ِِ مقــهى البـوح الشـعري ..،، تفضل أرتشف قهوتك ..ِِ.

لا تكاثر جيتي يا نظر عيني ** الله اللي جابني لك و مشاني
جيت ابي دربٍ مشوه المحبيني ** بالمحبة راجحٍ لك بميزاني
أحسبنّك مثل ما اغليك تغليني ** ما دريت انك عدوٍ و قوماني
أثر لك يا متلف الروح قلبيني ** قلب يبغضني و قلب يتمنّاني
تحسبن الله قطوعٍ يخليني ** يوم تكفى الحوض في وجه عطشاني !

كلمات خلاص من حبكم يازين

للشاعر : سعد الجنوبي



خلاص من حبكم يا زيـن عزلنـا
ماعاد لي في هواكم شـف أو رادة
اللي شبكنا معـك ياحلـو يخلصنا
يكفيني اللي حصل ما استحمل زيادة
أظن فـي حبكـم محـد بغاصبنـا
واظن مانته بعد في حلقـي قـلاده
دور علـى غيرنـا بـلاش تتعبنـا
في شرع الأجواد كل يتبع امـراده
الله يوفقـك وحـنـا الله يوفقـنـا
الناس واجد وكـم للحـب طـراده
أول رغبناك يومـك مثـل راغبنـا
ومن يطلب البعد حنا نطلب ابعـاده
أيـام كنـا غشـم يامـا تكلفـنـا
ندور رضاك مهما تخلـف العـادة
واليـوم أبشـرك ياسيـدي تعلمنـا
وبدلت نوم الحزم بفراش ووسـادة
اللـي هوينـاه حصلنـاه وحصلنـا
وارتاح قلبي علـى رغـم حسـاده

لا اله الا الله ....

وش قومكـ .. وش فيكـ .. وإلا عــلامكـ ** قد لكـ معي كم يوم وعلومك علوم
....
وأنا أدري أنــي يــآ مرآمي مرآمـــكـ ** لـو تقعـد الدنيـــآ و لآ تقـدر تقــــوم
....
عطيتني قلب !! و بخلت بسلآمكـ ** وش فآيدة حبك و أنــآ منــك محروم
....
لآ عــاد تزعل و أحييني ببتسآمكـ ** ضحككـ يزيل أوجاع و جروح و هموم
....
و كــلآم عينـــك مآ يهمش كلآمــك ** كلآم عينك كوم و حكاك لي كـــــوم
....
لآغبت عن عيني رح انشد غرآمــكـ ** تلقاك في قلبي مقلط و محشـوم
....
بعدين يآ أغلى الناس وفــر ملآمـكـ ** ترى الغــلآ يجفل على كثرة اللـــوم
....
دونك خفوقي ممتلي من سهامكـ ** و لآ شكيتك جرحه و قلــة النــــوم
....
القلب مثل الطير .. وفر حمامــكـ ** إن افلس اقفى لسماء يقلب الحوم
....
لكن قبل لآ انسى بنبهك دآمــــكـ ** مسلم و باقي كم شهر و يدخل الصوم
....
لآ يذبح الموضوع قل اهتمامـــكـ ** طعني وشف لك شيخ يفتي لك اليوم
....
مآ ظنتي يــآ زين يقبل صيآمــكـ ** ريقك عسل ..علمني اشلون بتصوم ؟!

غـايب لك مـده وانـا غليك بـالحيل
غـلاك دمــر مـهـجـتـي يـاثـمـرهـا

عيني تـهـل الـدمع مثل الهمالـيـل
مـاغـبت عـنهـا ساعـةٍ يـانـظـرها

طيفك يـزاورني على تـالي الـليل
تـنـور اليـالي مـعـتـمه يـاقـمـرهـا

قلبي عليك يـذوب مثل المحـاليـل
خظرٍ على عيني عماهـا سهـرهـا

اراقـب النجـمات وطـالع اسهـيـل
بفـراقـك الـلي كل كبدي جـمـرهـا

حان السفر والجو عندي تعكر
والارض ضاقت بي على وين ماسير
والدمع من داخل عيوني تنثر
محدن يلوم اللي بعيد المشاوير
صبرت قال القلب انا كيف باصبر
والبال دارت به كثير التعابير
قلت العفو ياخاطري لاتعبر
شد الرحال وخل عنك المعاذير
هذي هي الدنيا لها طبعن اقشر
لو جمعتنا فرقتنا المقادير


الله يعيييييين