك معي

مبعد ولا تفكر تجي*


ماكنت تثقل .. او تمارس

كل جفوآتك علي

ماتبيني ؟؟ ايه ادري

لان غيري صار قلبك

لان دربي ماهو دربك

لان غيري هو سماك

وانا فجأه صرت ارضك ؟؟


ماتبيني . ايه ادري*


لان قلبك ماسألني ليه ابكي ؟؟

ليه اشكي .. ليه صمتي صار يحكي

ليه عيني غارقت دمع الجفا

لان قلبي مالقى شخصٍ وفا

ولان هالدنيا اصفعتني

صرت اخشى كل مسا

ولاتقول اشتقت لي ..


خلك بعيد*

محدن سأل مره علي ..؟؟

ميت انا او زلت حـي

كلن حلف انه وفي

وكلن حلفلي مكتفي

يطلبني اشعل مابقى

واليوم نوري ينطفي

والكل عني يختفــي

وين الوفــي ؟؟ مابه وفي

واشتقت لي ؟؟

بدري ترا ..

ماعاد بي غير الكرى ..

ولا تغرك نظرتي

[ ترا عيوني ماترى ]*

من كثر ناري والدموع*


**



**

نسيت كل الي جرى ؟؟

شلي حصل ؟ خنت او نسيت؟؟

ماافتكر

غير الجروح

والا السبب ..

صدقني مابه ينطرى ..

عذرك معك وانا اعتذر

اني ببساطه ماقدرت

اخفي همومي وابتسم

واضحك بقولة مايهم

صحيح ماهو في يدي

بس دامني اقوى الكلام
بس قبل لاتمشي ترا ..

ما كل نـآر يطفيـه مـي*